30 Kaaleebi, asheenaꞌo Muusi aafoochaa cikki ellemmoyich tuniiꞌi, “Ikke wottoona tiyi keyone. Showoon woraashoyich kochaa yeshon hakkemmo noone” iye.
Yeerina wudoon danemmo noone; biyoo no etteenaꞌon dech kotemmone.
Amaleeqeenaꞌo Negeebi kotetinaꞌone; Hiteenaꞌo, Yebuseenaꞌonaa Amooreenaꞌona geppe showooch kotetinaꞌone; Kanaaneenaꞌoo baharee gashoonaa Yoordaanoosi aachi gashoonooch kotetinaꞌone” iyeete.
Tunebaani biinna tookkii hammiti asheenaꞌo ishichiyeete: “Asheenaꞌo noyee beshe kuppheenaꞌo boonoshi tunetoyich, boonoshina koyoyich hamon hakkaachone” iyeete.
Tunebaani ta guuno Kaaleebi bariti ayaano biich bi beetoyich, ceeni mulloona taan bi dabbitoyich, hammii bi beeggiti showooch biin giijjemmo taane; bi shiijjereenaꞌoo woraashemminaꞌone.
Ebi asheenaꞌochi shigo: Yihudi yoodoochee Yefuuni bushoo Kaaleebi,
Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?
Illa noon shunniti Kiristoosina ebi mooyinaꞌo bulli toommooch wudoon danoona, kochii wochii beetinaꞌoyee beshoo noone.
Giidoon taach immiibeeti Kiristoosina bulli mooyon tuniyoon hakkaabeeto taane.
Ebi asheenaꞌo mulloon Yeeri toommooch boonoshi tooꞌitoyich, taatee showeenaꞌon kochii wochiyeete; dayinnetoona qeejjiyeete; Yeeri boonoshich gibenikkiti mooyon daneheete; daahereenaꞌochi gaakkoon hicciyeete;