Haddoo 16:32 - Kafa Linguistics Project

³² Showoo haawutteꞌi, boonoshin, boonoshi kechi asheenaꞌon, Qoraahichi asheenaꞌo bullinaa boonoshi qiico bullinon qooxxiye.

Haddoo 16:32 ပူးပေါင်းရင်းမြစ်များ

Halloo 4:11

Illa ebiyee bekk uppeto neene; ne ukkiti ne manoo damoon ucha bi kookkoon gaxxiti hini showee toommoochee yookketo neene.

1 Kiinoo 6:22

Qohaatichi shiijjereenaꞌo: Bi bushoo Aminadaabi, Aminadaabi bushoo Qoraahi, Qoraahi bushoo Asiiri,

Shoddo 106:17

Ebich showoo haawutteꞌi Daataanin qooxxiye; Abiraamichi gumbeenaꞌonoo shicciye.

Shoddo 141:7

Showoon goyaa dugoo shekiroommon, boonoshi shaawusho oppee noonooch shekiremmone.

Shoddo 84:1

Beshe Mawe Doono Yeero, ne yaafee kexo am shaahoon macecikkitone.

Shoddo 85:1

Doono Yeero, ne showoyich deꞌe mooyon tuniimmo neene; Yaaqobichi yaroon wochaꞌa gaanniimmo neene.

Shoddo 88:1

Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

Isiyaasi 24:19

Showoo tiishee gaahehe; showoo qewehe.

Isiyaasi 5:14

Ebich maasho bi maacoon gamichii, haawutteꞌi boonoshin quyee beetone; Yerusaalemi ogoogeenaꞌonaa sharaareenaꞌonon aroochaa dullii cangechee beetinaꞌona tookki qooxxemmone.

Haddoo 16:17

Ittoshi ikkikkoona ixaano shookkeebeeti gutte ballaa aache ittoshi qiicoon deebote; ixaanoon arooch gediree, Doono Yeeri aafooch giddiibote. Neennaa Harooninoo wotta ixaano shookkeebeeti ittoshi qiicoon deebote” iye.

Haddoo 16:30

Tunebaani Doono Yeeri dallaawe mooyon tuniitaa, showoo haawutteꞌi, boonoshinaa boonoshicho tuneto bullinon bi qooxigaata, kashoona maash boonoshi hamigaata, arooba ebi asheenaꞌo Doono Yeerin hoxetinaꞌo boonoshi tunoon ariyemmo ittoshine” iye.

Haddoo 16:31

Ebi qaaroon gettii bi ciichimmona, showoo boonoshiyee dechaa gaahehe.

Haddoo 16:33

Boonoshinaa boonoshich beeto bullina kashoona oppooch giyiyeete. Showoo boonoshi toommooch hiripphimiye; iiteenaꞌo daggoocheenoo aalleheete.

Haddoo 16:49

Qoraahichi naboona qititinaꞌoyee baroo, naxoona qititinaꞌo aaraa awudde humaa shabaatte balleenaꞌone.

Haddoo 26:10

showee haawuttaꞌa Qoraahina tookkaa boonoshin qooxxahan. Qoraahichi dabbeenaꞌo qitiyooba gutte ballaa aache asheenaꞌon qaaqqoo maahe. Ebina boonoshiyoo bare asheenaꞌoyich cuuꞌiyoon tuneheete.

Haddoo 26:11

Tunebaani Qoraahichi shiijjeroo kuxeyaanoone.

Haddoo 27:3

“No nihoo anaami bushoon shiyaanoon barahoochaa qititone. Bi qitito bi axaaxoonani Doono Yeeri toommooch tiyiti Qoraahichi asheenaꞌona tookkii bi guuphitoyich toonoone.

Haddoo 4:18

“Qohaatichi gumbeenaꞌon, naxeeree Leweenaꞌo daggoochee boonoshi aallemmoyich tuniyaahote.

Yibbaatoo 11:6

Roobeeli yoodoochee tuneti, Eliyaabi bushiisheenaꞌo Daataaninaa Abiraaminochi toommooch amoon bi tuniito gaata beeggito ittoshine. Asho bulli ciinnii beetaa, showoo haawutteꞌi boonoshin, boonoshi kechi asheenaꞌon, boonoshi duukkaanoon, boonoshi guuninaꞌonaa gijjeenaꞌona tookkii qooxxiye.

Yaaꞌoo 12:16

Showee ureen gaachahan; bi kookkoon gaxxaꞌa dareboo bi kookkoochee kuufiti aacon uchahan.