Haddoo 13:33 - Kafa Linguistics Project

³³ Nefiliimeenaꞌonoo arooch beeggeto noone. (Anaaqeenaꞌo shiijjeto Nefiliimeenaꞌo waaneeniye.) Boonoshi aafoochaa noon no ciinigaata, gechooniye no shaahaa beeto; ebin shaahaaniye no ciichaabeeto” iyeete.

Haddoo 13:33 ပူးပေါင်းရင်းမြစ်များ

Halloo 6:4

Arooba, aroyee gubboo genjeenaꞌonaa giidechinaꞌona tuneti Nefiliimeenaꞌo showee toommooch beeheete; eboshi Yeerichi bushiisheenaꞌo asheenaꞌochi maache bushiisheenaꞌon shaaggiꞌi, boonoshi shiyiti bushiisheenaꞌone. Eboshiyoo wonna aricheti ginee anaaminaꞌone.

1 Kiinoo 11:23

Wotta andoo bi neexo uuche hiroo tuneti, ikke hakka ooge Gibitsee ashoon wuxiye. Ebi Gibitsee asho qoreddee shippechochi waanjoommi (shobboommi) yaabechi ginoon yechito bi tunetaanoona, Beenayi gumboon yechiꞌi bi waan hammiye. Biyoo ginoon Gibitsee ashoo kishoochee shottee deqqiꞌi uroon bi hajjee ginoona wuxiye.

Isiyaasi 40:22

Yeeri, showee guuyee toommooch, bi taatee qeenon geddiꞌi kotehe; showee toommeexi asheenaꞌo kundoomminaꞌone; shimaayeenaꞌon maccillaatoochoommon yaggiye; beemi duukkaanoochoommon xogiye.

Haddoo 13:22

Negeebi barahoona beshee hammiꞌi, Kebiroon shaggiyeete. Anaaqee yareenaꞌo tuneti Ahimaani, Sheshaayinaa Talimayina arooch beetinaꞌone. Kebirooni katemoo shuuneeto, Gibits beeti Tsoꞌaani katemoo shuuneyoyee shabaatte naton shiichiꞌiniye.

Haddoo 13:28

Tunebaani are showooch beeti asheenaꞌo giidechinaꞌone. Katemeenaꞌoo xaqqoona uxereeti, ogooge katemeenaꞌone. Wotta Anaaqee yareenaꞌon arooch beeggeto noone.

Haddoo 14:1

Aroochee iitoo bulli tiyiꞌi, ooge qaaroona cookiye. Aroobee xumo bullin asheenaꞌo eeppiibee qeyiyeete.

Yibbaatoo 1:28

Illa amoochiye no hammemmo? No wochaa daachiiti no maneenaꞌo katemeenaꞌo gaawichaa uxereetinaꞌo boonoshi tunoon, boonoshi guudoona beeti xaqqee uxeroo shimaayooch shago bi tunoon, arooch beeti asheenaꞌo noyee beshe giidechinaꞌonaa neex genjeenaꞌona boonoshi tunoonaa ebiyee beshoon wotta Anaaqee yareenaꞌon arooch boonoshi beegonon nooch getona no mullo keqqoona muujjemmoyich tuniitinaꞌone’ iyote.

Yibbaatoo 2:10

Aroyee aaf giidechinaꞌonaa meetinaꞌona tuneti Eemeenaꞌo are showooch beeheete. Boonoshiyoo Anaaqeenaꞌochoommon neex genjeenaꞌone.

Yibbaatoo 3:11

Refayeenaꞌo daggoochee echeto, Bashaanee taatoo Oogi ikkeeto baachiye. Xuuroochee shuuneeti bi qeechi neexo yiixiye hiroo, bi gidoo wotta awudde hiroone. Ebiyoo and beddaahaa Amooneenaꞌochi katemoo tuneti Raaba beetone.

Yibbaatoo 9:2

Asheenaꞌo boonoshi qelloona giidechinaꞌonaa neex genjeenaꞌonane. Eboshiyoo ne ariibeeti Anaaqeenaꞌo, wotta ‘Anaaqee yareenaꞌo aafooch neexoon hakkemmo, konine?’ getaa ne waayeti asheenaꞌone.

Yaasi 11:21

Arooba wotta Yaasi geppe showoo, ebiyoo Kebiroon, Debiirinaa Anaabinooch, ebiyoommon Yihudee showeexi geppe showoonaa Israꞌeelee showeexi geppe showoo bullinooch beeti Anaaqeenaꞌon wuxii aalliihe; boonoshi katemoo bullinoo ciroona aalliihe.

Yaasi 14:12

Ebich arooba Doono Yeeri bi gettitoommon, hini geppe showoon and taach imbe. Arooba Anaaqeenaꞌo arooch beetinaꞌo boonoshi tunoonaa boonoshi katemeenaꞌo xaqqoona uxereeti ogooge katemeenaꞌo boonoshi tunoonon waayeto neene. Doono Yeeri bi gettitoommon, diqqich taanna tookki tune taan bi gaachetaa, boonoshin yoohi kichemmo taane” iye.

Yaasi 15:14

Kaaleebiyoo Anaaqichi keejje bushiisheenaꞌo tuneti Sheshaayi, Ahimaaninaa Talimayinochi shiijjereenaꞌon Kebiroonee yookkii kichiye.

1 Saameeli 17:24

Israꞌeeleenaꞌo uroon boonoshi beeggiyooba, bulliyona oogeton shattiꞌi woceheete.

1 Saameeli 17:42

Biyoo Daawitin manjii ciinniꞌi, dama qeece, mallet gaawe giisheche bushoo bi tunetoyich qallayiye.