Haddoo 17:5 - Kafa Linguistics Project

⁵ Ta kaacceti ashi gumbe atemmine. Ittoshi toommooch boonoshi guruuxiibeeti Israꞌeeleenaꞌochi guruuxoon ta waanee ebina kuxxemmo taane” iye.

Haddoo 17:5 ပူးပေါင်းရင်းမြစ်များ

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

Iziri 2:62

Eboshiyoo shiijjeree keemee macaafoochee boonoshi shiijjeroon qaawiyeete; tunebaani daneyaaneenaꞌone. Ebich “Xalleenaꞌo tooneenaꞌone” getaa, qeeshittinee maddoo boonoshich bachehe.

Shoddo 105:26

Bi guuno Muusinaa bi kaacciti Harooninon deejjiye.

Keyo 16:7

Biyoo bi toommooch ittoshi guruuxiti guruuxoon waayetone; ebich yaach maaddoona bi oogee yiiroon beeggemmo ittoshine. Halla no toommooch ittoshi guruuxito, koni no tunetenane?” iyeete.

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 13:11

Doono Yeeri ishichiye: “Alemoon bi gondoyich, gondeenaꞌonoo boonoshi axaaxoyich, naxemmo taane; geecechinaꞌochi geecoon kindiyemmo taane; maacmanjeenaꞌochi geecoonoo giishiyemmo taane.

Isiyaasi 27:6

Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.

Isiyaasi 5:24

Beshe Mawe Doono Yeerichi sheeroon boonoshi hoxetoyich, Israꞌeelee yaafoo gettitonoo boonoshi qallayitoyich, guudoon qaaqqoo mamoommon, galloon qaaqqee aaxxo michii aalliyoommon, boonoshi xeppho oqqemmone; boonoshi bungoo shuuꞌiree quttoochoommon kaama quttemmone.

Hiziqeeli 16:41

Ne kexinaꞌon qaaqqoona michemminaꞌone; meeti maacheenaꞌo aafoochaa ne toommooch nallemminaꞌone; yahoon ne neechemmoyich tuniyemmo taane; ebiyee bekk ne shunechinaꞌoyich gatiyoon qocaachemmi neene.

Hiziqeeli 23:27

Yahoonaa Gibitsee ne deebeti qocee gondoonon ne waanee aalliyemmo taane; newoo ne aafoon Gibitsee asheenaꞌo waan wochaachemmi neene; ebiyee bekk boonoshin gabaachemmi neene” iye.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Haddoo 1:51

Danee duukkaanoo tiyii beegaata, Leweenaꞌo waaxeete; bi xogee beegaatoo, xogibeete. Bare asho arooch bi katinigaata, qitibe.

Haddoo 11:1

Asheenaꞌo boonoshi toommooch shaggiti iritoyich, Doono Yeeri toommooch guruuxiyeete. Doono Yeeriyoo boonoshi guruuxoon waayeꞌi, oogichii kaarehe. Bi qaaqqoo boonoshi daggooch aaxxeꞌi kaamboon gocoochaa maahe.

Haddoo 16:11

Neennaa ne guuphinaꞌo bullina ikkooch kiceeꞌi ittoshi tiyito, Doono Yeeri toommoochiye. Halla ittoshi guruuxemmoyich, Harooni konine?” iye.

Haddoo 16:5

Qoraahinaa bi guuphinaꞌo bullinoyich ishichiye: “Doono Yeeri yaach maaddoona biicho tunetonaa yaafoonon bekkiyemmone; bi waanoo katichemmone; bi kaaccimmi ashoon bi waan bi katinnemmoyich tuniyemmone.

Haddoo 17:10

Doono Yeeriyoo Muusich ishichiye: “Haroonichi gumboon wogee taabootee aafooch wochiree kotiibe. Ta toommooch boonoshi guruuxiibeeti guruuxoo echemmoyich, boonoshiyoo qitaachemmoyich, ta toommooch tiyiibeeti asheenaꞌoyich malletoo tuneree quyeebe” iye.

Haddoo 17:6

Muusiyoo Israꞌeeleenaꞌoyich gettiye. Boonoshi ukkireenaꞌo bulli aaraa gutte gumbeenaꞌon boonoshi qaabbechinaꞌochi yari yaroona ikkikke gumboon Muusich immiyeete. Haroonichi gumbo boonoshi gumbee daggooch beetone.

Haddoo 17:8

Bi dechara, Muusi taabooto beeti duukkaanee maac giyiꞌi Lewi yoodoochee tuneti Haroonichi gumbo ateton beeggiye; wottoo nollii bungiꞌi kachiti luuzoon aafetone.

1 Qorontoosi 10:10

Boonoshichoommon guruuxaayone; boonoshi daggoochee ikkikkeenaꞌo guruuxaa, aalliyecho kindiꞌi boonoshin aalliitone.

Yaasi 4:7

boonoshich Yoordaanoosi aaco Doono Yeerichi wogee taabootee aafooch bi neexoon, ebiyoo taabootoon shaaggitinaꞌo Yoordaanoosin kimiyooba, wocaanoon bi neexoon, boonoshich gettemmo ittoshine. Ebina ebi xaqqeenaꞌo Israꞌeeleenaꞌoyich bulli yemeenee shalligicheenaꞌo tunemminaꞌone” iye.