Haddoo 20:12 - Kafa Linguistics Project

¹² Doono Yeeri Muusinaa Harooninoyich ishichiye: “Ta yaafittinoon bekkiyoona Israꞌeeleenaꞌo aafooch taan gibeneyaano ittoshi tunetoyich, boonoshich ta immeti showooch hini iitoon yeshi giyaachemmo ittoshine” iye.

Haddoo 20:12 ပူးပေါင်းရင်းမြစ်များ

2 Kiinoo 20:20

Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.

Shoddo 106:32

Meriibi aachi gashoochaa Doono Yeeri kaaremmoyich tuniiheete; Muusiyoo boonoshi naboona xuuxehe.

Shoddo 99:8

No Nuggishoo Doono Yeero, boonoshi corootoon waayehine; boonoshich maarechi Nuggishoon tunehine; tunebaani boonoshi gonde shuunee nichoon gaaccehine.

Isiyaasi 7:9

Efreemi shimbo Shamaarine; Shamaarichi shimbo Remaliyichi bushoone. Illa taan gibenoona kuppho ittoshi qayigaata, ciroona manjiree neexeyaachemmo ittoshine’ gete” iye.

Isiyaasi 8:13

Tunebaani Beshe Mawe Doono Yeeri ta, yaafoo ta tunoon gabibote; ittoshi shattemmo taan baachiye; ittoshi keqqemmoo taach baachiye.

Hiziqeeli 20:41

Aageteenaꞌo waanee ittoshin ta kichiyooba, ittoshi shaceti showoo bulliichee ittoshin ta kiciyooba, gaawe cinnechi mooyon shaahiiree ittoshin ciinnemmo taane; aageteenaꞌo ciini beetaa ittoshi daggooch ta yaafittinoon bekkiyemmo taane.

Hiziqeeli 36:23

Aageteenaꞌo daggoochaa naakkeeti, boonoshi daggoochaa ittoshi naakkiiti, yaafe ooge ta shigee yaafittinoon bekkiyemmo taane; boonoshi aafoochaa ta yaafittinoon ittoshina ta bekkiihooba aageteenaꞌo Doono Yeeri ta tunoon ariyemminaꞌone; Nuggishoo Doono Yeeri ta, ebin getteto taane.

Hiziqeeli 38:10

“ ‘Nuggishoo Doono Yeeri Googich ishichii beetone: Ebiyooba mooyon gabooch giyemmo neene; gonde yamoonoo yamemmo neene;

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Haddoo 11:15

Taan ebin ne tuniyoyee, ne aafoochaa gidoon ta danegaata, ta toommooch tunemmi iritoon ta beegoyee, taan wuxibe” iye.

Haddoo 20:24

“Harooni bi qaabbechinaꞌo waan xaꞌeyemmone. Meriibi aacoochaa ta getee toommooch hukkoon ittoshi tiijjitoyich, Israꞌeeleenaꞌoyich ta immeti showooch giyaachemmone.

Haddoo 27:14

Ebiyoo Tsiini barahooch beeti aachi gashoochaa iiteenaꞌo ta toommooch tiyiyooba asheenaꞌo aafoochaa ta getoon quyoona yaafoo tuniiꞌi taan oogiyoo ittoshi qajjitoyichiye” iye. Ebi aaco Tsiini barahooch, Qadeesh beeti Meriibi aacone.

Maatiyoosi 17:17

Yesuusi wochiꞌi boonoshich ishichiye: “Hini, Yeeri toommooch mulloon tooꞌiyaani xumme shiijjereenaꞌote! Aati wottoon ittoshina tookki beeyehote? Amee wottoon ittoshin haaꞌiyehote? Eke ta waan bushoon deebote” iye.

Maatiyoosi 17:20

Yesuusi boonoshich wochiꞌi ishichiye: “Yeeri toommooch mulloon tooꞌiyoo ittoshi qajjitoyichiye. Iberoon ittoshich gettoye: Ittoshi mulloon giishecheenolla Yeeri toommooch ittoshi tooꞌii gaata, hini geppoon ‘Hiniichee tiyiree okk ebiich beshebe’ ittoshi getigaata, beshemmone; ittoshin mawemmi mooyo amolla aalloone.

Luqaasi 1:20

Tunebaani ne, ebi aabo ceenaa Yeeri ceechemmi, ta getteti qaaroon iberiyaache ne itoyich, hini mooyo ceennimmi aabee wottoon yibbaateyaani miimeto tunemmo neene; yibbaatoonoo hakkaachemmo neene” iye.

Luqaasi 1:45

Doono bi gettiti qaaroon ceechemmo bi tunoon ne iberiitoyich diiriti neene” iyan.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Roomi 4:20

Yeerich oogoon immiibee, Yeeri biich gibenikkiti gibenoon ceechemmo bi tunoon xiishiꞌi mullee tooꞌiyoona kupphehalli, ibariyaache getona Yeeri gibenikkiti gibenee qaaroyich axiraacheyaanoone.

Yibbaatoo 1:37

“Ittoshi naboona Doono Yeeri taanoo kaareꞌi, ‘Newoo wotta are showooch giyaachemmo neene.

Yibbaatoo 34:4

Aroochee Doono Yeeri Muusich ishichiye: “ ‘Ittoshi shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showoo ebine. Ne aafoona baach ne beeggemmoyich tuniito taane; tunebaani arooch giyaachemmo neene” iye.

Yibbaatoo 4:21

“Ittoshi naboona Doono Yeeri taan kaarehe. Yoordaanoosin ta kimaachemmoyich, wotta ittoshi Nuggishoo Doono Yeeri iristo tunii ittoshich bi immemmi gaawe showooch ta giyaachemmoyich wogeꞌi bajjiye.

Yaasi 1:2

“Ta guuno Muusi qititone. Illa and neennaa hini asheenaꞌo bullina tibote; Israꞌeeleenaꞌoyich ta immemmi showooch gimoyich Yoordaanoosin kimbote.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.