Haddoo 14:22 - Kafa Linguistics Project

²² Gibitsee showoonaa barahoonoochaa ta oogee yiiroon, ta tuniiti gaakkechi mooyonoo beeggiti ebi asheenaꞌo bulli aashire wottoon taan phireya boonoshi qiiccetoyich, ta qaaroonoo waayo boonoshi qajjitoyich,

Haddoo 14:22 ပူးပေါင်းရင်းမြစ်များ

Halloo 31:41

Hiye naton ne kexooch ta koteto ebiyoommi beemonane. Aaraa awudde naton ne gutte bushiishoyicha iyaa neech maddeho; shiritte naton ne gijjeenaꞌoyicha iyaa neech maddeho. Ebichi toommooch ta shumaayoyich aashire wottoon ne heciyoon shaddihine.

Halloo 31:7

Tunebaani ta shumaayoyich aashire wottoon bi heciyoon shaddiibee taan dawushiye; tunetaa ta toommooch gonde mooyon bi deebemmoyich Yeeri daaggaanoone.

Iyoobi 19:3

Aashire wottoon taan naaggiyote; yeelleyaanoon taan xuqqiyote.

Shoddo 106:14

Barahoochaa oogichii xiqqeheete; Doono Yeerinoo phireya tiyiheete.

Shoddo 106:26

Ebich barahoochaa boonoshin wuxemmo bi tunoonon, bi kishoon tiijjiꞌi wogehe.

Shoddo 78:41

Wochii wochii biin phireheete; Israꞌeelee Yaafoo ippemmoyich tuniiheete.

Keyo 14:11

Muusichoo ishichiyeete: “Barahoochaa no qitemmoyich noon ne deebeto, Gibitsee showooch maasho aalletenane? Aroochee noon ne kichaa, amo no toommooch shaggito gaata ebin beege.

Keyo 15:24

Asheenaꞌo “Amooniye no uchemmo?” iibee, Muusi toommooch guruuxiyeete.

Keyo 16:2

Barahoochaa Israꞌeeleenaꞌo bulli Muusinaa Haroonina toommooch guruuxiibee,

Keyo 17:2

Ebich “No uchemmi aacon nooch imbe” iꞌi Muusina kaareheete. Muusiyoo “Taanna amoyichiye ittoshi kaareebeeto? Doono Yeerinoo amoyichiye ittoshi phireebeeto?” iye.

Keyo 17:3

Tunebaani asheenaꞌo ebi aroochaa oogeton boonoshi shachewetoyich, Muusi toommooch guruuxiibee, “Noonnaa no bushiisheenaꞌona, no gijjeenaꞌoo shachewoona ciiremmoyich, amoyich Gibitsee noon kichinne?” iyeete.

Keyo 17:7

Ebi xaaꞌoonoo Masaahinaa Meriibina iꞌi shigiihe; ebiyoo Israꞌeeleenaꞌo kaaroon tiijjiꞌi, “Doono Yeeri noonna tookkii beete, aalle?” iꞌi Doono Yeerin phireya boonoshi tiyitoyichiye.

Keyo 32:1

Muusi wotteyaanoon, guudi toommooch bi yagoon boonoshi beeggiyooba, asheenaꞌo Haroon waan giddeꞌi ishichiyeete: “Tiyiree, no aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi aabichii bi ito gaata ariyaano noone” iyeete.

Keyo 5:21

ishichiyeete: “Doono Yeeri ittoshich gaace! Ittoshi toommoochoo nallibe! Farooninaa bi iraasheenaꞌona noon ciigemmoyich tuniiꞌi, noon boonoshi wuxemmoyich goraadoon boonoshich immito ittoshine” iyeete.

Isiyaasi 42:20

Israꞌeelo, meeti mooyon beeggeto neene; tunebaani gabaa deꞌaachine; ne waamo qechoone; tunebaani waayeyaachine.

Daaneeli 1:20

Boonoshiyoo taatoo boonoshin echeti mooyo bullin ariyoonaa shalligoona bi taatee showoo bulliich beeti kaayechinaꞌonaa allaameenaꞌo bullinoyee aashire kishoon beshiꞌi bekkeheete.

Milikiyaasi 3:15

Illa and, geecechinaꞌo diireetinaꞌone; gonde shuunechinaꞌoyich mooyo kaamee beetone; Doono Yeerin phiree beetinaꞌo muriccii beetinaꞌone’ ito ittoshine” iye.

Haddoo 11:1

Asheenaꞌo boonoshi toommooch shaggiti iritoyich, Doono Yeeri toommooch guruuxiyeete. Doono Yeeriyoo boonoshi guruuxoon waayeꞌi, oogichii kaarehe. Bi qaaqqoo boonoshi daggooch aaxxeꞌi kaamboon gocoochaa maahe.

Haddoo 11:4

Israꞌeeleenaꞌo daggooch beeti dallaawe asheenaꞌo meenon xiqqeheete. Israꞌeeleenaꞌoo wotta eeppiibee ishichiyeete: “Noochoo meenon daneree mamona!

Haddoo 12:1

Muusi Topphiyee asheen bi shaaggitoyich, ebi bi shaaggiti ure naboona Miiriyaminaa Haroonina biin gondii yibbaateheete.

Haddoo 14:11

Doono Yeeri Muusich ishichiye: “Hini asheenaꞌo taan boonoshi hoxe beeyemmo, aati wottooniye? Ebi boonoshi daggooch ta tuniyaabeeti, worganikkiti mooyo bullina taan gibenoon qayi boonoshi beeyemmo aati wottooniye?

Haddoo 14:2

Israꞌeeleenaꞌo bulli Muusinaa Harooninochi toommooch guruuxiyeete. Iiteenaꞌo bulli boonoshich ishichiyeete: “Gibitsaanoo qitibona! Woyee hini barahoochaanoo qitibona!

Haddoo 32:12

Boonoshi ceeni mulloona Doono Yeeri taan dabbiti, Qenizee asho Yefuuni bushoo Kaaleebinaa Nuuni bushoo Yaasinoyee besh boonoshi daggoochee ikkolla beegaachemmone’ iye.

Maatiyoosi 4:7

Yesuusiyoo “Wotta ‘Asho bulli “Eke, Doono Yeeri taan bi wodiyoon beegona” getiree gondoon shuunaaye’ getaa Yaafe Macaafooch kooreetone” iye.

1 Qorontoosi 10:5

Tunebaani Yeeri boonoshi daggoochee meetinaꞌona emiraanoone; ebich boonoshi dubeno barahooch dihii echetone.

1 Qorontoosi 10:9

Boonoshichoommon “Doonon yeshi beegone” gettaayone; boonoshi daggoochee ikkikkeenaꞌo “Doonon yeshi beegone” iꞌi dingeroona qoppeꞌi qitii ciiretinaꞌone.

Yibbaatoo 9:7

Muusiyoo daakkiꞌi ishichiye: “Barahoochaa ne Nuggishoo Doono Yeeri shine bi kaaremmoyich am shaahoon ne tuniito gaata shalligibe. Ebin batteyaahine. Gibitsee kechaꞌa hiniich ne shaggemmi wottoon, Doono Yeeri toommooch hukkoon tiijjito neene.

Hibireena'o 3:9

Aroochaa ittoshi qaabbechinaꞌo taan phireheete; yeshi beeggoo iyeete. Aabbe naton ta shuuneti shuunoon beeggiyeete.