7 “Tselofaadichi maache bushiisheenaꞌo echeto tatoone. Boonoshi niheesheenaꞌo daggooch boonoshi qoodee iristoon boonoshich imbe. Boonoshi nihoochi iristo boonoshich ichebe.
Malletee gaawoona, Iyoobichi bushiishoona tatemmi maacheenaꞌo showee toommooch daneyaaneenaꞌone. Boonoshi nihoo showoon boonoshi maneenaꞌona tookkii qoodiꞌi boonoshich immiye.
Yaafeeti bi xaaꞌooch beeti Yeeri, nihaalleenaꞌoyich nihoone; xuumeenaꞌoyich shaxoone.
Ittoshi daggooch beeti nihaalli bushiisheenaꞌon qayote; kashoona boonoshi beeyemmoyich tuniyemmo taane; ittoshi xuumeenaꞌoo taan gibenebeete” iye.
Doono Yeeriyoo Muusich ishichiye:
“Israꞌeeleenaꞌoyichoo ishichibe: ‘Ikke asho anaami bushoon shiyaanoon bi qitigaata, bi iristoon bi bushech imbote.
Muusiyoo Doono Yeerichi qaaro gettii beetoommon, Israꞌeeleenaꞌoyich ishichiꞌi gettiye: “Yooseefi yoodeenaꞌo gettito tatoone.
Tselofaadichi maache bushiishoon ciinnii beetona Doono Yeeri gettiibeeto ebiniye: ‘Boonoshi qaabbechinaꞌochi yoodoochee baach tunebaani boonoshi shunnimmon shaagon hakkiyeete.
Ittoshi bulli Kiristoos Yesuusina, ikkoo tuneto ittoshine. Ebich Ayihudee asho geto woyee Giriikee asho geto aalloone; guuchi yaroo geto woyee doonji yaroo geto aalloone; anaamo geto woyee maachee geto aalloone.
Boonoshiyoo qeeshoo Elazaari, Nuuni bushoo Yaasinaa Israꞌeeleenaꞌochi ukkireenaꞌona waan waaꞌi, “No anaami maneenaꞌona tookki showoon no qoodeyemmoyich, Doono Yeeri Muusich gettitone” iyeete. Ebich Doono Yeeri gettitoommon, Yaasi boonoshi niheesheenaꞌona tookkii boonoshi qoodee showoon maacciye.