Haddoo 11:1 - Kafa Linguistics Project

¹ Asheenaꞌo boonoshi toommooch shaggiti iritoyich, Doono Yeeri toommooch guruuxiyeete. Doono Yeeriyoo boonoshi guruuxoon waayeꞌi, oogichii kaarehe. Bi qaaqqoo boonoshi daggooch aaxxeꞌi kaamboon gocoochaa maahe.

Haddoo 11:1 ပူးပေါင်းရင်းမြစ်များ

Halloo 38:10

Ebi bi shuunoo Doono Yeeri aafoochaa gondo tuneꞌi bi bekketoyich, Doono Yeeri biin naxetaa qitiye.

2 Saameeli 11:27

Eeppi aabo beshemmona Daawiti wochiiꞌi, bi kexooch bi woyemmoyich tuniihe. Biichoo mechee tunehan; anaami bushoonoo biich shiyahan. Tunebaani Daawiti shuuneti shuunoo Doono Yeerin emirikkaanoone.

2 Taateenaꞌo 1:12

Tunebaani Eliyaasi wochiꞌi, “Yeer asho ta tunegaata, qaaqqoo shimaayoochee kindiree, neennaa aache ne asheenaꞌonon mame” iye. Areegaata, Yeerichi qaaqqoo shimaayoochee kindiꞌi, biinnaa aache bi asheenaꞌonon maahe.

Iyoobi 1:16

Ebin gettii bi beetaa, bare wocheyecho waaꞌi ishichiye: “Xeeyo kindiꞌi bageenaꞌonaa qiddeenaꞌonon yechiye; boonoshinoo michii aalliihe. Ta ikkeeto baach muriccaꞌa ebin neech getta waahoye” iye.

Shoddo 106:18

Boonoshi dabbeenaꞌo toommooch qaaqqoon kindiihe; qaaqqee aaxxo gondeenaꞌon michiye.

Shoddo 78:21

Doono Yeeri ebin waayeꞌi oogichii kaarehe; Yaaqobi toommooch qaaqqoo aaxxehe; Israꞌeeli toommooch bi kaaro cufiye.

Shoddo 78:63

Boonoshi gurimaasheenaꞌon qaaqqoo maahe; boonoshi maache bushiisheenaꞌoyich gaaree shoddo shoddeyaanoone.

Keyo 16:7

Biyoo bi toommooch ittoshi guruuxiti guruuxoon waayetone; ebich yaach maaddoona bi oogee yiiroon beeggemmo ittoshine. Halla no toommooch ittoshi guruuxito, koni no tunetenane?” iyeete.

Keyo 16:9

Aroochee Muusi Haroonin “ ‘Ittoshi guruuxiti guruuxoon Doono Yeeri waayetone; ebich bi waan giddebote’ getiree Israꞌeelee iitoo bullich gete” iye.

Isiyaasi 10:17

Israꞌeeleenaꞌochi bekko tuneti Yeeri boonoshich qaaqqoon tunemmone; Israꞌeelee Yaafoo Yeeri qaaqqee aaxxoon tuneree, ikke areddoon angixonaa guccinonon michi aalliyemmone.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 33:14

Tsiyoon beeti axaaxechi asheenaꞌo shattiyeete; Yeerich qeyaaneenaꞌo qeweheete; boonoshiyoo “No daggoochee michiibeeti qaaqqee daggooch beemon hakkemmo konine? No daggoochee bulli aabooch michiibeeti qaaqqoona tookkii beemon hakkemmo konine?” iyeete.

Shoosho 3:39

Ishigaata kashoona beeti asho, bi axaaxee naboona bi sheerehooba, bi guruuxiibeeto amoyichiye?

Hiziqeeli 20:36

Gibitsee barahoochaa ittoshi qaabbechinaꞌochi toommooch ta nalloommon ittoshi toommooch nallemmo taane, iye Nuggishoo Doono Yeeri.

Leweenaꞌo 10:2

Bekkech qaaqqoo Doono Yeer waanee kindiꞌi boonoshin michii wuxiye. Boonoshiyoo Doono Yeeri aafoochaa qitiyeete.

