Haddoo 28:3 - Kafa Linguistics Project

³ Boonoshich ishichibe: ‘Doono Yeeri taach ittoshi deejjemmi qaaqqoona micciibeeti deejjoo ebine: kuxeyaanoon bulli aaboon micciibeeti deejjoyich bachaalli ikke nati gutte bagee baaddoon qemi qemona deejjibote.

Haddoo 28:3 ပူးပေါင်းရင်းမြစ်များ

1 Kiinoo 16:40

Ebiyoo Doono Yeeri Israꞌeeleenaꞌoyich bi gettito Sheeree Macaafooch kooreetoommon deejjee gudooch giddeebeeti micciibeeti deejjoon bulli aaboon maaddoonaa womikkoonon boonoshi giddiyemmoyichiye.

2 Kiinoo 8:13

Bi deejjito, Muusi gettitoommon, baari baaree aaboon, ebiyoo shambetooba, agenee keyi baarooba, wotta nateexi keejje baarooba, ebi geto Shittoo Giyaani Kochi Baarooba, Maayi Qecci Baaroobinaa Bashee (Yambaaree) Baaroobinane.

Iziri 3:5

Ebiyee gubb, qemi qemona micciibeeti deejjoon, agenee keyi baaree deejjoon, Doono Yeerich yaafeeti baaroo bullichi deejjoonaa mullee daaggoona asheenaꞌo Doono Yeerich immiti wojjoonon giddiiheete.

Daaneeli 11:31

“Bi ginee naayinaꞌoo yaafee kexonaa bi xaqqee uxeroonon eeꞌiyemminaꞌone. Yeerich qemi qemona giddeebeeti deejjoon echiyemminaꞌone. Aalloon deebemmi eeꞌoon Yaafe Xaaꞌooch neechemminaꞌone.

Daaneeli 12:11

“Qemi qemona deejjoon giddiyoo maacheti aaboochee, ebiyoo aalloon deebemmi eeꞌo geddeti aaboochee tiijjiree, ikke humaa gutte ballaa yixane qemo beshemmone.

Daaneeli 8:11

Shimaayeexi ginee iraashoo tuneti Yeerina tookkii bi tatemmi wottoon bi qelloon oogiihe; Yeerich qemi qemona micciibeeti deejjoon echiihe; yaafee kexonoo eeꞌiihe.

Daaneeli 8:13

Aroochee gutte maraakeenaꞌo yibbaatee beetaa waayeho. Ikkoo ishichiꞌi echehe: “Ebi yaaꞌoona bekketi mooyo tune bi beeyemmo, aati wottooniye? Ebi ciigiiti axaaxoo qemi qemona micciibeeti deejjoon keriree bi beeyemmo, aati wottooniye? Yaafee kexonaa Yeerichi asheenaꞌona neeche beeyemmo, aati wottooniye?” iye.

Leweenaꞌo 3:5

Aroochee Harooni anaami bushiisheenaꞌo ebi bullin micciibeeti deejjoona tookki deejjee gudoochaa deejjibeete. Ebiyoo Doono Yeeri taach qaaqqooch michaa giddeebeeti, gaawe cinnechi deejjoo tunemmone.

Leweenaꞌo 6:9

“Harooninaa bi anaami bushiishoonoyich ishichi gete: ‘Micciibeeti deejjoon giddiyee qocoo ebine: Micciibeeti deejjoo xumo bullin harimmi wottoon, deejjee gudee toommooch beeti gudee xaaꞌooch beebe. Qaaqqoo deejjee gudee toommooch tahaanoon aaxxebe.

Amootsi 4:4

Doono Yeeri ishichiye: “Israꞌeeleenaꞌote, akehe, cikki Beeteel beeti goyinnee xaaꞌooch hamiree axaaxoon shuune beebote! Galigal hamiree ittoshi hakkimmi wottoon axaaxoon shuune beebote! Maaddi maaddoona deejjee gijjoon, keejj keejje qemona asraatoon giddii beebote!

Haddoo 28:10

Ebi shambeti shambetooba ittoshi giddiyemmi deejjoo, kuxeyaanoon bulli aaboon giddeebeeti, micciibeeti deejjoonaa uyee deejjoonoyee baroone.

Haddoo 28:15

Wotta axaaxee deejjoyich tunemmi ikke emmishee baaddoon Doono Yeeri taach deejjibote. Ebiyoo kuxeyaanoon bulli aaboon micciibeeti deejjoonaa uyee deejjoonoyee baroone.

Haddoo 28:23

Maaddoona giddeebeeti, kuxeyaanoon bulli aaboon micciibeeti deejjoyee baroo eboshin deejjibote.

Haddoo 28:24

Ebiyoommon wotta Doono Yeeri taach gaawe cinnecho tuneti maayi buuroon, qemi qemona shabaatte qemon, qaaqqoona micciibeeti deejjoon deejjibote. Ebiyoo uyee deejjoona tookkii kuxeyaanoon bulli aaboon giddeebeeti micciibeeti deejjoyee baroone.

Haddoo 28:31

Eboshin uyee deejjoona tookki deejjibote. Ebiyoo maayi buuroona tookkii kuxeyaanoon bulli aaboon giddeebeeti, micciibeeti deejjoyee baroone. Ebi gijjeenaꞌo bachaalleenaꞌo boonoshi tunoon xiishibote.

Haddoo 28:4

Ikke bagee baaddoon maaddoona, ikke bagee baaddoon wotta womikka deejjibote.

Haddoo 29:11

Wotta axaaxee deejjoyich ikke emmishee baaddoon deejjibote. Ebiyoo axaaxoon maariibeeti axaaxee deejjoyee, kuxeyaanoon bulli aaboon micciibeeti deejjoyee, maayi buuroonaa uyee deejjoonoyee baroone.

Haddoo 29:16

Wotta axaaxee deejjoyich ikke emmishee baaddoon deejjibote. Ebiyoo maayi buuroonaa uyee deejjoona tookkii, kuxeyaanoon bulli aaboon giddeebeeti, micciibeeti deejjoyee baroone.

Haddoo 29:6

Ebiyoo batti agene keyooba maayi buuroona tookkii giddeebeeti, micciibeeti deejjoyee, maayi buuroona tookkii giddeebeeti, kuxeyaanoon bulli aaboon micciibeeti deejjoyee, wotta eboshina tookkii giddeebeeti uyee deejjoyee baroo, qoceetoommon giddeebeeti, Doono Yeeri taach gaawe cinnecho tuneti, qaaqqoona micciibeeti deejjoone.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Hibireena'o 9:6

Ebi bulliyoo ebiyoommon qanniꞌi bi beetaa, qeesheenaꞌo boonoshi maddee doyoon ceechiibee, bulli aaboon duukkaanee daggeexi kelli badd giyii beetinaꞌone.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.