Haddoo 21:34 - Kafa Linguistics Project

³⁴ Doono Yeeriyoo Muusich ishichiye: “Biin shattaahine. Biin, bi asho bullinaa bi showoonon ne kishooch beshiyaꞌa immeto taane. Heshibon beechii qeejjiibee echeti Amooreenaꞌo taatoo Sihooni toommooch ne tuniitoommon boonoshi toommooch tuniyemmo neene” iye.

Haddoo 21:34 ပူးပေါင်းရင်းမြစ်များ

2 Saameeli 5:19

Daawitiyoo “Ebi Filsixeemeenaꞌon keyiree koyote? Ta kishooch beshiiree immenne?” iꞌi Doono Yeerin echehe. Doono Yeeriyoo Daawitin “Hamiree koye; iberoon boonoshin ne kishooch beshiiree immemmo taane” iye.

1 Taateenaꞌo 20:13

Aroochee Israꞌeelee taatoo Akaab waan keemecho waaꞌi, “Doono Yeeri ‘Ebi mattiqutte ginee naayo bullin beeggaa beetine? And ne kishooch beshiiree immemmo taane. Ta, Doono Yeeri ta tunoonoo ariyemmo neene’ itone” iye.

1 Taateenaꞌo 20:28

Yeer asho waaꞌi, Israꞌeelee taatoyich, “Doono Yeeri ishichiye: ‘Sooriyeenaꞌo, “Doono Yeeri guudi nuggishoani, bambee nuggishoo toonoone” boonoshi itoyich, ebi meeti ginee naayo bullin ne kishooch beshiiree immemmo taane. Ta, Doono Yeeri ta tunoon ariyemmo ittoshine’ itone” iye.

2 Taateenaꞌo 3:18

Ebiyoo Doono Yeerich kette mooyone. Moꞌabeenaꞌonoo ittoshi kishooch beshiiree immemmone.

Isiyaasi 41:13

Ne Nuggishoo Doono Yeeri ta, ‘Neen gaachemmo taane; shattaahine’ iyaꞌa, ne qanne kishoona yecheto taane.

Haddoo 14:9

Doono Yeeri toommooch baach hukkoon tiijjiyaahote. Are showeexi asheenaꞌoyichoo shattaahote. Nooch kosho tunemminaꞌone; boonoshi nixiyoo tiyitone. Doono Yeeri noonna tookkii beetone. Boonoshin shattaahote” iyeete.

Yibbaatoo 2:30

“Tunebaani Heshiboni taatoo Sihooni bi showoona no beshemmoyich daaggoon qajjiye. Ebiyoo no Nuggishoo Doono Yeeri and ebi bi tuniitoommon, no kishooch beshii biin imma iꞌi bi mulloon bi muumiitoyich, biinoo babberoo bi tuniitoyichiye.

Yibbaatoo 20:3

ishichibe: ‘Israꞌeeleenaꞌote, waayebote. Hanaach ittoshi etteenaꞌona tookki koyeya hammiibeeto ittoshine. Ittoshi mullo keqqaaye; shati qeweyaahote.

Yibbaatoo 3:1

Muusi Israꞌeeleenaꞌoyich ishichiye: “Aroochee damba wottaꞌa Bashaanee showoo waan hammehone. Bashaanee taatoo Oogi bi ginee naayinaꞌo bullin yechiꞌi noonna koyeya Edireyi katemee gaꞌooch waahe.

Yibbaatoo 3:11

Refayeenaꞌo daggoochee echeto, Bashaanee taatoo Oogi ikkeeto baachiye. Xuuroochee shuuneeti bi qeechi neexo yiixiye hiroo, bi gidoo wotta awudde hiroone. Ebiyoo and beddaahaa Amooneenaꞌochi katemoo tuneti Raaba beetone.

Yibbaatoo 31:6

Kupphebote; maaci kuxo tunebote. Boonoshin shati keqqiyaahote. Ne Nuggishoo Doono Yeeri neenna tookkii hammii beetone; neen dufaachemmone; neenoo qayaachemmone” iye.

Yibbaatoo 7:17

“Newoo ne mulloona ‘Ebi aageteenaꞌo tayee beshi kuppheenaꞌone. Eboshin aabichireeshiye yoohi ta kichemmo?’ getiree gabemmo neene.

Yibbaatoo 7:18

Tunebaani boonoshin shattaahine. Ne Nuggishoo Doono Yeeri Gibitsee asheenaꞌo bullinaa boonoshi taatoonochi toommooch bi tuniiton shalligibe.

Yibbaatoo 7:21

Neenna tookkii beeti ne Nuggishoo Doono Yeeri giidechonaa shattiitona tuneti Nuggishoo bi tunetoyich, boonoshin shattaahine.

Yibbaatoo 7:24

Boonoshi taateenaꞌonoo ne kishooch beshii immemmone. Boonoshi shigo showee toommoochee bi aallemmoyich tuniyemmo neene. Ne aafooch kuppheree neexemmo koniyoona aalloone. Bullinolla hidi aalliyemmo neene.

Yaasi 10:25

Yaasiyoo boonoshich ishichiye: “Shattaahote; keqqiyaahote; kupphe manjibote. Ittoshi kochemmi etteenaꞌo bulli toommooch Doono Yeeri ebiyoommon tuniyemmone” iye.

Yaasi 10:8

Arooba Doono Yeeri Yaasich “Boonoshin shattaahine; boonoshi bullin ne kishooch beshii immeto taane; boonoshi daggoochee neenna koyeree neen wochemmo ikkolla aalloone” iye.

Yaasi 8:7

Ittoshiyoo aasheꞌi ittoshi beeti xaaꞌoochee keyiree, katemoon yechemmo ittoshine. Ittoshi Nuggishoo Doono Yeeriyoo katemoon ittoshi kishooch beshiiree immemmone.

Woraaferasheenaꞌo 11:30

Yofitaahi Doono Yeerich ishichiꞌi mookkehe: “Amooneenaꞌon ta kishooch beshiyaꞌa ne imigaata,

1 Saameeli 23:4

Aroochee Daawiti wochinnoon Doono Yeer waan corootiye. Doono Yeeriyoo wochiꞌi, “Filsixeemeenaꞌon ne kishooch beshii immemmo ta tunetoyich, tiyi Qeꞌila hambe” iye.