Haddoo 23:1 - Kafa Linguistics Project

¹ Balaamiyoo Balaaqich ishichiye: “Shabaatte deejjee gudoon taach hiniich shuunebe. Shabaatte wuronaa shabaatte bagee baaddoonon taach hiniich qanniibe” iye.

Haddoo 23:1 ပူးပေါင်းရင်းမြစ်များ

2 Taateenaꞌo 18:22

Ittoshiyoo taach, “No Nuggishoo Doono Yeerin gibenemmo noone” ittoshi getaachemmoyich, Hiziqiyaasi Yihudee asheenaꞌonaa Yerusaalemi asheenaꞌonoyich, “Ittoshi goyinnemmo, Yerusaalem beeti deejjee gudee aafoochiye” getona, guudi toommeexi, Doono Yeerichi goyinnee xaaꞌeenaꞌonaa deejjee gudeenaꞌonon aalliitone.

1 Kiinoo 15:26

Doono Yeerichi wogee taabootoon shaaggiti Leweenaꞌon Yeeri gaachetoyich shabaatte wuronaa shabaatte ogooge bagee baaddoonon deejjiyeete.

2 Kiinoo 29:21

Boonoshiyoo taatoochi kechi asheenaꞌonaa Yihudee asheenaꞌonochi axaaxee deejjoyich, wotta yaafee kexon yaafoyich shabaatte wuron, shabaatte ogooge bagee baaddoon, shabaatte gishiishi bagee baaddoonaa shabaatte emmishee baaddoonon deebiyeete. Taatoo qeesheenaꞌo tuneti Harooni bushiisheenaꞌon deejjee gudoochaa Doono Yeerich boonoshi deejjemmoyich gettiye.

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Keyo 20:24

“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Hiziqeeli 33:31

Bulli aaboon boonoshi tunii beetoommon ta macceenaꞌo waaree ne aafooch kotemminaꞌone; ne gettaa beeton waayemminaꞌone; tunebaani tuniyaachemminaꞌone; boonoshi noonoona wodde shunoon bekkiiheete; tunebaani boono mulloona boono gaacoon dabbiyeete.

Hiziqeeli 45:23

Baaroo baareebeeti shabaatte qemooch, qemi qemona, bachaalli shabaatte gubbenoonaa shabaatte bagee baaddoonon micciibeeti deejjoyich Doono Yeerich giddiibe; axaaxee deejjoyichoo qemi qemona ikkikke emmishee baaddoon giddiibe.

Haddoo 22:41

Bi dechara Balaaqi Balaamin yechiꞌi, damba Baamoot Baꞌaal kechiye. Balaamiyoo aroochaa Israꞌeeleenaꞌoochee giishecheenaꞌon beeggiye.

Haddoo 23:2

Balaaqiyoo Balaami biich gettitoommon qanniihe. Balaaminaa Balaaqina deejjee gudo bi ikkikkooch ikke wuronaa ikke bagee baaddoonon deejjiyeete.

Haddoo 23:29

Balaamiyoo Balaaqin “Shabaatte deejjee gudoon taach shuunebe. Shabaatte wuronaa shabaatte bagee baaddoonon taach qanniibe” iye.

Haddoo 23:30

Balaaqiyoo Balaami gettitoommon tuniihe. Deejjee gudo bi ikkikkooch ikke wuronaa ikke bagee baaddoonon deejjiye.

Haddoo 29:32

“ ‘Shabaattinnee qemooba shabaatte wuron gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.