Haddoo 18:2 - Kafa Linguistics Project

² Neennaa ne bushiishoona miixee duukkaanoochaa ittoshi maddee beegaata, shuunoona ittoshin boonoshi gaachemmoyich, Lewi yoodo tuneti ne maneenaꞌon deebe.

Haddoo 18:2 ပူးပေါင်းရင်းမြစ်များ

Halloo 29:34

Wotta xifaa anaami bushoon shiyahan. Biyoo “Keejje anaami bushiishoon ta shiyetoyich, illa ta keno ta waan katinnemmone” iyan. Ebich bushoo shigoon, Lewi iyaa shigiihan.

2 Kiinoo 30:16

Yeer asho Muusichi Sheerooch qoceetoommon, boonoshi xaaꞌoon yechiyeete. Qeesheenaꞌo Leweenaꞌo kishoochee boonoshi deqqiti damoon wuciyeete.

Hiziqeeli 44:11

Tunetaa boonoshi ta yaafee kechi kelloon quyoona, micciibeeti deejjoonaa asheenaꞌo giddiibeeti deejjoonoyich giddeebeeti gijjeenaꞌon guuroon, wottoo asheenaꞌoyich maddoona yaafee kechi maddechinaꞌon tunemminaꞌone.

Hiziqeeli 44:15

Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.

Milikiyaasi 2:4

Lewina tookkaa ta giyeti wogo manjiree bi beeyemmoyich, ebi getoon ittoshich ta deejjoon ariyemmo ittoshine, iye Beshe Mawe Doono Yeeri.

Haddoo 1:53

Tunebaani Israꞌeeleenaꞌo toommooch kaaree shiixxoo kindaachemmoyich, Leweenaꞌo miixee duukkaanee guudoona boonoshi duukkaanoon xogiree kotebeete; miixee duukkaanoonoo quyebeete” bi itoyichiye.

Haddoo 16:40

Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.

Haddoo 17:7

Muusiyoo gumbeenaꞌon Doono Yeeri aafooch, taabooto beeti duukkaanee daggooch geddiye.

Haddoo 18:4

Danee duukkaaneexi maddoo bullin maddoyich ittoshina tookki beebeete. Tunebaani bare asho koniyoona ittoshi waan katinnaaye.

Haddoo 3:5

Doono Yeeri Muusich ishichiye:

Haddoo 4:15

“Kaamboon waaxxii hamma ittoshi tiyiyooba, Harooninaa bi bushiisheenaꞌona yaafee duukkaanee qiicoonaa baribare bi qiico bullinon kaappii boonoshi ciichitoyee gubb, ebi qiicoon shaagoyich Qohaateenaꞌo wobeete. Tunebaani boonoshi qitaachemmoyich, ebi yaafeeti qiicoon ciroona yechaayeete. Illa danee duukkaanoo tiyimmi haddoona Qohaati yareenaꞌo shuunoo ebine.

Haddoo 8:19

Israꞌeeleenaꞌo daggoochee Leweenaꞌon Harooninaa bi bushiishoonoyich wojjaa immeto taane; ebiyoo danee duukkaanoochaa Israꞌeeleenaꞌoyich boonoshi maddemmonaa Israꞌeeleenaꞌo diqq Yaafe Xaaꞌooch katiniree boonoshi naxeyaachemmoyich, Israꞌeeleenaꞌochi axaaxoon boonoshi maariyemmonoyichiye” iye.

Haddoo 8:22

Asheenaꞌo, Doono Yeeri Leweenaꞌochon Muusich bi gettitoommon, boonoshich tuniiheete. Ebiyee gubb, Leweenaꞌo Harooninaa bi bushiisheenaꞌonoyee desh tuneꞌi, boonoshi maddoon maddoyich danee duukkaanooch giyiyeete.

Hibireena'o 9:6

Ebi bulliyoo ebiyoommon qanniꞌi bi beetaa, qeesheenaꞌo boonoshi maddee doyoon ceechiibee, bulli aaboon duukkaanee daggeexi kelli badd giyii beetinaꞌone.