Haddoo 28:11 - Kafa Linguistics Project

¹¹ “ ‘Batti agenee keyooba gutte wuron, ikke ooge bagee baaddoon, bachaalli, ikke nati shabaatte gishiishi bagee baaddoon micciibeeti deejjoo tuniiree Doono Yeeri taach deejjibote.

Haddoo 28:11 ပူးပေါင်းရင်းမြစ်များ

2 Taateenaꞌo 4:23

Biyoo, “Hanaach agenee keyi baaroo woyee shambetoo toone; bi waan ne hammemmo amoyichiye?” iye. Ureyoo “Diggoyichiye” iyan.

2 Kiinoo 2:3

Xiroosi taatoo Kiraamichoo ishichiꞌi wochoon daachiihe: “Ta nihoo Daawiti, bi beeyemmi taatee kexon bi hagiyooba yigee mixon biich ne deejjoommon, taachoo ebiyoommon deejjibe.

2 Kiinoo 2:4

Israꞌeeleenaꞌo, bulli yemeenoon boonoshi tuniyemmoyich getteetoommon, Doono Yeerich gaawe cinnechi ixaanoon shoohoyich, kuxaanoon yaaree koshon giddiyoyich, micciibeeti deejjoon maaddoona, womikkoona, shambetoona, agenee keyi baaroobinaa maacheti baari baaree aaboobina giddiyoyich, ta Nuggishoo Doono Yeerichi shigoyich kexon hagiree biich yaafiya iyaabeeto taane.

2 Kiinoo 8:13

Bi deejjito, Muusi gettitoommon, baari baaree aaboon, ebiyoo shambetooba, agenee keyi baarooba, wotta nateexi keejje baarooba, ebi geto Shittoo Giyaani Kochi Baarooba, Maayi Qecci Baaroobinaa Bashee (Yambaaree) Baaroobinane.

Iziri 3:5

Ebiyee gubb, qemi qemona micciibeeti deejjoon, agenee keyi baaree deejjoon, Doono Yeerich yaafeeti baaroo bullichi deejjoonaa mullee daaggoona asheenaꞌo Doono Yeerich immiti wojjoonon giddiiheete.

Nehimi 10:33

Ebi wojjoo yaaree koshoyich, qemi qemona giddeebeeti maayi buuroonaa micciibeeti deejjoonoyich, shambetooba giddeebeeti deejjoyich, agenee keyi baaree deejjoyich, maacheti baaree aaboyich, yaafeeti wojjeenaꞌoyich, Israꞌeeleenaꞌochi axaaxoon maariyoyich giddeebeeti deejjoonaa no Nuggishoochi kechi maddoo bullinoyich heechemmone.

Shoddo 40:6

Deejjoonaa buuroonon qaawaano neene; micciibeeti deejjoonaa axaaxee deejjoonon qaawaano neene; tunebaani neechon ta waayemmi waamon taach immehine.

Shoddo 40:8

Ta Nuggishoo Yeero, ne daaggoon tuniyoona emiriyoye; ne sheeroo ta mullooch beetone” iyo.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Shoddo 81:4

Ebi Israꞌeeleenaꞌoyich icheti qociyoo, Yaaqobichi Nuggishoo getoone.

Isiyaasi 66:23

Agenee keyoochee agenee keyooch, shambetoochee shambetooch, asho bulli taach goyinnoyich ta aafooch woyemmone” iye Doono Yeeri.

Hiziqeeli 46:1

Nuggishoo Doono Yeeri ishichiye: “Maaci addibaabooch giijjiibeeti, aabi-keyo waan wotteti kello, shuunee aabo tuneti shiritte qemo bulliich hicheree beebe; tunebaani shambetoobinaa agenee keyi baaroobina qecheebe.

Hiziqeeli 46:6

Agenee keyi baarooba, ikke gubbenoon, shiritte gishiishi bagee baaddoonaa ikke ooge bagee baaddoonon giddiibe; eboshi bulliyoo bachaalleenaꞌo tunebeete.

