Haddoo 12:6 - Kafa Linguistics Project

⁶ Ishichiinoo iye: “Ta gettaa beeton waayebote. Ittoshi daggooch keemecho bi beegaata, Doono Yeeri ta, yaaꞌoona biich bekkaabeeto taane; gumonoo biich gettaabeeto taane.

Haddoo 12:6 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

Halloo 20:7

Illa ureen bi kenoyich wochibe. Biyoo keemechone. Neech corootemmone; newoo wodemmo neene. Tunebaani wochoo ne qayigaata, neennaa ne asheenaꞌo bullina qitemmo ittoshi tunoon ariibe” iye.

Halloo 28:12

Gumonoo gummiye. Ebi gumona showooch neexeti, bi cilloo shimaajj tuggeti daqqelloon beeggiye; Yeerichi maraakeenaꞌoo ebi daqqelloona kechii kindii beeheete.

Halloo 28:16

Yaaqobiyoo tokketoochee tiyiꞌi, “Iberoon Doono Yeeri hini xaaꞌooch beetone; tunebaani ta ebin ariyaano taane” iye.

Halloo 37:5

Ikke areddoon Yooseefi gumon gummiye. Bi maneenaꞌoyich bi maacaa, aafichoyee beshoon biin shixxiyeete.

Halloo 37:9

Wochinnoon bare gumon gummiye. Bi maneenaꞌoyich ishichii maacciye: “Wotta bare gumon gummoye. Aabe, ageneenaa aaraa ikke xojjeneenaꞌona taach goyinnee beetaa beeggoye” iye.

Halloo 46:2

Yeeri yaaꞌoona Israꞌeelich xum bekkeꞌi, “Yaaqobo, Yaaqobo” iye. Biyoo eekkehe.

2 Saameeli 7:4

Tunebaani aroobee xum Doono Yeeri Naataanich ishichiye:

1 Taateenaꞌo 3:15

Solomooniyoo tokketoochee tiyiꞌi, Yeeri gumona biich yibbaatoon ariihe. Aroochee Yerusaalem wotteꞌi hammiye; Doono Yeerichi wogee taabootee aafooch neexeechii micciibeeti deejjoonaa ikkittinee deejjoonon deejjiye; bi iraasheenaꞌo bullichoo gifiroon geddiye.

1 Taateenaꞌo 3:5

Gibeꞌoonaa Doono Yeeri Solomoonina xumi gumona danehe. Yeeriyoo “Neech ta immemmoyich ne qaawaabeeto amo gaata, taach gete” iye.

Iyoobi 33:15

Xumoona asheenaꞌo boonoshi qeenooch tokketeꞌi beetaa, tokketee qitiꞌi boonoshi beetaa, gumon guchiyoonaa xumoona yaaꞌoon bekkiyoona,

Iyoobi 4:13

Ikke xumoon, magge tokketee toommooch beechaa, gonde gumon gummehoye;

Shoddo 105:15

Ishichiinoo iye: “Huutteti ta asheenaꞌochi achooch shaggaahote; ta keemechinaꞌo toommoochoo gondoon shuuneyaahote” iye.

Shoddo 89:19

Gibeneeti ne guunoyich wonna ishichaꞌa yaaꞌoona getteto neene: “Ikke ginee anaamon gaachehoye; asheenaꞌo daggoochee ta kaaccetoyich oogoon immehoye.

Keyo 7:1

Aroochee Doono Yeeri Muusich ishichiye: “Ebeege; ta, neen Faroonich nuggishoommon tuniito taane. Ne manoo Harooniyoo ne keemechon tunemmone.

Erimiyaasi 23:25

“ ‘Gummeto taane; gummeto taane’ iibee ta shigoona koote keemoon keemmiibeeti keemechinaꞌo mooyon waayeto taane.

Erimiyaasi 23:28

Gumon gummiti keemecho bi gumon maace; tunebaani ta qaaro bi waan beeto gibeneeton tunoona ta qaaroon gete; tulloonaa teepphoonon amo daniihe?” iye Doono Yeeri.

Hiziqeeli 1:1

Shaashinnee natooba, awuddinnee agenee uuchinnee qemooba Kebaari aachi gashooch, keccetinaꞌo daggooch ta beetaa shimaayoo qecheetaa Yeerichi yaaꞌoon beeggeho.

Daaneeli 10:8

Ebich ta ikkeeto baach ebi worganikkiti yaaꞌoon beeggaabee arooch echeho. Tawoo giidoo qacheho; ta halloo shaddeeꞌa tuusheeho; giidoon mucceto taane.

Daaneeli 2:19

Aroobee xum ebi aacheeti mooyo yaaꞌoona Daaneelich bekkehe. Biyoo shimaajji Nuggishoon galletehe;

Daaneeli 7:1

Baabloonee taatoo Belshasoori taateti ikkinnee natooba, ta, Daaneeli, ta qeenooch qeyaabee gumon gummeho; yaaꞌoonoo beeggeho. Ebi ta beeggeti gumi aafechi mooyon ishichaꞌa kooriyoye: Showee awudde kelloona waati shimaajji yongo ooge baharoon bi shuurikkii beetaa, yaaꞌoona xum beeggeho.

