Haddoo 18:20 - Kafa Linguistics Project

²⁰ Doono Yeeri Haroonich ishichiye: “Israꞌeelee showoochee ne woraashemmi iristo amolla aalloone; Israꞌeeleenaꞌo daggoochee ne qoodeyemmi qoodoo amolla aalloone. Boonoshi daggooch neech, ne qoodoonaa ne iristoona taane” iye.

Haddoo 18:20 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

Shoddo 142:5

Doono Yeero, ne waan cookiyoye; “Ne, ta deebo neene; kashechinaꞌo beeti hini showoochaa ta qoodee iristo neene” iyoye.

Shoddo 16:5

Doono Yeero, ta qoodee iristo, ta xoofoo neene; ta ixoo ne kishoochiye.

Shoddo 73:26

Ta kashoonaa ta meenona niroon hakkiye; tunebaani Yeeri bulli yemeenoon ta hakkoonaa ta qoodoonane.

Shoosho 3:24

Ta kashee, “Doono Yeeri ta qoodee iristo bi tunetoyich, biin gibenemmi taane” iyan.

Hiziqeeli 44:28

“Ta, qeesheenaꞌoyich iristo ta tunetoyich Israꞌeelee daggooch boonoshich showoon immaahote; ta boonoshich iristo taane.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Haddoo 26:62

Ikke agenoonaa ebiyee damboona tuneꞌi boonoshi daggoochee haddeeti anaaminaꞌo bulli hiyaa keejje humeenaꞌone. Israꞌeeleenaꞌo daggoochee iristo boonoshich icho bi qajjitoyich Israꞌeeleenaꞌona tookkii haddeyaaneenaꞌone.

Yibbaatoo 10:9

Ebich Lewi yoodoyich bi maneenaꞌo daggooch bi qoodoo woyee iristo aalloone. Ne Nuggishoo Doono Yeeri biich bi gettitoommon, bi iristo Doono Yeerine.

Yibbaatoo 12:12

Aroochaa ittoshi anaami bushiishoonaa ittoshi maache bushiishoona tookki, ittoshi guuninaꞌonaa ittoshi gonneenaꞌona tookki, wotta boonoshi qoodeeti woyee woraashiti showoo aallo bi tunetoyich, ittoshi beeti katemeenaꞌooch koteti Lewee asheenaꞌona tookki, Doono Yeeri aafoochaa emiribote.

Yibbaatoo 14:27

Ne beeti katemeenaꞌooch koteti Leweenaꞌon duppaahine. Ebiyoo boonoshi qoodoo tuneti woyee boonoshi woraashiti showoo aallo bi tunetoyichiye.

Yibbaatoo 14:29

Ebi maayo, boonoshi qoodoo tuneti woyee boonoshi woraashiti showoo aallo bi tunetoyich, Lewee asheenaꞌoyich, wotta ne beeti katemooch koteti shiqqeenaꞌoyich, nihaalleenaꞌonaa xuumeenaꞌonoyich tunebe. Boonoshiyoo arooch waaree maa michemminaꞌone. Ebiyoo ne Nuggishoo Doono Yeeri ne kishoona ne shuunaabeeti mooyo bullina neen bi diiremmoyichiye” iye.

Yaasi 13:14

Muusi Lewi yoodoyich iristoon imaanoone. Doono Yeeri Muusich bi gettitoommon, boonoshi iristo Israꞌeelee Nuggishoo Doono Yeerich michaa giddeebeeti deejjoone.

Yaasi 13:33

Tunebaani Lewi yoodoyich Muusi iristoon imaanoone. Doono Yeeri boonoshich bi gettitoommon, Leweenaꞌochi iristo Israꞌeelee Nuggishoo Doono Yeerine.

Yaasi 14:3

Tunebaani Muusi Yoordaanoosi aacoochaa aabi-keyo waan beeti showoon gutte yoodaa qatoyich shiichiꞌi qooditone. Yooseefichi shiijjeroo Minaasinaa Efreemina getaa gutte yoodi qoodeetone. Tunetaa Muusi Leweenaꞌoyich showoon imaanoone. Boonoshich icheto, boonoshi beeyemmi katemeenaꞌonaa ebi katemeenaꞌochi guudoona beeti, boonoshi gijjeenaꞌo mocoon maayemmi miinji gaddoona baachiye.

Yaasi 18:7

Tunebaani Leweenaꞌo Doono Yeerich boonoshi maddeebeeti qeeshittinee maddoo boonoshi qoodoo bi tunetoyich, ittoshi daggoochee showee qoodoon daneyaachemminaꞌone. Gaadinaa Roobeelinochi yoodeenaꞌoyich, wotta Minaasi yoodoochee qatinaꞌoyich, Doono Yeeri guuno Muusi Yoordaanoosi aacoochaa aabi-keyo waanee boonoshi qoodee showoon shiichiꞌi boonoshich immitone” iye.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.