Haddoo 11:29 - Kafa Linguistics Project

²⁹ Tunebaani Muusi biich, “Ta naboyich qaaqqaꞌaane? Doono Yeer asheenaꞌo bulli keemechinaꞌo boonoshi tunemmo gaata, Doono Yeeriyoo bi Ayaanoon boonoshi toommooch bi kindiimmo gaatoona, taach emiroone” iye.

Haddoo 11:29 ပူးပေါင်းရင်းမြစ်များ

Yoꞌeeli 2:27

Israꞌeelee asho ittoshi daggooch ta beemon, Doono Yeeri ta, ittoshi Nuggishoo ta tunoon, tayee bare nuggishoo aallo bi tunoon, ariyemmo ittoshine. Ta asheenaꞌo ciroona wochinnoon yeelleyaachemminaꞌone” iye.

Yoꞌeeli 3:1

Doono Yeeri ishichiye: “Aroobee aaboonaa yemeenoonooch, Yihudee showoonaa Yerusaaleminochi kecoon wochemmo taane.

Haddoo 11:30

Aroochee Muusinaa Israꞌeelee geeneenaꞌona kaambooch wotteheete.

Luqaasi 10:2

Hamma boonoshi tiyimmona, boonoshich ishichiye: “Qecceyemmi maayo woddoone; tunebaani qeccii kicechinaꞌo giishecheenaꞌone. Illa maayi Doono maayo beeti budooch qeciree kicemminaꞌon bi daachiyemmoyich corootibote.

Mishiraachechinaꞌo 26:29

Phawuloosi wochiꞌi, “Genjebe, qamine, ne ikkeeto tuneyaanoon, hanaach ta noonoochee waayee beetinaꞌo bulli, hini ta cucheyoyee damba, mooyo bullina taanoommon boonoshi tunemmoyich, Yeerin qollaabeeto taane” iye.

1 Qorontoosi 13:4

Shunecho bulli mooyon haaꞌiihe; ashoyichoo deehe. Shunecho qanaateyaache. Shunecho naadeyaache; geecaache;

1 Qorontoosi 14:5

Baribare noonoona ittoshi yibbaatoon shunnaabeeto taane; tunebaani beshoon ta shunnaabeeto, keemoon ittoshi keemoniye. Baribaare noonoona yibbaateeti yibbaatoo kittinnee guuphon bi eenniyemmoyich, wokkeelli biichemmi asho aallegaata, baribare noonoona yibbaateebeeti ashoyee keemoon keemmiibeeti ashoone besho.

1 Qorontoosi 3:21

Illa bulli mooyo ittoshicho bi tunetoyich, koniyoona ashoona geecaaye.

Filipphisiyoosi 2:3

Ittoshi qelloon giishiyoona “Ta manoo tayee gaawiye” getiree gabibotalli, beshi bekkeya getiree woyee duube naadoon daneya getiree ikke mooyonona tuniyaahote.

Yaaqobi 4:5

Yaafe Macaafoochaa “Yeeri no mullooch bi kotiiti Yaafe Ayaano qanaatoona qaatii beetone” getaa kooreeto duuboon getteeto ittoshich shaahii beete?

Yaaqobi 5:9

Ta maneenaꞌote! Yeeri ittoshi toommooch bi nallaachemmoyich, ittoshinaa ittoshina guruuxiyaahote. Ebiyoche, nallecho kelletooch katinniꞌi neexetone.

1 Pheexiroosi 2:1

Illa gondo bullin, dawushoo bullin, mullee xalloo shaahoon, qanaatoon, oono bullinoo ittoshi waanee wokkiibote.

1 Saameeli 10:6

Aroochee Doono Yeerichi Ayaano giidoona ne toommooch kindemmone. Newoo boonoshina tookki keemmemmo neene. Doono Yeerichi Ayaano andire ashoon tuniiree neen shaddemmone.