Haddoo 16:5 - Kafa Linguistics Project

⁵ Qoraahinaa bi guuphinaꞌo bullinoyich ishichiye: “Doono Yeeri yaach maaddoona biicho tunetonaa yaafoonon bekkiyemmone; bi waanoo katichemmone; bi kaaccimmi ashoon bi waan bi katinnemmoyich tuniyemmone.

Haddoo 16:5 ပူးပေါင်းရင်းမြစ်များ

Shoddo 105:26

Bi guuno Muusinaa bi kaacciti Harooninon deejjiye.

Shoddo 115:10

Haroonichi kechi asheenaꞌote, Doono Yeerin gibenebote; ittoshi degoonaa ittoshi gaachoona biine.

Shoddo 65:4

Ne kaacceti asho, ne addibaabooch bi beeyemmoyich, ne waan ne katichiti asho, diireetone. Nowoo ne kexeexi gaawe mooyona, ne yaafee kexeexona michemmo noone.

Keyo 28:1

“Qeesheenaꞌo tuneree taach boonoshi maddemmoyich, Israꞌeeleenaꞌo daggoochee ne manoo Haroonin, bi anaami bushiisheenaꞌo Nadaabin, Abiihin, Elazaarinaa Itamaarinon ne waan boonoshi giddemmoyich tuniibe.

Keyo 28:41

Ebi taheenaꞌon ne manoo Harooninaa bi anaami bushiisheenaꞌonoyich ne tajjitoyee gubb, zayitoon boonoshi shimbooch huutiree, qeesheenaꞌon tuniibe. Qeesheenaꞌo tuneree taach boonoshi maddemmoyich, yaafibe.

Keyo 28:43

Harooninaa bi anaami bushiisheenaꞌona danee duukkaanooch boonoshi giyimmi aaboon woyee Yaafe Xaaꞌoochaa maddeya deejjee gudooch boonoshi giddemmi aaboon, xuꞌoon shuuneree boonoshi qitaachemmoyich, ebi shuroon eddebeete. “Harooninaa gubbi bi shiijjereenaꞌonoyich ebi bulli yemeenee doyoo tunemmone.

Erimiyaasi 30:21

Boonoshi iraashoo boonoshi asho tunemmone; boonoshin qeejjemmo boonoshi daggoochee kechemmone; ta waan biin katichemmo taane; biyoo katinnemmone; ebi tuno qayigaata, kuppheree ta waan katinon hakkemmo kone?

Erimiyaasi 49:19

“Daaheroo Yoordaanoosi dunne shaaroochee bageenaꞌochi gaddooch bi womoommon, diqqoona waaree boonoshi showoochee boonoshin yookkemmo taane; ta kaacceton boonoshi toommooch ukkiriyemmo taane. Taanoommo konine? Taan echoon hakkemmo konine? Ta aafooch neexoon hakkemmi wulloo konine?

Erimiyaasi 50:44

“Daaheroo Yoordaanoosi dunne shaaroochee bageenaꞌochi gaddooch bi womoommon, diqqoona waaree boonoshi showoochee boonoshin yookkemmo taane; ta kaacceton boonoshi toommooch ukkiriyemmo taane. Taanoommo konine? Taan echoon hakkemmo konine? Ta aafooch neexoon hakkemmi wulloo konine?

Hiziqeeli 40:46

Dambi-waan wotteti kexo wotta deejjee gudooch maddeebeeti qeesheenaꞌochone; eboshi Sadooqichi shiijjereenaꞌone; boonoshiyoo Doono Yeerich boonoshi maddemmoyich daaggeeti Leweenaꞌone” iye.

Hiziqeeli 43:19

Taach maddoyich ta waan giddeti Sadooqi yaroochee tuneti Lewee qeesheenaꞌoyich, axaaxee deejjoyich tunemmi gubbenoon immemmo neene, iye Nuggishoo Doono Yeeri.

Hiziqeeli 45:4

Showoo bulliyee beshoon yaafeeton tunemmone; ebiyoo yaafee kexooch maddeebeeti, Doono Yeerich maddoyich waabeeti qeesheenaꞌoyich tunemmone; ebi xaaꞌoo qeesheenaꞌochi kechi xaaꞌoonaa yaafee kexoyich kechiti xaaꞌoonon tunemmone.

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Leweenaꞌo 8:2

“Haroonin, bi anaami bushiishoon, qeesheenaꞌochi tahoon, huutee zayitoon, axaaxee deejjoyich tunemmi wuron, gutte bagee baaddoonaa shittoo giyaanoon kachiti, ikke gemee koshonon, eboshi bullin deebe.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Haddoo 16:3

Boonoshiyoo Muusinaa Harooninochi toommooch kicee tiyiꞌi, boonoshich ishichiyeete: “Halla beshiito ittoshine. Iitoo bulli yaafoone. Doono Yeeriyoo no bullina tookkii beetone. Ishigaata, Doono Yeerichi iiteenaꞌo toommooch ittoshi geeciibeeto, amoyichiye?” iyeete.

Haddoo 16:6

Qoraahinaa bi guupho bullinote; ebin tuniibote. Ixaano shookkeebeeti qiicoon yeshote.

Haddoo 17:5

Ta kaacceti ashi gumbe atemmine. Ittoshi toommooch boonoshi guruuxiibeeti Israꞌeeleenaꞌochi guruuxoon ta waanee ebina kuxxemmo taane” iye.

Haddoo 17:8

Bi dechara, Muusi taabooto beeti duukkaanee maac giyiꞌi Lewi yoodoochee tuneti Haroonichi gumbo ateton beeggiye; wottoo nollii bungiꞌi kachiti luuzoon aafetone.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Mishiraachechinaꞌo 1:24

ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 15:7

Oogichii boonoshi yibbaatetoyee gubb, Pheexiroosi tiyiꞌi ishichiye: “Ta maneenaꞌote! Aageteenaꞌo ta noonoochee mishiraachee qaaroon waayeree Yesuusi toommooch mulloon boonoshi tooꞌiyemmoyich, Yeeri meeti natoyee aaf ittoshi daggoochee taan bi kaacon ariibeeto ittoshine.

Mishiraachechinaꞌo 22:14

“Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone.

Efesooni 2:13

Tunebaani ebiyee aaf wokkiꞌi beeti ittoshi, Kiristoos Yesuusina tuneꞌi, Kiristoosichi damoona and katinnito ittoshine.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

Yaaꞌoo 1:6

bi Nuggishoonaa bi Nihoona tuneti Yeerich maddeebeeti qeeshoonaa bi taatee ashoonon noon tuniiti Yesuus Kiristoosich bulli yemeenoon oogee yiiroonaa giidoona tunebe. Ameena.

1 Saameeli 2:28

Ta qeeshoo bi tunemmoyich, ta deejjee gudooch bi giddemmoyich, ixaanoon taach bi shookkemmoyich, ta aafoochoo efoodoon bi tahemmoyich, Israꞌeelee yoodeenaꞌo bulli daggoochee biin kaaccoye. Wotta Israꞌeeleenaꞌo taach deejjiibeeti deejjoo bulliichee qoodoo bi kechi asheenaꞌoyich bi beeyemmoyich tuniihoye.