Haddoo 24:24 - Kafa Linguistics Project

²⁴ Ginechinaꞌo markabeenaꞌona Kitiimee showee daaroochee woyemminaꞌone; Ashuuree showoonaa Ebeeree showoonon koyi wochemminaꞌone. Ciiroochaa boonoshiyoo aallemminaꞌone” iye.

Haddoo 24:24 ပူးပေါင်းရင်းမြစ်များ

Halloo 10:4

Yawaani bushiishoo: Elishi, Tarisheshi, Kitiiminaa Rodaniiminane.

Halloo 14:13

Aroochee muricciti ikke uro waaꞌi, tuneti mooyo bullin Hibiree asho Abraamich gettiye. Arooba Abraami beeto, Amooree asho Mamirichi goree gaꞌoochiye. Mamiri, bi maneenaꞌo Eshikoolinaa Aneerina gino tiyiyooba ikkottee gaacheyoyich, Abraamina tookkii wogoon giyiti asheenaꞌone.

Isiyaasi 10:12

Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Isiyaasi 10:5

Doono Yeeri ishichiye: “Ta kaaroon ta bekkiyaabeeti gumbo, ta ippoonoo ta kichaabeeti quddoo tuneti Asoorich woowo!

Isiyaasi 23:1

Xiroosichon Doono Yeer waanee getteeti wocho ebine: Tarisheshi markabeenaꞌote, eefote. Xiroosi tiishetine; bi kexonaa markabo neexee xaaꞌoona tiishee aalletone; Qoophiroosaa ittoshi waayemmi woroo ebine.

Hiziqeeli 27:6

Bashaanee meellee mixinaꞌoochee aachi yooppe ne madelloon shuuneheete; ne godo shuuneeto Qoophiroosee ciidee shaaqqoonane; bi guudo dangeyi gashoona shuuneetone.

Daaneeli 10:20

Biyoo ishichiye: “Ne waan aakkiya ta waato gaata arii beetine? Ebiyoo Iberee Macaafooch kooreeton neech bekkiyoyichiye. And wotta hamiree Faariisee showoon quyeebeeti maraakoona tookki koyemmo taane. Aroyee gubb, Giriikee showoon quyeebeeti maraakoo woyemmone. Eboshina tookkii ta koyee beetaa, taan gaacheebeeto, ittoshin quyeebeeti maraakoo Mikaꞌeeliyee damba baroo koniyoona aalloone.

Daaneeli 11:30

Kitiimee asheenaꞌo markabeenaꞌona waaree biin kochemminaꞌone. Biyoo shatiree gubb kishe wottemmone; aroochee oogeti ippoona Yeerich tuneebeeti, ibere goyinnoon aalliyoyich tiyemmone. Yeerich goyinnoon qajjiti asheenaꞌona tookki xibemmone.

Daaneeli 11:45

Ogooge bi taatee duukkaaneenaꞌon baharoonaa yaafee kexo beeti geppoonochi gutte daggooch xogemmone. Tunebaani ciiroochaa aallemmone; koniyoona biin gaacheyaachemmone.

Daaneeli 2:35

Bekkech xuuroo, nuuqqoo, gooshoo, birewoonaa aachoona, eboshi bulli buriceheete; maayo bucheebeeti xaaꞌooch beeti maaxxoochoommon tuneheete. Yongo amoonolla echiyaanoon hidii daammiye. Tunebaani misiloon yexxiti xaqqo dicciꞌi ooge guudon tunehe; showoo bulliichoo ceenniye.

Daaneeli 2:45

Ne beeggeti, asho koniyoona biin yeshaanoon guudoochee waaxee kindiꞌi, xuuroon, gooshoon, nuuqqoon, birewoonaa aachoonon buricciti xaqqo geto, ebine. “Oogoo tuneti Yeeri gubb tunemmon neech bekkiitone. Ebi gumo iberoone; bi biishoo xiisheetone” iye.

Daaneeli 8:21

Emmisho bi bekkiibeeto, Giriikee taatoon tunehona, bi aafee gutte daggooch beeti ooge qaro bi bekkiibeeto, shiichi taatemmi taatooniye.

Haddoo 24:20

Balaami yaaꞌoona Amaleeqeenaꞌon beeggiꞌi, ishichii yibbaatooch giyiye: “Amaleeqi aageteenaꞌo daggoochee ikkinnoone; tunebaani ciiroochaa aallemmone” iye.

Haddoo 24:23

Aroochee ishichiꞌi yibbaatooch giyiye: “Yeeri ebin tuniihooba, woowo, kashoona beeyemmo, konine?

Maatiyoosi 24:15

Yesuusi daakkiꞌi ishichiye: “Illa keemechi Daaneeli gettiti aalloon deebemmi eeꞌo Yaafe Xaaꞌooch bi neexetaa beeggemmo ittoshine. (Ebiyooba shemmecho shalligibe.)

Luqaasi 20:24

“Eke taach ikke diinaaroon bekkiibote” iye. Boonoshi bekkiitaa, “Hini gijjee toommooch beeti malletoonaa kooreeti shigoona konichone?” iꞌi echehe. Boonoshiyoo “Qesaarichone” iyeete.

Yowannisi 11:48

Cikkii no qayigaata, asheenaꞌo bulli boonoshi mulloon bi toommooch tooꞌiyemminaꞌone; Roomee ukkireenaꞌo waaree Yeerich no goyinnaabeeti yaafee kexo beeti xaaꞌoon, no aagetoonoo aalliyemminaꞌone” iyeete.