Haddoo 23:19 - Kafa Linguistics Project

¹⁹ Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Haddoo 23:19 ပူးပေါင်းရင်းမြစ်များ

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

Halloo 28:15

Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

1 Taateenaꞌo 14:11

Yeroboꞌami yaroochee katemoochaa qitimmon kunaaneenaꞌo maayemminaꞌone; gaddoochaa qitimmon shimaajji gaceenaꞌo maayemminaꞌone. Doono Yeeri ta, ebin getteto taane’ itone gete.

2 Taateenaꞌo 15:12

Doono Yeeri Yehich, “Ne yareenaꞌo awudde shiijjerooch beddaahaa, Israꞌeelee taatee qeenooch kotemminaꞌone” iꞌi bi gettito, ebina ceenniye.

2 Taateenaꞌo 7:2

Taatoochi baatoon deggiibeeti iraashoo Yeer ashoyich wochiꞌi, “Doono Yeeri shimaajji mallee kelloon bi qechitaanona, ebi mooyo tunoon hakkaache” iye. Tunebaani Elisayi, “Ne hajjee aafoona ebin beeggemmo neene; tunebaani aroochee shaacaachemmo neene” iye.

1 Kiinoo 17:17

Ta Nuggishoocho, ebi ne tuniiti mooyo ne aafoochaa giisheche mooyon tuneꞌi bekkehe; gubb woyemmi ta shiijjereenaꞌochon gibenikkihine. Nuggishoo Doono Yeero, taanoo moogeeti ashoon tuniyaꞌa ciinnehine.

Shoddo 110:4

“Meleekitsedeqichi qeeshittinee shafiroona, ne bulli yemeenoon qeeshoo neene” ii Doono Yeeri wogetone; bi gaboon shaddaachemmone.

Shoddo 132:11

Doono Yeeri shaddeyaani ibere wogoon Daawitich ishichiꞌi wogehe: “Ne hajjee bushoon ne taatee qeenooch kotiyemmo taane.

Shoddo 77:9

Yeeri, bi maaroon qajjitone? Bi kaaree naboona, bi ariqqo echetone?” iyo.

Shoddo 89:34

Biinna tookkaa ta giyeti wogoon biishaachemmo taane; ta noonoochee kechiti qaaroon shaddaachemmo taane.

Shoddo 89:35

Ta yaafittinoona ikke wottoon ta wogetoyich, Daawitich kootaachemmo taane.

Isiyaasi 21:17

Qedaari yaroochee shangoon awureebeeti ginee anaamo echemmo giishechoone; Israꞌeelee Nuggishoo Doono Yeeri ta, ebin getteto taane” iye.

Isiyaasi 31:2

Tunebaani Doono Yeeri ariyechone; naxoon deebemmone; bi qaaroon shaddaachemmone; gondeenaꞌochi kechi asheenaꞌo toommooch, axaaxoon shuunee beetinaꞌon gaachee beetinaꞌochi toommoochoo tiyemmone.

Isiyaasi 40:8

Mocoo shoolliye; mocee bungoo oojjiye; tunebaani no Nuggishoochi qaaro bulli yemeenoon manjiree beeyemmone” iye.

Isiyaasi 46:11

Aabi-keyo waanee yechiibeeti booyoommon, wohi showoochee ta daaggoon ceechemmi ashoon, ceeggemmo taane; getteto taane; ceechemmo taane; gabito taane; tuniyemmo taane.

Isiyaasi 55:11

ta noonoochee kechiibeeti qaaroo ebiyoommone; shokkoon ta waan wotteyaachemmone; ta gaboon tuniyemmone; ta wochoonoo ceechemmone.

Erimiyaasi 4:28

Ebich showoo eeppemmone; shimaayoo bi toommooch manderemmone. Getteto taane; ta gaboon shaddaachemmo taane; maacceto taane; kisheyaachemmo taane” iye.

Daaneeli 4:28

Ebi mooyo bulli taatoo Nabukadinatsori toommooch shaggiye.

Hosee'i 11:9

Ta kaaree shiixxoon ne toommooch kindiyaachemmo taane. Efreemin wochinnoon aalliyaachemmo taane. Ebiyoo boonoshi daggooch beeti, Yaafe Nuggishoo ta tunetoyich, asho tuno ta qajjetoyichiye. Naxoona ne waan waataachemmo taane.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Milikiyaasi 3:6

Beshe Mawe Doono Yeeri ishichiye: “Doono Yeeri ta, shaddeyaachemmo taane. Yaaqobichi yareenaꞌote, ebich aalleyaano ittoshine.

Haddoo 14:35

Doono Yeeri ta, ebin getteto taane. Ikkittinoona ta toommooch tiyiti, hini gonde iitoo bulli toommooch ebin tuniyemmo taane. Boonoshi ciiro hini barahooch tunemmone; qiti ciiremminaꞌone’ gete” iye.

Haddoo 23:18

Balaamiyoo ishichiꞌi yibbaatooch giyiye: “Balaaqo, tibe; waayebe! Tsifoori bushoocho, ta waanee ellebe!

Luqaasi 21:33

Showoonaa shimaayoona beshemmone; tunebaani ta qaaro besheyaachemmone” iye.

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

Roomi 9:6

Tunebaani Yeerichi gibenee qaaro shaddeetone geto toonoone. Ebi Israꞌeelee yareenaꞌo bulli ibere Israꞌeeleenaꞌo tooneenaꞌone.

2 Ximootiyoosi 2:13

Gibeneeto tuno no qayigaata, bi qelloon nookkeyaachemmo bi tunetoyich, bi gibeneeto tuneree beeyemmone” getteeti yibbaatoo iberoone.

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

Hibireena'o 6:18

Illa hini are gutte mooyinaꞌo shaddeyaachemminaꞌone; Yeeri kootoone getaachemmi mooyinaꞌone; ebich no aafooch beeti gibenoon danoyich Yeerichi shoobooch giyeti no, oogeton goggemmo noone.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

Yaaqobi 4:5

Yaafe Macaafoochaa “Yeeri no mullooch bi kotiiti Yaafe Ayaano qanaatoona qaatii beetone” getaa kooreeto duuboon getteeto ittoshich shaahii beete?

Yaasi 21:45

Doono Yeeri Israꞌeeleenaꞌoyich bi gibenikkiti gaawe mooyoochee ikkolla echeto aalloone; bulliyona ceennitone.

1 Saameeli 15:29

Israꞌeeleenaꞌochi oogee yiiroo tuneti Yeeri kootaache; bi gaboonoo shaddaache. Bi gaboon bi shaddemmoyich, bi asho toonoone” iye.

1 Saameeli 3:12

Arooba shiichoochee ciirooch beddaahaa Eelinaa bi kechi asheenaꞌona toommooch ta getteton, ikke mooyinona echiyaanoon bullin ceechemmo taane.