Haddoo 25:11 - Kafa Linguistics Project

¹¹ “Qeeshoo Harooni bushoochi bushoo, Elazaari bushoo Finihaasi ta oogoyich boonoshi daggooch ta qanaatoommon qanaateꞌi, ta kaaree shiixxoon Israꞌeeleenaꞌo waanee bi wochitoyich, ta kaaroona boonoshin aalliyaano taane.

Haddoo 25:11 ပူးပေါင်းရင်းမြစ်များ

2 Saameeli 21:14

Boonoshinoo Saaꞌoolichi shaawushoonaa bi bushoo Yonaataanichi shaawushoona tookkii Biiniyaamee showooch beeti Tselaah, Saaꞌooli nihoo Qiishichi maashee oppooch, taatoo gettitoommon tuniiꞌi duukkiyeete. Aroyee gubb, Yeeri boonoshi showoyich boonoshi qolleti qolloon waayehe.

1 Taateenaꞌo 14:22

Yihudee asheenaꞌo Doono Yeeri aafooch gonde mooyon shuuneheete; boonoshi qaabbechinaꞌo shuunetoyee beshoon, boonoshi shuuneti axaaxoona biin ippiiheete.

Shoddo 106:23

Boonoshin aalliyoochee bi kaaro wottemmoyich, bi kaacciti Muusi bi aafooch bi neexeyaan gaata, boonoshin aalliyesho bi tunoon gettiye.

Shoddo 106:30

Finihaasi tiyiꞌi gondeenaꞌon bi sheeraa, naxo neexehe.

Shoddo 106:31

Ebiyoo shiijjeroochee shiijjerooch bulli yemeenoon cadiqo tuniitaa biich haddeehe.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Keyo 22:5

“Ikke asho bi gijjeenaꞌon bi budooch woyee bi woyinee budooch bi gashetaa, maabee beshee hammii, bare ashi budooch giyii, ebi maayoon bi maagaata, ebi gijjechi uro gaawe bi budoochee woyee gaawe bi woyinee budoochee are manjeton qoce.

Keyo 34:14

Ta shigo Qanaatecho getteehe. Doono Yeeri ta, qanaatechi Nuggishoo ta tunetoyich, bare nuggishoyich goyinneyaahine.

Hiziqeeli 16:38

Shaddechinaꞌonaa damee ukkechinaꞌona tuneti maacheenaꞌochi toommooch nalleebeeti nalloon ne toommooch nallemmo taane; ta neboonaa qanaatee ta kaaroonon ne toommooch kindiiree damoona ne wooremmoyich tuniyemmo taane.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Sofoniyaasi 3:8

Ebich Doono Yeeri ishichiye: “Eke cikki beebote. Aagetee asheenaꞌo toommooch ta nallemmi aabo waatone. Ta kaaree shiixxoon boonoshi toommooch kindiyoyich, aagetee asheenaꞌonaa showee taateenaꞌonon kiciya maacceto taane. Ta kaaree aabooba, qaaqqoo aaxxoommon aaxxeebeeti ta qanaatee kaaroona showoo bulli mici aallemmone.

Haddoo 25:10

Aroochee Doono Yeeri Muusich ishichiye:

Yowannisi 3:36

Bi mulloon bi Bushoo toommooch tooꞌiibeeto, bulli yemeenee kashechone; bi Bushoo toommooch tooꞌiyaano, Yeerichi kaaree shiixxoo bi toommooch tunehalli, bulli yemeenee kashoon daneyaachemmone” iye.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

2 Qorontoosi 11:2

Yeeri ittoshin bi qanaatee beetoommon, ebiyoommon ta wotta ittoshin qanaataabeeto taane. Ebiyoo shaakkeyaani gidiidechoommon ikke anaamoyich ittoshin ta immetoyichiye; aroo Kiristoosine.

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

Yibbaatoo 32:16

Bare nuggisheenaꞌoyich goyinnoona bi qanaatemmoyich tuniihote; ciigiiti ittoshi shuunoona bi ippemmoyich tuniihote.

Yibbaatoo 32:21

Nuggishoo tuneyaani gaacaalleenaꞌoyich goyinnehote; qanaateree ta kaaremmoyichoo tuniihote. Ebich gaacaalli aagetoona ittoshin qanaatiyemmo taane; shalligaalli aagetoona ittoshin ippiyemmo taane.

Yibbaatoo 4:24

Ebiyoo ittoshi Nuggishoo Doono Yeeri michii aalliibeeti qaaqqoommo bi tunetoyichiye; biyoo qanaatechi Nuggishoone.

Yaasi 22:13

Arooba Israꞌeeleenaꞌo qeeshoo Elazaari bushoo Finihaasinaa ikkikke Israꞌeelee yoodoochee kaacheti aashire iraasheenaꞌonon Gilaadee showooch beeti Roobeelinaa Gaadinochi yoodeenaꞌonaa Minaasi yoodoochee qatinaꞌona waan wochee daachiiheete. Ebi aashire yoodee iraasheenaꞌo boonoshi yari yaree daggooch aricheti asheenaꞌone.

Yaasi 24:19

Yaasiyoo asheenaꞌoyich ishichiye: “Doono Yeeri yaafe Nuggishoonaa qanaatechi Nuggishoona bi tunetoyich, biich maddoon hakkaachote. Ittoshi xuꞌoonaa axaaxoonon maaraachemmone.