Haddoo 2:2 - Kafa Linguistics Project

² “Israꞌeeleenaꞌo boonoshi ikkikkoona boonoshi baanderi baanderoona, boonoshi qaabbechinaꞌo yari yaree malletoona, danee duukkaanee guudo bullina, boonoshi kaamboon gedi hododiree kotebeete.

Haddoo 2:2 ပူးပေါင်းရင်းမြစ်များ

Shoddo 74:4

Ne etteenaꞌo ne yaafee xaaꞌoochaa goohiyeete; wudee danee malletoon tuniiꞌi, boonoshi baanderoon arooch geddiyeete.

Shoddo 76:11

Ittoshi Nuggishoo Doono Yeerich mookkebote; ittoshi mookketonoo ceechibote. Bi guudoona beetinaꞌo bulli, shattiito tuneti biich wojjoon deebeete.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 18:3

Showee toommo bulliich beeti asheenaꞌote, malletoo guudi toommoochaa bekkoon, ciinote; shameto hukkoonoo waayebote.

Hiziqeeli 43:7

Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.

Zakaariyaasi 9:16

Ebi aabo shagiyooba, qiddoo bi bagoon bi wodiyoommon, boonoshi Nuggishoo Doono Yeeri bi asheenaꞌon wodiyemmone. Gubbichee toommooch beeti shasho waccoommon boonoshiyoo bi showoochaa waccemminaꞌone.

Haddoo 1:50

Tunebaani Leweenaꞌon miixee duukkaanoonaa bi qiico bullinochi, wotta arooch beeti mooyo bulli toommooch ukkiriibe. Danee duukkaanoonaa bi qiico bullinon shaageete; aroonoo quyebeete. Danee duukkaanee guudoona boonoshi kaamboon gedi kotebeete.

Haddoo 10:14

Yihudi kuxeexi asheenaꞌo shiichiꞌi, boonoshi baanderoona boonoshi kuxi kuxona qaxiriyeete. Boonoshi toommooch ukkiroo Aminadaabi bushoo Nahishoonine.

Haddoo 10:18

Aroochee Roobeeli kuxeexi asheenaꞌo boonoshi baanderoona, boonoshi kuxi kuxona qaxiriyeete. Boonoshi toommooch ukkiroo Sheduuri bushoo Elisuurine.

Haddoo 10:22

Aroochee wotta Efreemi kuxeexi asheenaꞌo boonoshi baanderoona, boonoshi kuxi kuxona qaxiriyeete. Boonoshi toommooch ukkiroo Amihuudi bushoo Elishamine.

Haddoo 10:25

Ciiroochaa Daani kuxeexi asheenaꞌo boonoshi baanderoona, boonoshi kuxi kuxona, bullich gubbaa deebo tuneꞌi qaxiriyeete. Boonoshi toommooch ukkiroo Amishadaayi bushoo Ahezeerine.

Haddoo 2:1

Doono Yeeri Muusinaa Harooninoyich ishichiye:

Haddoo 2:10

“Deshi-waan kaamboon gedi boonoshi kuxi kuxona boonoshi baanderoona kotemminaꞌo Roobeelichi kuxooch beeti yoodeenaꞌone. Roobeeli yoodee iraashoo, Sheduuri bushoo Elisuurine.

Haddoo 2:3

“Aabi-keyo waan kaamboon gedi boonoshi kuxi kuxona, boonoshi baanderoona kotemminaꞌo Yihudi kuxooch beeti yoodeenaꞌone. Yihudi yoodee iraashoo, Aminadaabi bushoo Nahishoonine.

Haddoo 24:2

Biyoo boonoshi yoodi yoodoona kaamboon geddiꞌi koteti Israꞌeeleenaꞌon beeggiye. Yeerichi Ayaano bi toommooch waahe.

1 Qorontoosi 14:33

Ebiyoo Yeeri diggee Nuggishoani, bunnee Nuggishoo toono bi tunetoyichiye. Yaafeeti kittinnee guuphinaꞌo daggooch tunemmi doyoommon,

1 Qorontoosi 14:40

Mooyo bulli yaaroonaa gaaweti gommona tunebe.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Qolaasiyaasi 2:19

Ebiyoommi asho shimbo tuneti Kiristoosina tookkii amee yesholla biich aalloone; ashittino bullin maqqoona gawii yeshiibee maanjjiibeeto shimboone.Yeeriyoo ashittino eennemmoyich bi tuniibeeto ebiyoommi gommonane.

Yaasi 3:4

Ebiyee aaf ebi gommona hammii ariyaano ittoshi tunetoyich, aabi waanaa ittoshi hammemmo gaata, ebina ariyemmo ittoshine. Tunebaani taabootoyee gutte hume hira bedoon wohiree qaxiribote. Taabooto waan katinnaahote” iyeete.