Haddoo 11:17 - Kafa Linguistics Project

¹⁷ Tawoo kindi aroochaa neenna tookki yibbaatemmo taane; ne waan beeti Ayaanoochee qoodiree boonoshi toommooch kotiyemmo taane. Asheenaꞌochi shaagoon shaagona neen gaachemminaꞌone; ebiyee bekk, ne ikkeeto baach shaagaachemmo neene.

Haddoo 11:17 ပူးပေါင်းရင်းမြစ်များ

Halloo 11:5

Ebina katemoon shuuneheete. Arooba Doono Yeeri ebi asheenaꞌo shuuneti katemoonaa dilaaloonon beegga kindiye.

Halloo 17:22

Yeeri Abrahamina tookkii yibbaatoon bi ciichitoyee gubb, Abrahamiyee barii hammiye.

Halloo 17:3

Abraamiyoo bi baroona showooch guufehe. Yeeriyoo biich ishichiye:

Halloo 18:33

Doono Yeeriyoo Abrahamina tookkii yibbaatoon bi ciichitoyee gubb, hammiye. Abrahamiyoo bi kexooch wottehe.

2 Taateenaꞌo 2:15

Yaarikee waaꞌi, arooch beeti, ikke guuphi keemechinaꞌo ebin beeggiꞌi, “Eliyaasichi ayaano Elisayi toommooch kinditone” iyeete. Biinna daneya waaꞌi baroona bi aafooch showooch guufeheete.

2 Taateenaꞌo 2:9

Boonoshi kimmitoyee gubb, Eliyaasi Elisayich, “Yeeri taan daamaan beetaa, neech ta tuniyemmoyich ne qaawaabeeto, amo gaata taach gete” iye. Elisayiyoo “Ne ayaano gutte kishoon tuneree ta toommooch bi kindemmoniye ta qaawaabeeto” iye.

Nehimi 9:20

Boonoshin bi dojjemmoyich deꞌe ne Ayaanoon boonoshich immehine. Mannoonoo boonoshi noonoochee kuxaano neene; boonoshi shachewoyichoo aacon immehine.

Keyo 18:18

Neennaa ne waan waabeeti asheenaꞌona maraateeniye ittoshi beeto. Ebi shuunoo neech magge shaagoone; ne ikkeeto ciichoon hakkaachemmo neene.

Keyo 18:22

Boonoshiyoo amee aaboochona asheenaꞌo mooyon nallibeete; kettoo tuneti mooyo bullin boonoshi ciichibeete; tunebaani maggee iritiibeeti mooyo bullin ne waan boonoshi deebemmoyich tuniibe. Ebin tuniyoona ne maggoon boonoshi qoodeetaa, mooyo neech kettemmone.

Keyo 19:11

Sharittich qannibeete. Sharitta Doono Yeeri ta, asho bulli ciini beetaa, Siini guudooch kindemmo taane.

Keyo 19:20

Doono Yeeriyoo Siini guudi toommooch kindiye; Muusinoo guudi toommooch bi kechemmoyich ceeggiye; Muusiyoo kechiye.

Keyo 34:5

Aroochee Doono Yeeri quboona kindiye; aroochaa Muusina tookkii neexeꞌi, bi shigo Doono Yeerin awaajjiye.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 63:11

Aroochee asheenaꞌo Muusichi wonnee yemeenoon, gabiyeete; boonoshiyoo “Bi bageenaꞌochi qiddeenaꞌona tookkii boonoshin baharoochee kichito aaye? Bi Yaafe Ayaanoon boonoshi daggooch kotiito aaye?

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Haddoo 11:25

Aroochee Doono Yeeri quboona kindiꞌi biich yibbaatehe; bi toommooch beeti Ayaanoochee daammiꞌi shabe geeneenaꞌo toommooch kotiihe. Ayaano boonoshi toommooch kottehooba, keemoon keemmiyeete; tunebaani ebiyee gubb keemaaneenaꞌone.

Haddoo 12:5

Doono Yeeriyoo giimboochoommon neexeebeeti quboona kindiꞌi, duukkaanee kellooch neexehe. Harooninaa Miiriyaminon ceeggiye. Boonoshi guttiyona bi waan waaheete.

Haddoo 12:8

Biinna tookkaa ta yibbaateebeeto baroon baroona danaꞌa, xallalli aashoona toonoone. Doono Yeeri ta shaahoonoo beeggii beetone. Ishigaata, aabichaa aafoon kupphaꞌa ta guuno Muusi toommooch yibbaatehote?” iye.

Haddoo 27:18

Aroochee Doono Yeeri Muusich ishichiye: “Ayaano bi toommooch beeti asho, Nuuni bushoo Yaasin daami ne kishoon bi toommooch kotiibe.

Haddoo 7:89

Muusiyoo danee duukkaanoochaa Doono Yeerina yibbaatoyich bi giyiyooba, miixee taabootee toommooch beeti, axaaxoon maariyee guufoyee tookkaa, gutte kiruubeenaꞌochi gutte daggoochaa Doono Yeeri biich yibbaatetaa waayehe.

Yowannisi 3:13

Shimaayoochee kinditoyee damba shimaayooch kechito koniyoona aalloone; ebiyoo Ashi Bushoone.

Yowannisi 7:39

Ishin bi gettito, boonoshi mulloon bi toommooch tooꞌiitinaꞌo boonoshi danemmi Yaafe Ayaaneechoniye; Yaafe Ayaano batt kindaan beetone; ebiyoo Yesuusi oogoyich batt shimaajj keyaan beeto bi tunetoyichiye.

Roomi 8:9

Tunebaani ittoshi, Yeerichi Ayaano ittoshi mullooch bi beegaata, Yeerichi Ayaanoyich hajjeeꞌi beehotalli, meenoyich hajjeeꞌi beetaachote. Illa Kiristoosichi Ayaano biich aallo bi tunegaata, aroo Kiristoosicho toonoone.

1 Qorontoosi 2:12

Tunebaani nooch icheti wojjoo bullin no ariyemmoyich, Yeer waanee wocheeti Ayaanoani, hini alemeexi ayaano toonoone nooch icheto.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

Yihudi 1:19

Eboshi kittinnee guuphinaꞌon barbarii beetinaꞌone; meechi qaatoyich hajjee beetinaꞌo, Yaafe Ayaano boonoshich aalli asheenaꞌone.

1 Saameeli 10:6

Aroochee Doono Yeerichi Ayaano giidoona ne toommooch kindemmone. Newoo boonoshina tookki keemmemmo neene. Doono Yeerichi Ayaano andire ashoon tuniiree neen shaddemmone.