Haddoo 23:23 - Kafa Linguistics Project

²³ Yaaqobi toommooch iicoo shuuneyaache; Israꞌeeli toommoochoo qaaxo shuuneyaache. Illa and, ‘Yaaqobich, Israꞌeelichoo Yeeri tuniiton beegote’ getteyemmone.

Haddoo 23:23 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Shoddo 31:19

Asheenaꞌo aafoochaa neen shattii beetinaꞌoyich ne qanniiti, ne shoobooch giyitinaꞌoyich ne kiciti, ne deꞌittino am shaahoon woddehe!

Shoddo 64:9

Aroochee asheenaꞌo bulli shattemminaꞌone; Yeerichi shuunoon awaajjemminaꞌone; bi tuniiti mooyonoo yexiyemminaꞌone.

Isiyaasi 41:4

Ebin shuunetonaa tuniitona, shiijjeroonoo wonnee tiijjii ceeggito konine? Doono Yeeri taane; tawoo shiichaꞌa beehoye; ciirooch beddaahaanoo beeyecho taane.

Isiyaasi 44:25

Koote keemechinaꞌochi keemoon, qaaxechinaꞌochi qaaxoonoo, duubo tuniyemmo taane; yiiteenaꞌochi ariyoon guuppemmo taane; boonoshi ariyoon tuushittino tuniyemmo taane;

Hiziqeeli 21:21

Baabloonee taatoo gommi gutte kaattooch neexeechi bi hammemmi gommon xiishoyich shangeenaꞌon tiikkiibee, terafimeenaꞌon echiibee, mareccoon maacibee, qaaxemmone.

Daaneeli 9:15

“Andoo, ne asheenaꞌon ooge giidoona Gibitsee kichaꞌa, hanaach beddaahaa ne shigo shalligee bi beeyemmoyich tuniiti no Doono, no Nuggishoocho, no, axaaxoon shuuneto noone; gonde mooyon tuniito noone.

Mikiyaasi 7:15

Gibitsee noon ne kichiyooba ne tuniitoommon, worganikkiti mooyon nooch bekkiibe.

Haddoo 24:1

Balaamiyoo Doono Yeeri Israꞌeeleenaꞌon diiriya bi qaawoon bi ariitoyich, aafichoommon kaayiya hamaanoone; tunebaani barahoo waan guuddii ciinniye.

Maatiyoosi 12:25

Tunetaa Yesuusi boonoshi gaboon ariiꞌi boonoshich ishichiye: “Ikke taatee showooch beeti asheenaꞌo boonoshinaa boonoshina kaareꞌi shacegaata, are taatittine aallemmine. Wotta ikke katemooch woyee ikke kexooch beeti asheenaꞌo boonoshinaa boonoshina kaareꞌi shacegaata, are katemoo woyee are kexo neexeyaachemmone.

Maatiyoosi 12:27

Tawoo Beelzebulichi giidoona yinnoon asheenaꞌo toommoochee yookkaabeeto ta tunegaata, ittoshi bushiisheenaꞌo konichi giidoonane boonoshi yookkiibeeto? Ebich ittoshi bushiisheenaꞌo ittoshi toommooch nallemminaꞌone.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Yowannisi 11:47

Ebich qeeshee ukkireenaꞌonaa Fariseenaꞌona Ayihudee nallechinaꞌon kiciꞌi, “Aabichibona? Hini uro meeti malletoon bekkii beehe amoone!

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 15:12

Ishin waayeti asheenaꞌo bulli cikkii qajjiyeete. Aree hillooch Yeeri boonoshi kishoona Aageteenaꞌo daggooch bi tuniiti worganikkiti malletoonaa gaakkechi shuunoonon Barnabaasinaa Phawuloosina getaa, ellee beeheete.

Mishiraachechinaꞌo 4:16

“Hini asheenaꞌon aabichibona? Yerusaalem beetinaꞌo bulli ooge malletoon boonoshi tuniyoon ariitinaꞌone. Ebin nookkoon hakkaachone.

Mishiraachechinaꞌo 5:12

Mishiraachechinaꞌochi kishoona meeti worganikkiti malletoonaa gaakkechi shuunoona asheenaꞌo daggooch tunee beehe. Bulli ikke mulloona tuneꞌi, Solomoonichi Genje Gaaddaafooch kicee beeheete.

Mishiraachechinaꞌo 5:14

Boonoshi mulloon Doono Yesuusi toommooch tooꞌiiti meeti anaaminaꞌonaa maacheenaꞌona aafichoyee beshoon Yesuusichi asheenaꞌo daggooch daakkeeheete.

Roomi 16:20

Diggee Nuggishoo Sheexaanoon kaate yexi dichiree ittoshi baatee dechiich yiikkemmone. No Doono Yesuus Kiristoosichi wojjoo ittoshina tookki tunebe.

Yibbaatoo 3:24

‘Nuggishoo Doono Yeero, ne oogoonaa giidechi ne mochoonon bekkiibeeti, batti batti malletoon ne guuno taach bekkiito neene. Shimaayoochoo tuneba hini showee toommooch ne shuunetoommi, ebiyoommi ooge mooyon tuniyoon hakkemmi nuggishoo aalloone.

Yaasi 13:22

Israꞌeeleenaꞌo goraadoona wuxitinaꞌo daggoochee Beꞌoori bushoo, kaayechi Balaami ikkoone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.