Haddoo 16:9 - Kafa Linguistics Project

⁹ Israꞌeelee Nuggishoo Israꞌeelee iiteenaꞌo daggoochee ittoshin bariiꞌi, Doono Yeerichi yaafee duukkaanee daggooch ittoshi shuunemmonaa iiteenaꞌo aafooch neexeree boonoshich ittoshi maddemmonoyich, bi waan ittoshin bi katichoo, ittoshich bedaache?

Haddoo 16:9 ပူးပေါင်းရင်းမြစ်များ

Halloo 30:15

Liyiyoo wochaꞌa, “Ta kenoon ne bogo giishetenane, wotta ta bushoo taach deebiti dudayimoon ‘Taach imbe’ ne ii beeto?” iyan. Biyoo “Ne bushoo deebiti dudayimoochee taach ne imiichaa, Yaaqobi hanaach ne waan qebe” iyan.

2 Saameeli 7:19

Nuggishoo Doono Yeero, ebi ne tuniiti mooyo, ne aafoochaa giisheche mooyon tuneꞌi bekkehe; gubb woyemmi ta shiijjereenaꞌochon gibenikkihine. Nuggishoo Doono Yeero, halla ashich ebiyoommi mooyon tuniyaabeeto neene?

2 Kiinoo 35:3

Boonoshi qelloon Doono Yeerich yaafiti, Israꞌeeleenaꞌon dojjiibeeti Leweenaꞌoyich ishichiye: “Yaafee taabootoon, Daawiti bushoo, Israꞌeelee taatoo Solomooni shuuneti yaafee kexooch kotiibote. Ebiyee damba ittoshi gogooch shaagi beeyaahote. Illa and ittoshi Nuggishoo Doono Yeerinaa bi asheenaꞌonoyich maddebote.

Nehimi 12:44

Yihudi yoodee asheenaꞌo, maddeebeeti qeesheenaꞌonaa Leweenaꞌona boonoshi emiritoyich, sheeroo gettii beetoommon, qeesheenaꞌonaa Leweenaꞌonochi qoodee maayoon katemeenaꞌochi guudeexi goyoochee boonoshi deebemmoyich, gijjee wojjoo, maayi cilloonaa asraatoona koteebeeti qiicee kexinaꞌon quyemmi asheenaꞌo arooba kaacheheete.

Isiyaasi 7:13

Isiyaasiyoo ishichiye: “Daawitichi yareenaꞌote, waayebote. Ashoon ittoshi taahiito giishetaa wotta ta Nuggishoon taahiiya iyote?

Hiziqeeli 34:18

Eche ittoshi gaddoon baatoona ittoshi neexxito gaawe gaddoochee mamo ittoshich giishetenane? Eche aacon baatoona ittoshi qudiito gaawe aacon uyo ittoshich giishetenane?

Hiziqeeli 44:16

Ta yaafee kexooch giyiree taach maddoyich ta madee aafooch giddemminaꞌone; ta getoonoo quyemminaꞌone.

Haddoo 1:53

Tunebaani Israꞌeeleenaꞌo toommooch kaaree shiixxoo kindaachemmoyich, Leweenaꞌo miixee duukkaanee guudoona boonoshi duukkaanoon xogiree kotebeete; miixee duukkaanoonoo quyebeete” bi itoyichiye.

Haddoo 16:13

Barahoochaa noon wuxoyich, ejjoonaa eeyona xuupphiibeeti showoochee noon ne kichito, neech giishetaa no toommooch doono tunoyich qaawaa beetine?

Haddoo 16:8

Daakkiꞌi Muusi Qoraahich ishichiye: “Leweenaꞌote, waayebote.

Haddoo 3:6

“Lewi yoodoon deebiree, qeeshoo Haroonich boonoshi maddemmoyich, bi aafooch neechibe.

Haddoo 3:9

Leweenaꞌon Harooninaa bi bushiishoonoyich imbe. Boonoshiyoo Israꞌeeleenaꞌo daggoochee biich ciroona ichetinaꞌone;

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

1 Qorontoosi 4:3

Ittoshiyoo tunebot woyee baroo koniyoona tuneba biich bekketon ta toommooch bi nalligaata, mooch haddaachemmo taane; tawoo ta toommooch gondo beemo taach aricheyaanoone. Tunebaani ebichi naboyich “Gondeyaano neene” getaa nalleyaache; ebich ta toommoocholla nalloon hakkaano taane; ta mooyon echeree nalloon hakkemmo, Doono tuneti Yesuus Kiristoosi ikkeetone.

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.

1 Saameeli 18:23

Boonoshiyoo ebin Daawitich gettiyeete. Biyoo “Taatoochi bushee kenoon tuno ittoshich kette mooyo shaahii beete? Ta, girecho, wotta aricheyaani asho taane” iye.