Haddoo 26:53 - Kafa Linguistics Project

⁵³ “Ebi asheenaꞌoyich showoo boonoshi shigee haddoommona iristo bi tunemmoyich qoodeyemmone.

Haddoo 26:53 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 12:7

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

1 Kiinoo 16:18

Ishichiinoo iye: “Kanaanee showoon neech immemmo taane; ne hajjoo tuniiree woraashemmo neene” iye.

Shoddo 105:44

Bare asheenaꞌo showoon boonoshich immiye; boonoshiyoo bare macceenaꞌochi aayon woraashiyeete.

Shoddo 49:14

Bagoochoommon qitemminaꞌone; qiddoo quyoommon qitoo boonoshin quyemmone; okk hach getaanoon maash hammemminaꞌone; boonoshi ashittino oogee xaaꞌoochee daamaa, oppoochaa oqqemmone.

Hiziqeeli 47:22

Ittoshinaa ittoshi daggooch koteti, ittoshi daggoochaa bushoon shiyiti ashi showee asheenaꞌona iristoon tuniiree showoon ixoona qoodeyemmo ittoshine; boonoshiyoo showechinaꞌon, Israꞌeelee macceenaꞌonoo tuniitaa ciichebeete; Israꞌeelee yoodeenaꞌochi daggooch ittoshina tookki iristoon qoodeebeete.

Daaneeli 7:27

Taatittino, hakkoonaa shimaayoyee desh beeti taatittineenaꞌochi oogoona Beshoo Yeerichi asheenaꞌo tuneti yaafeenaꞌoyich ichemmone. Bi taatittino bulli yemeenoon beeyemmi taatittinoone; showee toommooch beeti iraasheenaꞌo biich deꞌa getiree hajjeyemminaꞌone” iye.

Haddoo 26:52

Doono Yeeri Muusich ishichiye:

Haddoo 26:54

Meeti shiishechi yoodoyich wodde iristoon, giisheche shiishechi yoodoyich giisheche iristoon immemmo neene. Bulli yoodoyich bi haddi haddoommona iristo ichemmone.

Haddoo 33:54

Showoon ittoshi gumbi gumb ixoona qoodeebote. Meeti ashechi yoodoyich wodde iristoon imbote. Giisheche ashechi yoodoyichoo giisheche iristoon imbote. Ikke ashich ixoo keyigaata, aroo bi iristo tunemmone. Ittoshi qaabbechinaꞌochi yoodi yoodoona woraashemmo ittoshine.

Maatiyoosi 5:5

Gaꞌi deꞌeenaꞌo diireetinaꞌone; showoon woraashemminaꞌne.

Yaasi 1:6

“Kupphebe, maac kuxo tunebe. Boonoshi qaabbechinaꞌoyich imma ta wogeti showoon hini asheenaꞌo woraashemmoyich tuniyemmo neene.

Yaasi 11:23

Ebina Doono Yeeri Muusich gettitoommon, Yaasi showoo bullin kochii yechiye; boonoshi yoodi yoodee haddoona qoodiꞌi, Israꞌeeleenaꞌoyich maacciye. Aroochee showoo ginoochee kashehe.

Yaasi 14:1

Qeeshoo Elazaari, Nuuni bushoo Yaasinaa Israꞌeelee yoodeenaꞌochi yaree ukkireenaꞌona Israꞌeeleenaꞌoyich qoodiꞌi boonoshi maacciti, Yoordaanoosi aacoochaa aabi-gimo waan beeti Kanaanee showoo ebine.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.

Yaaꞌoo 5:10

boonoshinoo no Nuggishoyich maddeebeeti qeesheenaꞌonaa bi taatee asheenaꞌonon tuniito neene; showee toommoochoo taatemminaꞌone” iyeete.