Haddoo 24:8 - Kafa Linguistics Project

⁸ “Boonoshin Gibitsee kichito, Yeerine. Boonoshi giidoo gaahee giidoommone. Boonoshi etteenaꞌo tuneti aageteenaꞌon aalliyemminaꞌone; boonoshi shaawushoon tiishi buriccemminaꞌone; shangoona boonoshin kochemminaꞌone.

Haddoo 24:8 ပူးပေါင်းရင်းမြစ်များ

Shoddo 2:9

Xuuree gumboona boonoshin buriccemmo neene; nuuqqee qiicoochoommon yiikkemmo neene” itone.

Shoddo 21:12

Maꞌoon boonoshi toommooch awureree, gubb wotteree boonoshi woccemmoyich, tuniyemmo neene.

Shoddo 45:5

Ne shangeenaꞌo acinaꞌone; taatoochi etteenaꞌo mulloon kochemminaꞌone; macceenaꞌo ne baatooch dihemminaꞌone.

Shoddo 45:6

Nuggishoo Yeero, ne taatee qeeno bulli yemeeneechone; ne taatittinee gumbo dayinnetee gumboone.

Keyo 23:22

Bi gettii beeton manjii ne ellegaata, neech ta gettaabeeto bullin ne tuniigaatoo, ne etteenaꞌon kochemmo taane; neenna koyee beetinaꞌona koyemmo taane.

Isiyaasi 38:13

Showoo harimmi wottoon haaꞌiyaa quyoye; ta quumo bullin daaheroo tiishoommon tiichehine; areddoon, xumoonoo taan aalliihine.

Erimiyaasi 50:17

“Israꞌeelee asheenaꞌo daaheroo yookkiti bageenaꞌone. Batti batt Asooree taatoo boonoshin maahe; ciiroochaanoo Baabloonee taatoo Nabukadinatsori boonoshi shaawushoon billbillayiye” iye.

Erimiyaasi 50:9

Dambi-waani showoochee, Baabloonee showoon bi kochemmoyich ogooge aageteenaꞌo guuphon deebemmo taane; boonoshiyoo biin kochemminaꞌone; biyoo yecheyemmone; boonoshi shangeenaꞌo shokke kishoon wotteyaani aricheti koyechoomminaꞌone.

Daaneeli 6:24

Aroochee Daaneelin taggeti asheenaꞌo bullin, boonoshi mecheenaꞌonaa boonoshi bushiisheenaꞌona tookki daahereenaꞌochi oppooch boonoshi duppemmoyich taatoo getaa, deebii duppiyeete. Ebi asheenaꞌo batt oppee dechi duchooch boonoshi shagaan beetaa, daahereenaꞌo yechii, boonoshi shaawushoon tiichiꞌi, billbillayii maaheete.

Haddoo 14:9

Doono Yeeri toommooch baach hukkoon tiijjiyaahote. Are showeexi asheenaꞌoyichoo shattaahote. Nooch kosho tunemminaꞌone; boonoshi nixiyoo tiyitone. Doono Yeeri noonna tookkii beetone. Boonoshin shattaahote” iyeete.

Haddoo 21:5

Asheenaꞌoo Yeerinaa Muusinochi toommooch tiyiꞌi ishichiyeete: “Maayo, aaco aalli hini barahoochaa no qitemmoyich Gibitsee amoyich noon kichiyote? Hini gaacaalli maayo noon beelletiitone” iyeete.

Haddoo 23:22

Boonoshin Gibitsee kichito, Yeerine. Boonoshi giidoo gaahee giidoommone.

Haddoo 23:24

Ebiyoche asheenaꞌo maache daaherechoommon tiyemminaꞌone. Bi yechiton bi maammi wottoon, bi wuxitochi damoon bi uchimmi wottoon, tokketetaani daaheroochoommon tiyemminaꞌone” iye.

Maatiyoosi 2:15

Heroodisi qitimmi wottoon arooch kotehe. Ebi tuneto, Doono keemechochi noonoona, “Ta Bushoon Gibitsee ceeggoye” iꞌi bi gettito ceennemmoyichiye.

Yibbaatoo 32:23

“ ‘Gonde mooyon ittoshi toommooch gutemmo taane; ta shangoon ittoshi toommooch awure ciichemmo taane.

Yibbaatoo 32:42

Ta shangeenaꞌo boonoshi damoona mashemmoyich tuniyemmo taane; ta goraado boonoshi meenon maayemmone. Keccetinaꞌo bullin wuxemmo taane; genje goferechi boonoshi qelloon kuxi bajjemmo taane’ iye.

Yibbaatoo 7:1

Muusiyoo Israꞌeeleenaꞌoyich ishichiye: “Ne Nuggishoo Doono Yeeri ne woraashemmi showooch neen giijjemmone. Ebi are showooch neyee beshe giidechinaꞌonaa meetinaꞌona tuneti shabaatte aageteenaꞌo beetinaꞌone. Eboshiyoo: Hiteenaꞌo, Girigaasheenaꞌo, Amooreenaꞌo, Kanaaneenaꞌo, Ferizeenaꞌo, Hiweenaꞌonaa Yebuseenaꞌonane. Biyoo boonoshi bullin ne aafoochee yoohi kichemmone.

Yaasi 2:10

Gibitsee ittoshi keyiyooba, Ceelle baharoon Doono Yeeri ittoshi aafooch aabichiꞌi bi shuuꞌiito gaata, ittoshiyoo Yoordaanoosi aachee beqachi gutte Amooree taateenaꞌo Sihooninaa Ooginon aabichiꞌi ciroona ittoshi aalliito gaata waayeto noone.