Haddoo 24:7 - Kafa Linguistics Project

⁷ Boonoshi gaanneenaꞌoochee aaco kechemmone; boonoshi yareenaꞌoo wodde aacon danemminaꞌone. “Boonoshi taatoo, Agaagiyee beshemmone; boonoshi taatittinoo oogemmone.

Haddoo 24:7 ပူးပေါင်းရင်းမြစ်များ

2 Saameeli 5:12

Daawitiyoo Doono Yeeri Israꞌeelee taatoo tuniiꞌi biin bi manjiyoon, bi asheenaꞌo tuneti Israꞌeeleenaꞌoyicha iꞌi bi taatittinoon bi oogiyoonoo ariihe.

1 Taateenaꞌo 4:21

Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

1 Taateenaꞌo 5:1

Xiroosi taatoo Kiraami bi yemeeno bulliich Daawitich shunecho bi tunetoyich, Solomooni bi nihoochi keroon taatoo tunoyich bi huutteyoon bi waayehooba, bi wocheyechinaꞌon Solomoon waan daachiihe.

1 Kiinoo 14:2

Daawitiyoo Doono Yeeri biin Israꞌeelee taatoo tuniiꞌi bi manjiyoon, bi asheenaꞌo tuneti Israꞌeeleenaꞌoyicha iꞌi bi taatittinoon oogichii bi oogiyoonoo ariihe.

Iziri 4:20

Yerusaalem taateti, Efiraaxisee beqachi woraafo bullin hajjiibeeti, qaraxoonaa gibiroonon deqqiibeeti, hakkechi taateenaꞌo beebee echetinaꞌone.

Asteeri 3:1

Ebi mooyo tunetoyee gubb, taatoo Yekisesi Agaagi yaroochee tuneti Hamedaati bushoo Hamaanin oogiihe; bare iraasheenaꞌo bulliyee beshoon tuniiꞌi iraashiihe.

Shoddo 18:43

Deꞌa getaani macceenaꞌo kishoochee taan wodiihine; aageteenaꞌo toommooch taan iraashiihine; boonoshin ta ariyaani asheenaꞌo taach maddeheete.

Shoddo 68:26

Boonoshiyoo, “Ooge iitee daggoochaa Yeerin galletebote; Israꞌeelichi shiijjereenaꞌote, Doono Yeerin galletebote” gettemminaꞌone.

Shoddo 72:11

Taateenaꞌo bulli biich goyinnebeete; aagetoo bulli biich maddebe.

Shoddo 89:27

Tawoo biin ta gutenee bushoo tuniyemmo taane; showee toommeexi taateenaꞌoyee beshi oogemmone.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Isiyaasi 30:25

Oogeti aallee aabooba, xaqqee uxereenaꞌo dihiyooba, genje guudinaꞌonaa geppeenaꞌonooch aaco woccemmone.

Isiyaasi 48:1

“Yaaqobichi yareenaꞌote, Israꞌeelichi shigoona ceekketinaꞌote, Yihudi yaroochee shiijjetinaꞌote, Doono Yeerichi shigoona wogee beetinaꞌote, iberoona woyee cadiqoona tuneyaanoon Israꞌeelee Nuggishoon ceeggii beetinaꞌote, waayebote.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 51:13

Meeti aachi gashooch kotetocho! Gaannoon ciqqinnetocho! Ne aallemmi aaboo, ne ciiro shaggitone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Haddoo 24:20

Balaami yaaꞌoona Amaleeqeenaꞌon beeggiꞌi, ishichii yibbaatooch giyiye: “Amaleeqi aageteenaꞌo daggoochee ikkinnoone; tunebaani ciiroochaa aallemmone” iye.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 17:1

Shabaatte xoofeenaꞌon yechiti shabaatte maraakeenaꞌo daggoochee ikkoo waaꞌi taach “Wobe; meeti aacinaꞌo toommooch koteti aricheti yahechi ure toommooch Yeeri aabichiree bi nallemmo gaata neech bekkiibona.

Yaaꞌoo 17:15

Aree hillooch maraakoo taach ishichiye: “Yahechi ure boonoshi toommooch kotaꞌa bi beetaa ne beeggeti aacinaꞌo, ashi yoodi yoodeenaꞌonaa dofee asheenaꞌona, aageteenaꞌonaa baribare noonoona yibbaateebeeti asheenaꞌonochi shaahiyeenaꞌone.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.