13 Ta waan waaꞌi, ‘No maayemmi meenon nooch imbe’ iibee eeppiibeeti, ebi asheenaꞌo bullich meenon amoocheeniye ta deebemmo?
Tunebaani bi aafee bushoo, “Ebin balle ashoyich ta giddiyemmo, aabichireeshiye?” iye. Elisayiyoo, “ ‘Maaree echiyemminaꞌone’ iꞌi Doono Yeeri gettitone. Ebich boonoshi maayemmoyich asheenaꞌoyich imbe” iye.
Taatoochi baatoon deggiibeeti iraashoo Yeer ashoyich wochiꞌi, “Doono Yeeri shimaajji mallee kelloon bi qechitaanona, ebi mooyo tunoon hakkaache” iye. Tunebaani Elisayi, “Ne hajjee aafoona ebin beeggemmo neene; tunebaani aroochee shaacaachemmo neene” iye.
Tunebaani ittoshi daggooch beeti Doono Yeerin ittoshi hoxetoyich, bi aafoochaanoo “Amoyich Gibitsee kechetone?” ii ittoshi eeppitoyich, ittoshin bi beelletiimmi wottoon, ittoshi muddoona bi waammi wottoonoo ikke agenee kipphimoon maayemmo ittoshine’ gete” iye.
Muusiyoo “Baatoona qaxiriibeeti shiritte balle hume maccee daggoochiye ta beeto; ne wotta ceeni ikke agenoon ‘Boonoshi maayemmi meenon boonoshich immemmo taane; boonoshiyoo maayemminaꞌone’ ito neene.
Meeti miimonaa bagoona bashaa boonoshich beddehe? Bahareexi haasheenaꞌon bulli yeshi kicaa boonoshich beddehe?” iye.
Bi dabbeenaꞌo wochiꞌi, “Hini shaahe asheenaꞌon michiyemmi koshon hini gafoo aalli xaaꞌoochee amoochee danehone?” iyeete.
Bi dabbeenaꞌo tiyiꞌi, “ No beeti showoo gafoo aalli barahoone; ishigaata, hini asheenaꞌoyich beddemmi maayoon amoochee deebiree maanjoon hakkehone?” iyeete.
Yesuusi wochiꞌi, “ ‘Neech bi hakkeegaata’ inne? Mulloon Yeeri toommooch tooꞌitoyich, bulli mooyo hakkeyemmone” iye.