Haddoo 14:14 - Kafa Linguistics Project

¹⁴ Boonoshiyoo ebi mooyon hini showooch beeti asheenaꞌoyich gettemminaꞌone. Doono Yeero, noonna tookkaa ne beemon, wotta Doono Yeero, ne qubo no toommooch bekkehooba nooch xalla ne bekkoon, areddoon giimboochoommon neexeebeeti quboona, xumoonoo giimboochoommon neexeebeeti qaaqqoona no aaf shiichaa ne hamon halla boonoshiyolla waayetinaꞌone.

Haddoo 14:14 ပူးပေါင်းရင်းမြစ်များ

Halloo 32:30

Ebich Yaaqobi “Yeerina tookkaa baroona ta danetaanona, ta kashe qitaanoon muriccetine” iꞌi, ebi xaaꞌoon Phiniꞌeeli iye.

Nehimi 9:12

Boonoshi hammiibeeti gommo bekkemmoyich, ne asheenaꞌon areddoon giimboommi quboona, xumoonoo giimboommi qaaqqoona yaabihine.

Nehimi 9:19

ne ariqqee woddoochee tiyitona, barahooch boonoshin qayaano neene. Areddoon boonoshi hammemmi gommon shiichii yaabiibeeti giimboommi qubo, xumoonoo boonoshi hammemmi gommon bekkiibeeti giimboommi qaaqqoo, boonoshiyee baraanoone.

Shoddo 105:39

Boonoshin qeroyich Yeeri quboon qubiihe; xumoona bi bekkemmoyichoo qaaqqoon qanniihe.

Shoddo 78:14

Areddoon quboona, xumo bullinoo qaaqqee conjoona boonoshin yaabiye.

Keyo 15:14

Aageteenaꞌo waayetinaꞌone; qeweenoo beetinaꞌone; Filsixeemeenaꞌo keqqoona maaceree beetinaꞌone.

Keyo 33:11

Asho bi shunechona tookkii yibbaatoommon, Doono Yeeri Muusina tookkii baroona daneꞌi yibbaatee beehe. Aroochee Muusi bi hilla wottee kaambooch waa beehe; tunebaani Muusichi gaachoo tuneti gurimaashoo, Nuuni bushoo Yaasi duukkaanoochee barii ariyaanoone.

Keyo 33:16

Ne, noonna tookkii hamo qayigaata, taannaa ne asheenaꞌona ne aafoochaa gidoon dano amoona arichehe? Taannaa ne asheenaꞌona showee toommo bulliich beeti asheenaꞌo bulliyee barito no tuno bi aricheebeeto, ne, noonna tookkaa ne hamona toone?” iye.

Keyo 40:38

Gommon boonoshi qaxirimmi aabo bullin Israꞌeeleenaꞌo bullich Doono Yeerichi qubo areddoon yaafee duukkaanee tookkaa bekkee beehe; wotta qaaqqoo xumoon ebi qubee daggoochaa aaxxee beehe.

Haddoo 10:34

Kaambo bulliichee tiyii boonoshi qaxirii beehooba, Doono Yeerichi qubo areddoon boonoshi toommooch beehe.

Haddoo 12:8

Biinna tookkaa ta yibbaateebeeto baroon baroona danaꞌa, xallalli aashoona toonoone. Doono Yeeri ta shaahoonoo beeggii beetone. Ishigaata, aabichaa aafoon kupphaꞌa ta guuno Muusi toommooch yibbaatehote?” iye.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 14:9

Yesuusi biich ishichiye: “Haano Filipphooso, meeti aaboon neenna tookkaa koteto taane; hanaach beddaahaa taan ariyaachine? Taan beeggito Nihoo Yeerin beeggitone. Aabichaꞌa, ‘Nihoo Yeerin nooch bekkiibe’ inne?

1 Qorontoosi 13:12

Hanaach Yeerin no ciinnaabeeto, dooshireti heeraawoochaa no malletoon no ciinoommoniye; tunebaani arooba biin no aafoona xallayi beeggemmo noone. And Yeerin woddiiꞌa ariyaano taane; tunebaani arooba Yeeri taan bi arii beetoommon, tawoo biin ariyemmo taane.

Yibbaatoo 1:19

Muusi Israꞌeeleenaꞌoyich ishichiye: “Doono Yeeri Kooreebi guudoochee tiyi no hammemmoyich bi gettitoommon, nowoo aroochee tiyaa, ebi ittoshi beeggiti gaminoonaa shattiitona tuneti barahoon beshaꞌa, Amooreenaꞌochi geppe showooch waahone. Aroochee Qadeesh Barina shaggehone.

Yibbaatoo 34:10

Doono Yeeri biinna tookkii baroona daneꞌi yibbaateti, Muusiyoommi keemecho aroyee gubb Israꞌeelee showooch ciroona tiyaanoone.

Yibbaatoo 5:24

Taachoo ishichiyeete: ‘No Nuggishoo Doono Yeeri bi oogoonaa oogee yiiroonon nooch bekkiitone; bi qaaroonoo qaaqqee daggoochee waayeto noone; Doono Yeeri biich yibbaateechaa, asho kashoona beemon hakkemmo bi tunoon hanaach beeggeto noone.

Yibbaatoo 5:4

Doono Yeeri guudi toommoochaa, qaaqqee daggoochaa ittoshina tookkii baroona daneꞌi ittoshich yibbaatehe.

Yaasi 5:1

Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.

1 Yowannisi 3:2

Ta shunechinaꞌote! And Yeerichi bushiishoo noone; gubbich amo no tunemmo gaata batt aricheyaanoone. Tunebaani Kiristoosi waataa xiishi ciinnemmo no tunetoyich, biin shaahemmo no tunoon ariibeeto noone.