Haddoo 14:1 - Kafa Linguistics Project

¹ Aroochee iitoo bulli tiyiꞌi, ooge qaaroona cookiye. Aroobee xumo bullin asheenaꞌo eeppiibee qeyiyeete.

Haddoo 14:1 ပူးပေါင်းရင်းမြစ်များ

Shoddo 106:25

Boonoshi duukkaani duukkaanoochaa guruuxiyeete; Doono Yeerichi qaaroon waayemmon qajjiyeete.

Shoddo 78:32

Ebi bulli tunetaanoona, axaaxoon shuunoon qayaaneenaꞌone; gaakkechi shuunoon bi shuunetaanona, biin gibeneyaaneenaꞌone.

Keyo 13:17

Farooni asheenaꞌon bi gawukkiyooba, katini gommo bi tunetaanoona, Filsixeemee showoona besheree boonoshi hammemmoyich Doono Yeeri boonoshin yaabaanoone. Ebiyoo asheenaꞌo boonoshi aaf beeti ginoon beegi, boonoshi gaboon shaddiree Gibits boonoshi wotteyaachemmoyichiye.

Keyo 33:4

Asheenaꞌo ebi ayinikkiti mooyon waayeꞌi, ayinii tuummiyeete; aroobiyee tiijjiꞌi koniyoona shashoon gedaanoone.

Haddoo 13:13

Aseeri yoodoochee Mikaꞌeeli bushoo Setuuri;

Haddoo 13:33

Nefiliimeenaꞌonoo arooch beeggeto noone. (Anaaqeenaꞌo shiijjeto Nefiliimeenaꞌo waaneeniye.) Boonoshi aafoochaa noon no ciinigaata, gechooniye no shaahaa beeto; ebin shaahaaniye no ciichaabeeto” iyeete.

Haddoo 14:2

Israꞌeeleenaꞌo bulli Muusinaa Harooninochi toommooch guruuxiyeete. Iiteenaꞌo bulli boonoshich ishichiyeete: “Gibitsaanoo qitibona! Woyee hini barahoochaanoo qitibona!

Yibbaatoo 1:26

“Tunebaani ittoshi, ittoshi Nuggishoo Doono Yeerich ‘Deꞌa getaache’ ii bi toommooch hukkoon tiijjiꞌi, are showooch giyemmon qajjiyote.

Yibbaatoo 1:45

Ittoshiyoo wottee waaꞌi, ittoshin bi gaachemmoyich eeppiibee, Doono Yeerin qollehote. Tunebaani Doono Yeeri ittoshi eeppi qaaroon waayoon, ebinoo aaxxiyoon qajjiye.

Yibbaatoo 9:23

“Doono Yeeri Qadeesh Barina ittoshi hammemmoyich bi tuniihooba, ‘Hamiree ittoshich ta immeti showoon woraashibote’ iye. Tunebaani ittoshi Nuggishoo Doono Yeerichi getoon deꞌa getaache iꞌi bi toommooch hukkoon tiijjihote. Bi toommoochoo ittoshi mulloon tooꞌiyaano ittoshine; bi qaaroonoo waayeyaano ittoshine.

Yaasi 14:8

Tunebaani taanna tookkii hammiti ta maneenaꞌo, Israꞌeeleenaꞌo mulloon keqqoona muuchiitinaꞌone. Tunetaa ta, ta Nuggishoo Doono Yeerin mulloochee tiijjaꞌa dabbiyoye.

1 Saameeli 30:4

Ebich Daawitinaa biinna tookkii beeti asheenaꞌona boonoshi qaaroon oogichiꞌi, kashoon boonoshi guuteemmi wottoon eeppiyeete.