Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Haddoo 22:5 - Kafa Linguistics Project

5 Amawee showooch, Efiraaxisi aachi gashooch, Fetoori katemooch beeti Beꞌoori bushoo Balaamich ishichi boonoshi gettemmoyich, wocheyechinaꞌon daachiihe. Biyoo ishichiye: “Ebiyoche boonoshi meetoochee tiyitona showee aafoon guuppiti asheenaꞌo Gibitsee kechii waaꞌi, ta katinooch kotetinaꞌone.

အခန်းကိုကြည့်ပါ။ ကော်ပီ




Haddoo 22:5
15 ပူးပေါင်းရင်းမြစ်များ  

Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.


Doono Yeeri bi asheenaꞌon aafiihe; boonoshi etteenaꞌoyee beshe hakkechinaꞌon tuniihe.


Showoo bulli aaqqimmi wottoon, showoon guuppiyeete. Baderoo yexxiichaa echeton, budooch colletonaa mixooch beeti aafo bullinon hidii maa aalliiheete. Gibitsee showoo bulliich, mixooch woyee showeexi collooch, ikke waamona echeyaanoone.


Ta asheenaꞌote, Moꞌabee taatoo Balaaqi ittoshi qaabbechinaꞌo toommooch bi gabiti mooyon, wotta Beꞌoori bushoo Balaami ama iꞌi biich bi wochito gaata shalligibote. Shixiimi kaamboochee tiijjiꞌi Galigal beddaahaa tuneti mooyon shalligibote. Ebin shalligoona ittoshin wodiyoyich ta tuniiti mooyon xiishemmo ittoshine” iye.


Balaamiyoo ishichiꞌi yibbaatooch giyiye: “ ‘Waaree taach Yaaqobin ufe. Waaree taach Israꞌeelin giishiibe’ iꞌi, Araamee showoochee, aabi-keyo waani guudoochee, Moꞌabee taatoo Balaaqi taan deebiye.


Ebi qititinaꞌo daggooch uuche Miidiyamee taateenaꞌo, eboshiyoo Eewi, Reqeemi, Tsuuri, Huurinaa Reebina beetinaꞌone. Beꞌoori bushoo Balaaminoo wuxiyeete.


Ebiyoo Gibitsee ittoshi keyiyooba aaconaa maayoonon ittoshich giddiyoo boonoshi qajjitoyichiye. Wotta Mesopotaamee showooch, Fetoori katemooch beeti, Beꞌoori bushoo Balaami neen bi uppemmoyich, gijjoon qocciꞌi boonoshi deebitoyichiye.


Tunebaani ne Nuggishoo Doono Yeeri Balaamichi getoon waayemmon qajjiye; neen bi shunnitoyich, ebi ufon diirooch wochiye.


Israꞌeeleenaꞌo goraadoona wuxitinaꞌo daggoochee Beꞌoori bushoo, kaayechi Balaami ikkoone.


Moꞌabee taatoo tuneti Tsifoori bushoo Balaaqi ittoshin kochiye; ittoshinoo waaree bi uppemmoyich, Beꞌoori bushoo Balaam waan wochoon daachiihe.


Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.


“Tunebaani neen ta ittibatemmi giisheche mooyo beete: Shahalloyich deejjeya basheeti meenon mamonaa shunee mamona Israꞌeeleenaꞌo Yeerichi gommoochee boonoshi dihemmoyich tuniiya taatoo Balaaqich kocciti Balaamichi doyoon dabbiibeeti ikkikke asheenaꞌo ne daggooch beetinaꞌone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