Haddoo 19:13 - Kafa Linguistics Project

¹³ Ashi dubenoon yechimmo koniyoona bi ashittinoon xalliyoo bi qayigaata, Doono Yeerichi yaafee duukkaanoon eeꞌiyemmone. Ebi asho Israꞌeeleenaꞌo daggoochee kichaa yookkebe. Xalliibeeti aacon bi toommooch wuciyoo bi qajjitoyich eeꞌoone. Bi eeꞌittinoochee xalleyaanoone.

Haddoo 19:13 ပူးပေါင်းရင်းမြစ်များ

Keyo 30:33

Shaahii shuunemmo woyee qeesheenaꞌoyee besh bare ashi ashittinooch huuttimmo koniyoona bi asheenaꞌo daggoochee kichaa yookkebe” iye.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Hiziqeeli 44:26

Bi eeꞌegaata bi xalletoyee gubb shabaatte qemon yagibe.

Leweenaꞌo 15:31

“ ‘Ebina boonoshi daggooch beeti ta danee duukkaanoon eeꞌiiree boonoshi qitaachemmoyich, boonoshin eeꞌiyemmi mooyoochee Israꞌeeleenaꞌon bariibote’ itone getote” iye.

Leweenaꞌo 20:3

Bi bushoon Molookich imona ta yaafee duukkaanoon bi eeꞌitoyich, yaafe ta shigoonoo bi naakkiitoyich, biich etto tunemmo taane; bi asheenaꞌo daggoochee kichaa bi yookkeyemmoyichoo tuniyemmo taane.

Leweenaꞌo 22:3

“Boonoshich ishichibe: ‘Gubbi ne shiijjeroo bulliichee koniyoona eeꞌo tuneechii Israꞌeeleenaꞌo Doono Yeeri taach kichiti, yaafoo tuneti mooyon bi yeshigaata, ebi are asho ta aafoochee kichaa yookkebe. Ta, Doono Yeeri taane.

Leweenaꞌo 22:4

“ ‘Harooni yaroochee qeddee shaddee biiyecho woyee bi achoochee awaawunoo ufeebeeti asho koniyoona bi xallemmi wottoon, yaafoo tuneti mooyoochee amoonolla maayaaye. Qeeshoo qititi moochi achooch shaggiꞌi eeꞌeti mooyo amoonolla bi yeshigaata woyee bi keeroo bi achooch ufegaata,

Leweenaꞌo 5:17

“Ikke asho diqqoona axaaxoon bi shuunegaata, Doono Yeeri ta, tuniyaahote iti mooyo amoonolla bi tuniigaata, xuqqitone; bi shuuneti axaaxoyichoo echeyemmone.

Leweenaꞌo 5:3

“ ‘Ebiyoommon wotta ikke asho ashi achoochee ufeebeeti eeꞌe mooyo amoonolla diqqoona bi yeshigaata, ebi mooyo biich arichehooba, xuꞌecho tunemmone.

Leweenaꞌo 5:6

Bi shuuneti axaaxoyich xuꞌee deejjoon bi gijjoochee bageen woyee emmisheen Doono Yeeri taach deebe. Qeeshoo ebi deejjoon bi giddiitaa, uro bi axaaxoyich maaroon danemmone.

Leweenaꞌo 7:20

Tunebaani xalloo tuneyaani asho koniyoona Doono Yeeri taach giddeti ikkittinee deejjee meenon bi maagaata, bi asheenaꞌo daggoochee kichaa yookkebe.

Leweenaꞌo 7:21

Asho koniyoona ashi achoochee ufeebeeti eeꞌe mooyon woyee eeꞌe gijjoon woyee eeꞌe mooyo amoonolla yechiichii, Doono Yeeri taach giddeti ikkittinee deejjee meenoochee bi maagaata, bi asheenaꞌo daggoochee kichaa yookkebe’ gete” iye.

Haddoo 15:30

“ ‘Tunebaani Israꞌeelee shiijjeroo tuneba shiqqoo bi qelloon oogiyoona axaaxoon bi shuunegaata, ebi asho Doono Yeerin qallayito bi tunetoyich, bi asheenaꞌo daggoochee kichaa yookkebe.

Haddoo 19:14

“Duukkaanee daggoochaa asho qitiyooba tunemmi sheeroo ebine: Duukkaanee daggooch beeto tuneba duukkaanooch giyiibeeto, bulliyona shabaatte qemi wottoon eeꞌo tunemmone.

Haddoo 19:18

Xalle asho hisoophee michi waamon daami aachi daggooch hace; duukkaanooch, bi daggooch beeti qiico bulliich, arooch beeti asho bulli toommooch, wotta shaawushoon woyee goraadoona qititon woyee biiyee qititon woyee maashee oppoon yechito toommooch wucemmone.

Haddoo 19:19

Xalle asho xalleyaani ashi toommooch keejjinnee qemoobinaa shabaattinnee qemoobinon wucemmone; shabaattinnee qemooboo xalliyemmone. Ebi xalleti asho bi tahoon machemmone; bi achoonoo machemmone; aroobee xumooch xalloo tunemmone.

Haddoo 19:20

Tunebaani eeꞌeti asho bi ashittinoon xalliyoo bi qayigaata, Doono Yeerichi yaafee duukkaanoon bi eeꞌitoyich iiteenaꞌo daggoochee kichaa yookkebe. Xalliibeeti aacon bi toommooch wuciyoo bi qajjitoyich eeꞌoone.

Haddoo 19:9

“Xalle asho gidereechi tulloon ushiree kaamboyee maach xalle xaaꞌooch kotiyemmone. Ebiyoo eeꞌoochee xalliibeeti aacon qanniyoyich gaaccemmo tuneree, Israꞌeelee iiteenaꞌoyich beeyemmone. Ebi axaaxoochee xalliyoyich gaaccemmone.

Haddoo 8:7

Boonoshin ne xallii beegaata, ebin tuniibe. Xalliyee aacon boonoshi toommooch wucibe. Boonoshi ashittinee eexo bullin appoona cakke, boonoshi tahoonoo mayi boonoshi xallemmoyich tuniibe.

Haddoo 9:13

Tunebaani ikke asho, xalloo tuneebee, wotta wohi gommooch hamaanoon Beshee Baaroon baaroo bi qayigaata, ebi asho bi asheenaꞌo daggoochee kichaa yookkebe; ebiyoo maacheeti baaree aabooba Doono Yeeri taach deejjoon giddiyoo bi qajjitoyichiye. Ebi uro bi axaaxoyich sheereyemmone.

Yowannisi 8:24

Ittoshich ‘Ittoshi axaaxoona qitemmo ittoshine’ iyoye. Ebiyo, ta koni ta gaata ta tunoon ariiꞌi iberiyoo ittoshi qayigaata, ittoshi axaaxoona qitemmo ittoshi tunetoyichiye” iye.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

Hibireena'o 9:10

Ebiyoo, eboshi Yeeri bullin bi andiriimmi yemeenee wottoon tuneebeeti maayoonaa uyoonochi doyoo, baribare xallittinee doyoo tuneebeeti, maach bekkeebeeti ashittinee doyeenaꞌo baach boonoshi tunetoyichiye.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:11

Hukkecho hukkoon andoo shuune beebe; tiyaariibeeti shuunoon shuuneebeeto andoo shuune beebe; cadiqe asho andoo cadiqee shuunoon shuune beebe; yaafoo andoo bi yaafittinoona beebe” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.