Haddoo 16:13 - Kafa Linguistics Project

¹³ Barahoochaa noon wuxoyich, ejjoonaa eeyona xuupphiibeeti showoochee noon ne kichito, neech giishetaa no toommooch doono tunoyich qaawaa beetine?

Haddoo 16:13 ပူးပေါင်းရင်းမြစ်များ

Keyo 1:11

Ebich boonoshin xuuxiibee magge shuunoon shuuniyemmi ukkireenaꞌon boonoshi toommooch ukkiriiheete. Israꞌeeleenaꞌo, taatoyich maayoonaa baribare mooyona kiceyemmi, Fitoominaa Ramisesina getteebeeti katemeenaꞌon shuuneheete.

Keyo 1:22

Aroochee Farooni bi asho bullich ishichiye: “Israꞌeeleenaꞌo waanee shiijjemmi anaami bushiishoo bullin Abbaayi aacooch dufote. Tunebaani maache bushiishoo boonoshi tunegaata, kashoona boonoshi beeyemmoyich qayote” iꞌi gettiye.

Keyo 16:3

ishichiyeete: “Doono Yeeri Gibitsaa noon abo wuxishoo geta! Aroochaa meeno tuneba amee maayoonolla, no qettee wottoon maabeeto noone. Tunebaani hini barahooch noon ittoshi deebito, ebi shaahe iitoo shaacoona ciirebe iꞌiniye” iyeete.

Keyo 17:3

Tunebaani asheenaꞌo ebi aroochaa oogeton boonoshi shachewetoyich, Muusi toommooch guruuxiibee, “Noonnaa no bushiisheenaꞌona, no gijjeenaꞌoo shachewoona ciiremmoyich, amoyich Gibitsee noon kichinne?” iyeete.

Keyo 2:14

Uroo “No toommooch ukkiroonaa nallechonon neen tuniito, konine? Gibitsee ashoon ne wuxitoommon, taanoo wotta wuxiya gabaa beetine?” iye. Muusiyoo “Ebi ta tuniiti mooyo arichete getone” iꞌi shattiye.

Keyo 2:23

Meeti natoyee gubb, Gibitsee taatoo qitiye. Israꞌeeleenaꞌo guuchitinoochee tiyitona boonoshi toommooch shaggiibeeti xuuxoona gaashillii beeheete. Guuchittinoochee boonoshin bi gaachemmoyich boonoshi cookiti cookoo Yeerich waayeehe.

Hiziqeeli 34:18

Eche ittoshi gaddoon baatoona ittoshi neexxito gaawe gaddoochee mamo ittoshich giishetenane? Eche aacon baatoona ittoshi qudiito gaawe aacon uyo ittoshich giishetenane?

Haddoo 11:20

Tunebaani ittoshi daggooch beeti Doono Yeerin ittoshi hoxetoyich, bi aafoochaanoo “Amoyich Gibitsee kechetone?” ii ittoshi eeppitoyich, ittoshin bi beelletiimmi wottoon, ittoshi muddoona bi waammi wottoonoo ikke agenee kipphimoon maayemmo ittoshine’ gete” iye.

Haddoo 11:4

Israꞌeeleenaꞌo daggooch beeti dallaawe asheenaꞌo meenon xiqqeheete. Israꞌeeleenaꞌoo wotta eeppiibee ishichiyeete: “Noochoo meenon daneree mamona!

Haddoo 11:5

Gibitsaa gijjoon kichaanoon maabee no echeti haashoo, buqqoo, haabhaabo, bi tuppoona tookkii maanjeebeeti duqishoo, ceelle duqishoonaa nacce duqishoona nooch batteyaanoone.

Haddoo 13:27

Muusichoo “Noon ne daachiiti showooch hammeto noone; aroo ejjoonaa eeyona xuupphiibeeti showoone. Bi immiibeeti aafo ebine.

Haddoo 14:2

Israꞌeeleenaꞌo bulli Muusinaa Harooninochi toommooch guruuxiyeete. Iiteenaꞌo bulli boonoshich ishichiyeete: “Gibitsaanoo qitibona! Woyee hini barahoochaanoo qitibona!

Haddoo 14:3

Goraadoona no dihemmoyich, Doono Yeeri ebi showooch noon daammii bi beeto amoyichiye? No mecheenaꞌonaa no bushiisheenaꞌona kecceyemminaꞌone. Gibits wotto nooch gaaweyaache?” iyeete.

Haddoo 16:12

Aroochee Muusi Eliyaabi bushiisheenaꞌo tuneti Daataaninaa Abiraaminon wochiihe; tunebaani boonoshi ishichiyeete: “No hamaachone.

Luqaasi 19:14

“Tunebaani are showee asheenaꞌo biin boonoshi shixxitoyich, ‘Hini uro no toommooch bi taatoon shunnaachone’ iꞌi bi hillooch biin taatiyemmo waan wochoon daachiiheete.

Mishiraachechinaꞌo 7:35

“Hini Muusi ‘Ukkiroonaa nallechona ne tunemmoyich konine neen ukkiriito?’ iꞌi boonoshi hoxeti uroone. Aroonoo tushee daggoochaa bi beeggiti maraakoo kishoona Yeeri ukkiroonaa wodiyechonon tuniiꞌi deejjiye.