Haddoo 16:40 - Kafa Linguistics Project

⁴⁰ Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.

Haddoo 16:40 ပူးပေါင်းရင်းမြစ်များ

Iziri 2:62

Eboshiyoo shiijjeree keemee macaafoochee boonoshi shiijjeroon qaawiyeete; tunebaani daneyaaneenaꞌone. Ebich “Xalleenaꞌo tooneenaꞌone” getaa, qeeshittinee maddoo boonoshich bachehe.

Shoddo 115:10

Haroonichi kechi asheenaꞌote, Doono Yeerin gibenebote; ittoshi degoonaa ittoshi gaachoona biine.

Hiziqeeli 40:46

Dambi-waan wotteti kexo wotta deejjee gudooch maddeebeeti qeesheenaꞌochone; eboshi Sadooqichi shiijjereenaꞌone; boonoshiyoo Doono Yeerich boonoshi maddemmoyich daaggeeti Leweenaꞌone” iye.

Hiziqeeli 43:19

Taach maddoyich ta waan giddeti Sadooqi yaroochee tuneti Lewee qeesheenaꞌoyich, axaaxee deejjoyich tunemmi gubbenoon immemmo neene, iye Nuggishoo Doono Yeeri.

Leweenaꞌo 22:10

“ ‘Qeeshee yaroochee tuneti ashoyee besh, bare asho ebi yaafeeti mooyoochee maayaaye; bi waan koteti iibboo woyee shuunoon shuuniyoyich gijjoona bi kiraayiti asho ebi aroochee maayaaye.

Haddoo 1:51

Danee duukkaanoo tiyii beegaata, Leweenaꞌo waaxeete; bi xogee beegaatoo, xogibeete. Bare asho arooch bi katinigaata, qitibe.

Haddoo 16:39

Qeeshoo Elazaari micciti asheenaꞌo ixaanoon shookkiibee echeti gooshee qiiceenaꞌon deebii, deejjee gudee qeroon boonoshi tunemmoyich qicciye.

Haddoo 3:10

qeesheenaꞌo tuneree boonoshi maddemmoyich Harooninaa bi anaami bushiisheenaꞌonon ukkiriibe. Tunebaani bare asho koniyoona danee duukkaanooch bi katinigaata, qitibe” iye.

Haddoo 3:38

Muusi, Harooninaa bi bushiishoona yaafee duukkaanoo beetoochaa aabi-keyo waan danee duukkaanee ciinooch boonoshi kaamboon gedi kotemminaꞌone. Boonoshiyoo Israꞌeeleenaꞌochi qoodoyich yaafee duukkaanoochaa maddemminaꞌone. Bare asho arooch bi katinigaata, qitemmone.

Hibireena'o 5:4

Haroonin qeeshee guudo bi tunemmoyich kaaccito, Yeerine; Yeeri kaaccitoyee beshetaa, koniyoona qeeshee guudoon tunee oogoon bi qellich qaawi danemmo aalloone.

Yaasi 4:7

boonoshich Yoordaanoosi aaco Doono Yeerichi wogee taabootee aafooch bi neexoon, ebiyoo taabootoon shaaggitinaꞌo Yoordaanoosin kimiyooba, wocaanoon bi neexoon, boonoshich gettemmo ittoshine. Ebina ebi xaqqeenaꞌo Israꞌeeleenaꞌoyich bulli yemeenee shalligicheenaꞌo tunemminaꞌone” iye.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.