Naahoomi 1:5

Bi aafooch guudinaꞌo qeweheete; geppeenaꞌoo muujjiyeete; bi aafooch showoo shuuriye; showoonaa showee toommooch beeto bullina qewehe.

Imbaaqoomi 3:5

Biiyo bi aaf hammemmoyich tuniihe; qitoo bi hillooch katini dabbemmoyich gettiye.

Haddoo 10:33

Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye.

Haddoo 11:18

“Asheenaꞌoyichoo ishichibe: ‘Yaachich yaafeeree qannibote. Meenon maayemmo ittoshine. “No maayemmi meenon koni nooch imba? Gibits no beehooba, nooch gaawiye” ii ittoshi eeppiton Doono Yeeri waayetone. Ebich Doono Yeeri meenon ittoshich immemmone; ittoshiyoo maayemmo ittoshine.

Haddoo 12:2

Ishichiinoo iyeete: “Iberoon Doono Yeeri Muusina baachiye bi gettito? Noonna getaanoone?” iyeete. Doono Yeeriyoo ishin waayehe.

Haddoo 14:2

Israꞌeeleenaꞌo bulli Muusinaa Harooninochi toommooch guruuxiyeete. Iiteenaꞌo bulli boonoshich ishichiyeete: “Gibitsaanoo qitibona! Woyee hini barahoochaanoo qitibona!

Haddoo 14:22

Gibitsee showoonaa barahoonoochaa ta oogee yiiroon, ta tuniiti gaakkechi mooyonoo beeggiti ebi asheenaꞌo bulli aashire wottoon taan phireya boonoshi qiiccetoyich, ta qaaroonoo waayo boonoshi qajjitoyich,

Haddoo 14:27

“Hini gonde iitoo ta toommooch bi guruuxi beeyemmo, aati wottooniye? Israꞌeeleenaꞌo ta toommooch boonoshi guruuxiibeeti guruuxoon waayeto taane.

Haddoo 14:28

Boonoshichoo ishichibe: ‘Ta, beeyecho ta tunetoyich, ta waayaa beetaa ittoshi yibbaatetoommon, ebiyoommon ittoshi toommooch tuniyemmo taane.

Haddoo 16:11

Neennaa ne guuphinaꞌo bullina ikkooch kiceeꞌi ittoshi tiyito, Doono Yeeri toommoochiye. Halla ittoshi guruuxemmoyich, Harooni konine?” iye.

Haddoo 16:35

Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.

Haddoo 17:5

Ta kaacceti ashi gumbe atemmine. Ittoshi toommooch boonoshi guruuxiibeeti Israꞌeeleenaꞌochi guruuxoon ta waanee ebina kuxxemmo taane” iye.

Haddoo 21:5

Asheenaꞌoo Yeerinaa Muusinochi toommooch tiyiꞌi ishichiyeete: “Maayo, aaco aalli hini barahoochaa no qitemmoyich Gibitsee amoyich noon kichiyote? Hini gaacaalli maayo noon beelletiitone” iyeete.

1 Qorontoosi 10:10

Boonoshichoommon guruuxaayone; boonoshi daggoochee ikkikkeenaꞌo guruuxaa, aalliyecho kindiꞌi boonoshin aalliitone.

Yibbaatoo 25:18

Taahaa maraataꞌa ne beetaa, gommoochaa neenna daneꞌi gubb kuxeꞌi dabbii beetinaꞌo bullin wuxiyeete. Boonoshiyoo Yeerin shataaneenaꞌone.

Yibbaatoo 32:22

Ta kaaro qaaqqoochoommon aaxxemmone; Siꞌoolooch beddaahaa michemmone; showoonaa bi toommooch beeti goyo bullinon michemmone; geppee gaadoon michi aalliyemmone.

Yibbaatoo 9:22

“Ebiyoommon wotta Tabeeri, Masaahinaa Qibiroot Hataawinoochaa Doono Yeeri shine kaaremmoyich tuniihote.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.