Haddoo 18:21 - Kafa Linguistics Project

²¹ Doono Yeeri daakkiꞌi ishichiye: “Leweenaꞌo danee duukkaanee daggooch boonoshi maddee beetoyich, Israꞌeeleenaꞌo immiibeeti mooyoochee, asraatoon iristo tuniyaa boonoshich immeto taane.

Haddoo 18:21 ပူးပေါင်းရင်းမြစ်များ

Halloo 14:20

Ne etteenaꞌon ne kishooch beshii immiti, Beshe Nuggishoo Yeeri diireebe” iye. Abraamiyoo kecoochee bi daneto bulliichee aashiroochee ikke beeroon biich immiye.

Halloo 47:24

Tunebaani maayi qecci goorooch, uuchoochee ikke beeroon Faroonich giijjemmo ittoshine. Awudde beeroon wotta ittoshi shookkemmi yaroo, ebiyoommon ittoshich, ittoshi kechi asheenaꞌonaa ittoshi bushiishoonoyich maayo tuniyemmo ittoshine” iye.

Halloo 47:26

Ebich Yooseefi “Shaggiti maayoochee uuchoochee ikke beeroo Faroonich gibe” immi sheeroon Gibitsee showooch neechiye. Ebi sheeroo hanaach beddaahaa shuunee beetone. Ebiyooba Faroonichi kishooch giyaani showoo qeesheenaꞌo showoo baachiye.

2 Kiinoo 31:12

Aroochee maayi buuroon, asraatoonaa Yeerich kechiti wojjeenaꞌonon gibeneyoona deebiꞌi arooch geddiyeete. Lewoo Konaniyi ebi qiiceenaꞌo toommooch ukkirehe. Bi manoo Shimeꞌiyoo ukkirittinoona biyee guttinnoone.

Nehimi 10:29

Boonoshi maneenaꞌonaa ogoogeenaꞌona ikkotteꞌi, Yeeri guuno Muusina icheti Yeerichi sheeroon ceechoyich, no Doono Yeerichi getoon, qociyoonaa doyoo bullinon deꞌa getoyich maxxaaree, ishichiꞌi wogoon giyiyeete:

Nehimi 10:37

“Daakkiree wotta buddinoochee, no maayi wojjoochee, aafo manjeebeeti mixo bulli aafoochee, woyinee uyoonaa zayitoonoochee cilloon no Nuggishoo kexooch, qeesheenaꞌo waan deebemmo noone. Leweenaꞌo no katemoo bulliich gocheebeeti maayoochee asraatoon deqqii beetinaꞌo boonoshi tunetoyich, no maayoochee asraatoon boonoshi waan deebemmo noone.

Nehimi 10:38

Leweenaꞌo ebi asraatoon boonoshi deqqii beegaata, Harooni yaroochee tuneti qeeshoo boonoshina tookki beebe. Leweenaꞌo ebi asraatoochee wotta asraatoon kichiree, no Nuggishoochi kechi qiicee kexooch deebeete.

Nehimi 12:44

Yihudi yoodee asheenaꞌo, maddeebeeti qeesheenaꞌonaa Leweenaꞌona boonoshi emiritoyich, sheeroo gettii beetoommon, qeesheenaꞌonaa Leweenaꞌonochi qoodee maayoon katemeenaꞌochi guudeexi goyoochee boonoshi deebemmoyich, gijjee wojjoo, maayi cilloonaa asraatoona koteebeeti qiicee kexinaꞌon quyemmi asheenaꞌo arooba kaacheheete.

Nehimi 12:47

Zerubabeelinaa Nehiminochi yemeenooboo, Israꞌeeleenaꞌo bulli shoddechinaꞌonaa kellechinaꞌonoyich boonoshi qoodoon qemi qemona immii beeheete; Leweenaꞌoyichoo boonoshi qoodoon immiyeete; Leweenaꞌo are qoodoochee Haroonichi yareenaꞌoyich boonoshi qoodoon immiyeete.

Nehimi 13:12

Arooba Yihudee asheenaꞌo bulli, maayoochee, woyinoonaa zayitoonoochee asraatoon qiicee kexinaꞌooch deebiyeete.

Nehimi 13:5

Biyoo, ebiyee aaf Leweenaꞌoyich, shoddechinaꞌonaa kellechinaꞌonoyich, sheeroo gettii beetoommon, icheti maayee buuro, ixaano, yaafee kechi qiiceenaꞌo, asraato icheebeeti maayo, woyinoonaa zayitoona, wotta qeesheenaꞌoyich icheti wojjoo koteebeeti ooge gatoon qanniiꞌi, Xobbiyich immitone.

Milikiyaasi 2:4

Lewina tookkaa ta giyeti wogo manjiree bi beeyemmoyich, ebi getoon ittoshich ta deejjoon ariyemmo ittoshine, iye Beshe Mawe Doono Yeeri.

Milikiyaasi 3:10

Ta kexooch bede maayo bi beeyemmoyich, asraatoon ceenoona gotooch giijjibote. Shimaajji mallee kelloon qechaꞌa beddii echeti diiroon ittoshich ukkoon ta qayigaata, ebina taan beegote.

Haddoo 18:6

Ebiyoche, tawoo ittoshi maneenaꞌo tuneti Leweenaꞌon Israꞌeeleenaꞌo daggoochee taach kaacceto taane. Danee duukkaanee maddoon boonoshi maddemmoyich Doono Yeerich ichetinaꞌone; boonoshin ittoshich wojjaa immeto taane.

Haddoo 3:6

“Lewi yoodoon deebiree, qeeshoo Haroonich boonoshi maddemmoyich, bi aafooch neechibe.

Haddoo 31:28

Koyooch hammiti ginechinaꞌochi qoodoochee, ebiyoo kecceti ashoochee, wotta miimoochee, kuroochee, bagoonaa emmishoonoochee uuche balloochee ikkoon Doono Yeeri taach gibiroon kichibote.

Galaati 6:6

Yeerichi qaaroon waayeebeeto waayii beetona tookki gaawe mooyo bullin qoodeebe.

Yibbaatoo 18:8

Bi kechi asheenaꞌo boonoshi hajjiton kemmiꞌi ambiche gijjoonona biich boonoshi deejjitaa, biinoommi Leweenaꞌona tookki tate maayoon deꞌe” iye.

Hibireena'o 7:5

Boonoshi maneenaꞌo tuneti Israꞌeeleenaꞌo Abrahamichi gutenoochee kechitinaꞌo boonoshi tunetaanoona, qeesheenaꞌo tuneꞌi kaacheti Lewichi bushiisheenaꞌo boonoshi waanee asraatoon boonoshi kichiyemmoyich Muusichi Sheerooch kooreetone.