Daaneeli 8:2

Ebi yaaꞌoona ciinneho; ta ciinneto, Elaami woraafooch beeti inde katemoo Suusa ta beemoniye. Ulayi aachi gashooch beeho.

Hosee'i 12:11

Gilaadee showooch axaaxoo beetone. Ebi aroochaa boonoshiyoo duubemminaꞌone. Galigalaa gubbeneenaꞌon deejjoon giddiitinaꞌone. Boonoshi deejjee gudeenaꞌo goyee budooch beeti xaqqee gutoon tunemminaꞌone” iye.

Yoꞌeeli 3:1

Doono Yeeri ishichiye: “Aroobee aaboonaa yemeenoonooch, Yihudee showoonaa Yerusaaleminochi kecoon wochemmo taane.

Zakaariyaasi 1:8

“Ikke asho ceelle hareshoon yebbeꞌi bi beetaa xumi yaaꞌoon beeggeho. Biyoo bambooch, hadaasee michi daggooch neexeꞌiniye bi beeto. Bi gubb ceelle hareshoo, daashe hareshoonaa nacce hareshoona beetone.

Haddoo 24:4

Yeerichi qaaroon waayeebeeto, Beshe Hakkechi Nuggishoochi yaaꞌoon beeggiibeeto, showooch guufeto, tunebaani bi aafo gaxxeeto, ishichiye:

Maatiyoosi 1:20

Yooseefi ebin gabii bi beetaa, Doonochi maraakoo gumona daneꞌi biich ishichiye: “Daawitichi bushoo Yooseefo, shaagga ne maakkiiti Maariyami yeqqefeto, Yaafe Ayaanoonane. Ebich shattaahine, shaage.

Maatiyoosi 2:19

Heroodisi qititoyee gubb, Doonochi maraakoo Gibitsaa gumona Yooseefina daneꞌi,

Maatiyoosi 23:31

Ishigaata, keemechinaꞌon wuxitinaꞌochi bushiishoo ittoshi tunoon ittoshi qelloona miixee beetote.

Maatiyoosi 23:34

Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Luqaasi 1:11

Arooba Doonochi maraakoo ixaanee deejjee gudoochaa qanne badd neexeꞌi biich bekkehe.

Luqaasi 1:22

Aroochee kechiꞌi boonoshich yibbaatemmon mawiihe. Ebich yaafee kexoochaa yaaꞌoon beeggito bi tunoon ariiheete. Biyoo bi kishoona malletee bekkii beehe; miimeton tuneꞌi beehe.

Luqaasi 20:6

Wotta ashoone no getigaata, asheenaꞌo bulli Yowannisin keemechone iꞌi boonoshi iberii beetoyich, xaqqoona noon yexiree wuxemminaꞌone” iyeete.

Mishiraachechinaꞌo 10:11

Are yaaꞌoona shimaayoo qecheetaa, oogeti naxaloon shaahiibeeti mooyona awudde caappoona yecheeti qiico showooch kindiye.

Mishiraachechinaꞌo 10:17

Pheexiroosi bi beeggiti yaaꞌoon “Ebi amoone?” iibee bi mulloona kichii kindii bi beetaa, bekkech Qorineloosi wocheti asheenaꞌo gooqqee quccechi Simooni kexon echeebee daneꞌi kellooch shaggiyeete;

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

Yibbaatoo 18:15

Ne Nuggishoo Doono Yeeri ne maneenaꞌo daggoochee taanoommi keemechon neech tiijjemmone. Bi gettimmon waayebe.

Yibbaatoo 18:18

Boonoshi maneenaꞌo daggoochee neenoommi keemechon tiijjemmo taane; bi gettemmi mooyonoo biich gettemmo taane. Biyoo biich ta getteto bullin asheenaꞌoyich gettemmone.

Hibireena'o 1:1

Wonnee yemeenoochee tiijjiꞌi, Yeeri wodde wottoon baribare gommona no qaabbechinaꞌoyich keemechinaꞌochi noonoona gettiye.

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.

Yaaꞌoo 11:3

Gutte ta miixeenaꞌon woche deejjemmo taane; boonoshiyoo muushenee tahoon taheree ebi are ikke humaa gutte ballaa shiche qemon keemoon keemmemminaꞌone” iye.

1 Saameeli 28:6

Biyoo Doono Yeer waan corootiye. Doono Yeeriyoo gumona woyee Uriimoona woyee keemechinaꞌona biich wochemmon qajjiye.

1 Saameeli 3:15

Saameeliyoo showoo harimmi wottoon tokketehe. Aroochee Doono Yeerichi kechi kelleenaꞌon qechiye. Biyoo ebi yaaꞌoon Eelich gettemmon shattiye.

1 Saameeli 3:21

Doono Yeeriyoo aroyee aaf bi bekketoommon, Saameelich Shiloohaa bekkeebee biich yibbaatee beehe. Saameeli yibbaatoon Israꞌeeleenaꞌo bulli elleꞌi waayee beeheete.