Haddoo 16:15 - Kafa Linguistics Project

¹⁵ Muusiyoo oogichii ippehe; Doono Yeerichoo ishichiye: “Boonoshi deejjoon deqqaahine. Ikke kuroonona, boonoshi waanee deꞌaano taane; boonoshi daggoochee ikkoonolla xuꞌaano taane” iye.

Haddoo 16:15 ပူးပေါင်းရင်းမြစ်များ

2 Saameeli 22:22

Ebiyoo Doono Yeerichi gommon ta dabbitoyichiye; gondoon shuunoona Yeer waanee gubb wotteyaano ta tunetoyichiye.

Keyo 32:19

Muusi kaambooch katinnii, ebi maamonaa capphii duubbiibeeti asheenaꞌonon beeggiꞌi, oogeton ippee shinehe; bi kishooch beeti yalle xaqqeenaꞌon, guudi baatoochaa ceqqeꞌi kewucciye.

Shaahiyoo 21:27

Gonde ashi deejjoo ciigeetone; gonde gaboona bi deejjiibeeto beshoon ciigeetone.

Haddoo 12:3

Showee toommooch beeti asho bulliyee beshoon Muusi bi qelloon giishiibeeti ashoone.

Haddoo 16:16

Muusi Qoraahich ishichiye: “Yaach neennaa ne guuphinaꞌona Doono Yeeri aafooch giddebote. Harooniyoo arooch danemmone.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Maariqoosi 3:5

Yesuusi boonoshi mullo muumetoyich oogichii ayiniꞌi bi guudoona beetinaꞌon kaaree aafoona ciinniye. Uroonoo “Ne kishoon yaggibe” iye. Biyoo yaggiye; bi kishoo wotteꞌi iiwehe.

1 Qorontoosi 9:15

Tunebaani ebi daaggeenaꞌona ebin cir tuniyaano taane. Andoo ebin ta kooraabeeto, “Eboshi amoyich taach tuneyaacheete?” getoyich toonoone. Ebin tuniyoyee qitoo taach gaawiye. Ta geecoon koniyoona hoxebe getaache.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

2 Qorontoosi 7:2

Ittoshi mulloon nooch qechibote; koninolla xuꞌaano noone; koninolla gondoon shuuniyaano noone; koninolla dawushaano noone.

Efesooni 4:26

Ittoshi kaare gaatoona, ebi ittoshi kaaro axaaxooch ittoshin bechiibeeto tunaaye; ittoshi kaaree daggooch aabo giyaaye.

1 Tasaloonqi 2:10

Kittinnoo ittoshi daggooch am shaahe yaafittinoonaa cadiqittinoona, ikke bachaalli beemonoo no beemon ittoshinaa Yeerina miixoo ittoshine.