Haddoo 27:3 - Kafa Linguistics Project

³ “No nihoo anaami bushoon shiyaanoon barahoochaa qititone. Bi qitito bi axaaxoonani Doono Yeeri toommooch tiyiti Qoraahichi asheenaꞌona tookkii bi guuphitoyich toonoone.

Haddoo 27:3 ပူးပေါင်းရင်းမြစ်များ

Hiziqeeli 18:4

Kasho bulli taachone; nihoochi kasho taacho bi tunoommon bushoochi kasho taachone; axaaxoon shuuneti asho aroo qitemmone.

Haddoo 14:35

Doono Yeeri ta, ebin getteto taane. Ikkittinoona ta toommooch tiyiti, hini gonde iitoo bulli toommooch ebin tuniyemmo taane. Boonoshi ciiro hini barahooch tunemmone; qiti ciiremminaꞌone’ gete” iye.

Haddoo 16:19

Aroochee Qoraahi iiteenaꞌo bullin boonoshi toommooch tiijjoyich, danee duukkaanee kellooch kiciye. Doono Yeerichi oogee yiiroo iiteenaꞌo bullich bekkehe.

Haddoo 16:49

Qoraahichi naboona qititinaꞌoyee baroo, naxoona qititinaꞌo aaraa awudde humaa shabaatte balleenaꞌone.

Haddoo 26:33

Hefeeri bushoo Tselofaadich maache bushiishoani anaami bushoo aalloone. Ebi Tselofaadi maache bushiisheenaꞌochi shigo Mahilaahi, Noohi, Hogili, Milikinaa Tiritsinane.

Haddoo 27:2

Boonoshiyoo danee duukkaanee kellooch, Muusi aafooch, qeeshoo Elazaari aafooch, ukkireenaꞌonaa iiteenaꞌo bullinochi aafoochoo neexeechii ishichiyeete:

Haddoo 27:4

Anaami bushiishoon shimo bi qajjitoyich no nihoochi shigo gumbeenaꞌo daggoochee bi aallemmo amoyichiye? No niheesheenaꞌo daggooch iristoon noochoo imbote” iyeete.

Yowannisi 8:21

Yesuusi wochinnoon boonoshich “Ta hammemmo taane. Taanoo qaawemmo ittoshine; tunetaa ittoshi axaaxoona qitemmo ittoshine; ta hammaa beetooch hamon hakkaachemmo ittoshine” iye.

Yowannisi 8:24

Ittoshich ‘Ittoshi axaaxoona qitemmo ittoshine’ iyoye. Ebiyo, ta koni ta gaata ta tunoon ariiꞌi iberiyoo ittoshi qayigaata, ittoshi axaaxoona qitemmo ittoshi tunetoyichiye” iye.

Roomi 5:12

Illa axaaxoo ikke ashi naboona hini alemooch giyiye; axaaxee naboonoo qitoo giyiye; ebiyoommon wotta asho bulli axaaxoon bi shuunetoyich, qitoo asho bulli toommooch shaggiye.

Roomi 5:21

Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.