Haddoo 19:19 - Kafa Linguistics Project

¹⁹ Xalle asho xalleyaani ashi toommooch keejjinnee qemoobinaa shabaattinnee qemoobinon wucemmone; shabaattinnee qemooboo xalliyemmone. Ebi xalleti asho bi tahoon machemmone; bi achoonoo machemmone; aroobee xumooch xalloo tunemmone.

Haddoo 19:19 ပူးပေါင်းရင်းမြစ်များ

Halloo 2:2

Yeeri bi shuunoon shuunee bi taccitoyich, shabaattinnee qemooba shuunoo bulliichee kashehe.

Keyo 19:10

Doono Yeeriyoo Muusich ishichiye: “Asheenaꞌo waan hamiree, hanaachinaa yaachinon boonoshin yaafibe. Boonoshi tahoon boonoshi machemmoyich gete.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Leweenaꞌo 14:7

Qeddee shaddee biiyoochee woditi uro toommooch shabaatte wottoon wucibe. Uro xalleto bi tunoonoo arichiibe; kashechi kafoon kichi gawukkiree daachiibe.

Leweenaꞌo 14:9

Shabaattinnee qemooba bi qelloon, bi ishaanoon, bi qillifoonaa bi achooch beeti eexo bullinon cakkebe. Bi tahoon maye; bi qeddoonoo machebe; aroochee xalloo tunemmone.

Haddoo 19:12

Keejjinnee qemoobinaa shabaattinnee qemoobina bi ashittinoon ebi aacona xalliyemmone; biyoo xallemmone. Tunebaani keejjinnee qemoobinaa shabaattinnee qemoobina bi ashittinoon xalliyoo bi qayigaata, xalleyaachemmone.

Haddoo 19:13

Ashi dubenoon yechimmo koniyoona bi ashittinoon xalliyoo bi qayigaata, Doono Yeerichi yaafee duukkaanoon eeꞌiyemmone. Ebi asho Israꞌeeleenaꞌo daggoochee kichaa yookkebe. Xalliibeeti aacon bi toommooch wuciyoo bi qajjitoyich eeꞌoone. Bi eeꞌittinoochee xalleyaanoone.

Haddoo 19:18

Xalle asho hisoophee michi waamon daami aachi daggooch hace; duukkaanooch, bi daggooch beeti qiico bulliich, arooch beeti asho bulli toommooch, wotta shaawushoon woyee goraadoona qititon woyee biiyee qititon woyee maashee oppoon yechito toommooch wucemmone.

Haddoo 31:19

“Ittoshi daggoochee ashoon wuxito woyee dubenoon yechito bulli shabaatte qemon kaamboyee maach kotebe. Keejjinnee qemoobinaa shabaattinnee qemoobinon ittoshi qelloonaa keceenaꞌonon xalliibote.

Haddoo 31:24

Shabaattinee qemooba ittoshi tahoon mayote. Aroochee xallemmo ittoshine. Ebiyee gubb, kaambooch gimon hakkemmo ittoshine” iye.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

Yihudi 1:23

shiweree qaaqqooch hammii beeti asheenaꞌonoo shotte kichiree wodiibote; bareenaꞌon wotta meechi qaatoona eeꞌeti boonoshi tahoon tiyaarebee, shatona maaribote.