Haddoo 15:20 - Kafa Linguistics Project

²⁰ Batti batti ittoshi kochi bukoochee kachii buuroon giddiibote. Maayo buchee beeteexi buuroon ittoshi giddiyoommon giddiibote.

Haddoo 15:20 ပူးပေါင်းရင်းမြစ်များ

Nehimi 10:37

“Daakkiree wotta buddinoochee, no maayi wojjoochee, aafo manjeebeeti mixo bulli aafoochee, woyinee uyoonaa zayitoonoochee cilloon no Nuggishoo kexooch, qeesheenaꞌo waan deebemmo noone. Leweenaꞌo no katemoo bulliich gocheebeeti maayoochee asraatoon deqqii beetinaꞌo boonoshi tunetoyich, no maayoochee asraatoon boonoshi waan deebemmo noone.

Keyo 23:19

“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe. “Emmishee bushoochi meenon bi indeechi ejjoona kiijjaahine.

Keyo 34:26

“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe. “Emmishee bushoochi meenon bi indeechi ejjoona kiijjaahine” iye.

Hiziqeeli 44:30

Qaabbe maayo bulliichee gaawi gaawe yiillecho bulli bi shaahi shaahoona, taach ittoshi giddiibeeti maayo bulliichee bi shaahi shaahoona qeesheenaꞌoyich tunemmone; ittoshi kexooch diiroo kotemmoyich, ittoshi buddinee maayi cilloon qeesheenaꞌoyich imbote.

Leweenaꞌo 2:12

Eboshin maayi cilloon tuniiꞌi taach giddiyoon hakkiyote. Tunebaani gaawe cinnoon cinneebeeti deejjoon tuniitaa deejjee gudooch deejjeyaayeete.

Leweenaꞌo 2:14

“ ‘Qaabbe maayoochee cilloon taach ne giddiigaata, gaawee yiikkeeti maayoon giddiibe.

Leweenaꞌo 23:10

“Israꞌeeleenaꞌoyich ishichi gete: ‘Ittoshich ta immaabeeti showooch giyiꞌi maayoon ittoshi qeciyooba, ittoshi qecciti maayoochee shiichii ittoshi qiriti qiroon qeeshoo waan deebote.

Leweenaꞌo 23:20

Qeeshoo koshon gutte bagee baaddoona tookki Doono Yeeri ta aafooch kaama tiijjaa giddeebeeti deejjoon tuniiree giddiibe. Ebi Doono Yeeri taach giddeebeeti, yaafeeti deejjoone; ebiyoo qeeshoo qoodoone.

Haddoo 15:21

Batti batti ittoshi maayoochee kochi deejjoon Doono Yeeri taach gubbi ittoshi shiijjeroo bulliich beddaahaa, giddiyemmo ittoshine.

Haddoo 18:12

“Doono Yeeri taach boonoshi giddiibeeti maayi cilloochee gaawe zayito bullin, gaawe woyinoonaa maayo bullinon neech immeto taane.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Roomi 11:16

Bukeeti koshoochee shiichiꞌi tiijjeeti ikke xeko yaafoo bi tunegaata, echeti kosho bulli wotta yaafoone. Xeppho Yeerich yaafeeto bi tunegaata, ateenaꞌo wotta biich yaafeetinaꞌone.

1 Qorontoosi 15:20

Tunebaani Kiristoosi qititinaꞌoyich qaabboo tuneꞌi iberoon qitoochee tiyitone!

Yibbaatoo 14:22

Muusi Israꞌeeleenaꞌoyich ishichiye: “Ne gochaa danaabeeti maayoochee asraatoon nati natona kichibe.

Yibbaatoo 14:23

Bulli aaboon ne Nuggishoo Doono Yeerin shaton ne doyemmoyich, ne maayoochee, woyinee uyoonaa zayitoonoochee asraatoon, wotta ne miimoochee, bagoonaa emmishoonoochee shiichii shiijjeton, bulli aaboon biich ittoshi goyinnemmoyich bi kaacciti xaaꞌoochaa, ne Nuggishoo Doono Yeeri aafoochaa mame.

Yibbaatoo 16:13

Muusi Israꞌeeleenaꞌoyich ishichiye: “Ne maayoon buchaꞌa ne kicitoyee gubb, woyinoonoo hiiccaꞌa ne ciichitoyee gubb, shabaatte qemi wottoon Bashee (Yambaaree) Baaroon baaribe.

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.

Yaaꞌoo 14:4

Eboshiyoo shaagaaneenaꞌone; maacheena tookkiinoo daneyaaneenaꞌone; ebich eeꞌaalleenaꞌone. Eboshiyoo Bago hammiibeeti xaaꞌoo bulliich biin dabbii beetinaꞌone; asheenaꞌo daggoochee biisheetinaꞌone; Yeerinaa Bagoonoyich icheti cilleenaꞌone.