Hiziqeeli 46:7

Gubbenoona tookki ikke efaahee maayi buuroon, ooge bagee baaddoona tookki ikke efaahee maayi buuroon; gishiishi bagee baaddeenaꞌona tookki iraashoo bi qaawitoommi maayi buuroon giddiibe; ikke efaahee maayi buurooch keejje neetiree zayitoon gede.

Hosee'i 2:11

Bi emiree baareenaꞌon, nati baareenaꞌon, agenee keyi baareenaꞌon, shambeteenaꞌon, maacheti bi baareenaꞌo bullin echiyemmo taane.

Leweenaꞌo 1:13

Uro maacee meenonaa baatoonon maye. Qeeshoo deejjee gudoochaa bullin ikkot deejjibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:3

“ ‘Deejjoon bi giddiibeeto, micciibeeti deejjoyich bi miimoochee tunegaata, bachaalli wuron giddiibe. Doono Yeeri ta deqqemmoyich, danee duukkaanee kelloochaa giddiibe.

Leweenaꞌo 1:9

Uroo maacee meenonaa baatoonon maye. Qeeshoo ebi micciibeeti deejjoon, qaaqqoona micciibeeti deejjoon tuniiree deejjee gudoochaa bullin ikkot deejjibe. Ebiyoo Doono Yeeri taach gaawe cinnechi deejjoo tunemmone.

Amootsi 3:5

Kafee shaacheyaani ollooch giyi yecheyehane? Ollo biin shuurikkiti mooyo aalloon hacinnehe?

Amootsi 8:5

Ittoshiyoo “No maayoon no kemmemmoyich, agenee keyi baaroo besheshoo geta! Teepphoon wochinnoon no kemmemmoyich shambetoo besheshoo geta! Ebi aabo beshemmo gaata, munne kobbayona maayoon qeelle aaxxii kemibee, koote machoona asheenaꞌon dachesho noone.

Haddoo 10:10

Wotta ittoshi emiree aabooba, ittoshi baari baarooba, agenee keyi baarooba, micciibeeti deejjoonaa ikkittinee deejjoonon ittoshi giddiihooba tiroon hugote. Eboshiyoo Doono Yeeri ta aafoochaa ittoshi shalligeyemmoyich tuniyemminaꞌone; ta, ittoshi Nuggishoo Doono Yeeri taane” iye.

Haddoo 28:19

Gutte wuron, ikke ooge bagee baaddoonaa ikke nati shabaatte gishiishi bagee baaddoonon qaaqqoona micciibeeti deejjoon tunii Doono Yeeri taach deejjibote. Eboshi bulli ikke bachaalleenaꞌo tunebeete.

Galaati 4:10

Aaboon, agenoon, yarimmoon, natonoo haddiꞌi baariibeeto ittoshine.

Qolaasiyaasi 2:16

Illa maayee naboona woyee uyee naboona woyee nati baaroon woyee agenee keyi baaroon woyee shambetoon ittoshi quyee qajji naboona koniyoona ittoshi toommooch nallaaye.

Qolaasiyaasi 2:6

Illa “Kiristoos Yesuusi Doonone” iꞌi ittoshi miixetoommon, biinna beebote;

1 Saameeli 20:5

Daawitiyoo biich ishichiye: “Ebiyoche, yaach agenee keyi baaroo bi tunetoyich, maayoon mamoyich taatoona tookki madooch koto taach qaawii beetone. Tunebaani sharitti wottoon ikke kubbooch aashe ta beeyemmoyich tuniibe.

1 Saameeli 9:12

Maache bushiisheenaꞌo boonoshich wochiꞌi ishichiyeete: “Eeha, beetone. Ittoshiyee aaf hammiibeeto bi tunetoyich, kaate afaafine hambote. Asheenaꞌo hanaach guudi toommeexi goyinnee xaaꞌoochaa deejjoon giddiyemminaꞌo boonoshi tunetoyich, no katemooch bi waato, batt hanaachiye.