Haddoo 22:7 - Kafa Linguistics Project

⁷ Ebich Moꞌabee showee geeneenaꞌonaa Miidiyamee showee geeneenaꞌona ufoyich qocceyemmi gijjoon boonoshi kishooch yechiꞌi hammiyeete. Balaam waan waaꞌi Balaaqi wocheton gettiyeete.

Haddoo 22:7 ပူးပေါင်းရင်းမြစ်များ

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 56:11

Boonoshiyoo bi maataa miyani, woddelle kunaanoomminaꞌone; shalligaalli qiddeenaꞌone; boonoshi kaatti kaatta wottetinaꞌone; bulliyona boonoshi gaacoon qaawiyeete.

Hiziqeeli 13:19

Ittoshi kootoon waayaabeeti ta asheenaꞌoyich koottiibee, qita bedaani kasheen wuxoona, woda bedaani kasheenoo wodiyoona ikke ushi sheqoonaa ikke tiishi koshonoyicha iꞌi ta shigoon eeꞌiito ittoshine.

Hiziqeeli 21:21

Baabloonee taatoo gommi gutte kaattooch neexeechi bi hammemmi gommon xiishoyich shangeenaꞌon tiikkiibee, terafimeenaꞌon echiibee, mareccoon maacibee, qaaxemmone.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Haddoo 22:8

Biyoo boonoshich ishichiye: “Hanaach hiniich ittoshi qeyee, Doono Yeeri taach gettimmon yaach ittoshich gettemmo taane” iye. Ebich Moꞌabee iraasheenaꞌo bi waan qeyiyeete.

Haddoo 23:23

Yaaqobi toommooch iicoo shuuneyaache; Israꞌeeli toommoochoo qaaxo shuuneyaache. Illa and, ‘Yaaqobich, Israꞌeelichoo Yeeri tuniiton beegote’ getteyemmone.

Haddoo 24:1

Balaamiyoo Doono Yeeri Israꞌeeleenaꞌon diiriya bi qaawoon bi ariitoyich, aafichoommon kaayiya hamaanoone; tunebaani barahoo waan guuddii ciinniye.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

Titoosi 1:11

Eboshi cikki qajjemmoyich tuniyoo qaawiihee; ebiyoo yeelliibeeti gaboona gaacoon danoyich tuneyaani mooyon ashich dojjiibee kechi asheenaꞌo bullin boonoshi shuurikkii beetoyichiye.

Yaasi 13:22

Israꞌeeleenaꞌo goraadoona wuxitinaꞌo daggoochee Beꞌoori bushoo, kaayechi Balaami ikkoone.

2 Pheexiroosi 2:15

Kaame gommon qajjiꞌi muriccitinaꞌone; Beꞌoorichi bushoo Balaamichi gommon dabbitinaꞌone. Biyoo gondoon shuunoona daneebeeti gijjoon qaatiye.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.