Haddoo 16:38 - Kafa Linguistics Project

³⁸ Eboshiyoo boonoshi kashoon aalliyoyich axaaxoon shuuneti asheenaꞌochi ixaano shookkeebeeti qiiceenaꞌone. Ebi qiiceenaꞌo, Doono Yeeri ta aafooch giddetinaꞌonaa yaafeetinaꞌona boonoshi tunetoyich, deejjee gudee qeroon boonoshi tunemmoyich qici shishiibe. Ebiyoo Israꞌeeleenaꞌoyich cuuꞌiyoo tunebe” iye.

Haddoo 16:38 ပူးပေါင်းရင်းမြစ်များ

1 Taateenaꞌo 2:23

Aroochee taatoo Solomooni Doono Yeerina ishichiꞌi wogehe: “Adoniyaasi ebin bi echetoyich, qitoo bi qayigaata, Yeeri ta toommooch ebin tuniibe; ebinoo daakkibe!

Shaahiyoo 1:18

Ebi asheenaꞌo boonoshi ottiibeeto, boonoshi damee toommoochiye; boonoshi olleebeetoo boonoshi kashee toommoochiye.

Shaahiyoo 20:2

Taatoochi kaaro gigeebeeti daaheroommon shattiitone; biin ippiimmo bi kashee toommooch nallitone.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Erimiyaasi 44:7

“Andoo Israꞌeelee Nuggishoo, Beshe Mawe Doono Yeeri ishichiye: Yihudee asheenaꞌoochee curo echeyaachemmoyich, anaamonaa maacheenon, bushiisheenaꞌonaa gaggereenaꞌonon, ittoshi daggoochee aalliyoyich, ebi ooge gonde mooyon ittoshi toommooch ittoshi tuniibeeto amoyichiye?

Hiziqeeli 14:8

Are uro toommooch ta aafoon maggiyemmo taane; cooqqireyechonaa sheeree malletoonon biin tuniyemmo taane; ta asheenaꞌo daggoochee biin waaxxemmo taane. Aroochee Doono Yeeri ta tunoon ariyemmo ittoshine.

Imbaaqoomi 2:10

Ittoshi maroo ittoshi toommooch yeelloon deebitone; meeti asheenaꞌon wuxii aalliyoona ittoshi toommooch aalloon deebito ittoshine.

Haddoo 16:37

“Ixaano shookkeebeeti qiiceenaꞌo yaafeetinaꞌo boonoshi tunetoyich, micciti asheenaꞌo waanee tiijjiree arooch beeti qaaqqoon wokkiiree bi duppemmoyich, qeeshoo Harooni bushoo Elazaarich gete.

Haddoo 16:39

Qeeshoo Elazaari micciti asheenaꞌo ixaanoon shookkiibee echeti gooshee qiiceenaꞌon deebii, deejjee gudee qeroon boonoshi tunemmoyich qicciye.

Haddoo 16:40

Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.

Haddoo 17:10

Doono Yeeriyoo Muusich ishichiye: “Haroonichi gumboon wogee taabootee aafooch wochiree kotiibe. Ta toommooch boonoshi guruuxiibeeti guruuxoo echemmoyich, boonoshiyoo qitaachemmoyich, ta toommooch tiyiibeeti asheenaꞌoyich malletoo tuneree quyeebe” iye.

Haddoo 26:10

showee haawuttaꞌa Qoraahina tookkaa boonoshin qooxxahan. Qoraahichi dabbeenaꞌo qitiyooba gutte ballaa aache asheenaꞌon qaaqqoo maahe. Ebina boonoshiyoo bare asheenaꞌoyich cuuꞌiyoon tuneheete.

1 Qorontoosi 10:11

Boonoshi toommooch tuneti mooyo bulli nooch malletoo tunetone; ebiyoo hini ciireexi yemeenooch beeti noon cuuꞌiyane bi kooreeto.

2 Pheexiroosi 2:6

axaaxoon shuunoyich gabii beetinaꞌon cuuꞌiya Sodoominaa Gomoorinon tulloo tunii michii aalliiꞌi boonoshi toommooch bi nallitoyee;