Haddoo 10:12 - Kafa Linguistics Project

¹² Israꞌeeleenaꞌo Siini barahoochee tiyii boonoshi gommon qaxiriyeete. Qubo Faraani barahooch kindii kotehe.

Haddoo 10:12 ပူးပေါင်းရင်းမြစ်များ

Halloo 14:6

Wotta Seyiri guudinaꞌooch beeti Hooreenaꞌon barahee gashooch beeti El Faraan beddaahaa yookkiꞌi, kochii wochiyeete.

Halloo 21:21

Bi beemi xaaꞌoon Faraani barahooch tuniihe. Bi indeyoo Gibitsee showoochee mecheen deebaa biich shaakkiihan.

1 Taateenaꞌo 11:18

Boonoshiyoo Miidiyamee showoochee tiyii, Faraanee barahooch hammiyeete. Faraanee barahoochee giisheche asheenaꞌon yechii, Gibitsee showooch, Gibitsee taatoo Faroon waan waaheete. Biyoo Hadaadich kexonaa maayoonon daaggiye; showoonoo biich immiye.

Keyo 13:20

Israꞌeeleenaꞌo Sukootee tiyiꞌi, barahee gashooch beeti, Etaam kaamboon geddiꞌi koteheete.

Imbaaqoomi 3:3

Yeeri wochinnoon Temaanee showoochee, Yaafe Yeeri, Faraani geppoochee waa beetone. Bi oogee yiiroo shimaayoon kaappitone; biin naadoo showoo bulliich ceennitone.

Haddoo 1:1

Israꞌeeleenaꞌo Gibitsee boonoshi kechitoyee gubb, guttinnee natooba, guttinnee agenee ikkinnee qemooba, Doono Yeeri Muusich Siini barahoochaa, danee duukkaanee daggoochaa ishichiꞌi gettiye:

Haddoo 10:33

Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye.

Haddoo 12:16

Ebiyee gubb asheenaꞌo Hatserootee tiyii qaxiriyeete; Faraani barahooch kaamboon geddii koteheete.

Haddoo 13:26

Qiiddechinaꞌo Muusi, Harooninaa Israꞌeeleenaꞌochi iitoo bullina beeti Faraani barahooch, Qadeesh waaheete. Woroonoo boonoshinaa iitoo bullinoyich gettiyeete. Are showeexi manjeebeeti michi aafoon boonoshich bekkiiheete.

Haddoo 13:3

Ebich Muusi Doono Yeeri gettitoommon, Faraani barahoochee asheenaꞌon daachiihe. Boonoshi bulliyona Israꞌeeleenaꞌochi ukkireenaꞌone.

Haddoo 2:34

Israꞌeeleenaꞌo Doono Yeeri Muusich gettiti mooyo bullin tuniiheete. Boonoshi baanderi baanderoona kaamboon geddiꞌi koteheete; ebiyoommon wotta boonoshi gumbi gumboona boonoshi qaabbechinaꞌo yari yaroona tiyii qaxiriyeete.

Haddoo 9:1

Gibitsee boonoshi kechiti guttinnee natooba, ikkinnee agenooch Doono Yeeri Muusich Siini barahoochaa ishichiye:

Haddoo 9:17

Qubo duukkaanee toommoochee bi tiyiyooba, Israꞌeeleenaꞌo qaxirii beeheete. Qubo hammii neexeti xaaꞌooch Israꞌeeleenaꞌo kaamboon geddii kotee beeheete.

Haddoo 9:5

Batti batti agenee aaraa awuddinnee qemooba, showee shimmishimmooch Beshee Baaroon Siini barahoochaa baariyeete. Israꞌeeleenaꞌo Doono Yeeri Muusich gettitoommon bulli mooyon tuniiheete.

Yibbaatoo 1:1

Hini macaafooch beeto, Israꞌeeleenaꞌo Moꞌabee showooch boonoshi beetaa, Muusi boonoshich yibbaateti yibbaatoone. Arooba kaamboon geddiꞌi boonoshi beeto, Yoordaanoosi aacoochaa aabi-keyo waan, Suufi ciinooch beeti Yoordaanoosi bambeexi barahoochiye. Ebiyoo Faraanin boonoshi ikke badd, Xofeelin, Labaanin, Hatserootinaa Dizaabinon wotta boonoshi bare badd geddiꞌiniye.

Yibbaatoo 1:19

Muusi Israꞌeeleenaꞌoyich ishichiye: “Doono Yeeri Kooreebi guudoochee tiyi no hammemmoyich bi gettitoommon, nowoo aroochee tiyaa, ebi ittoshi beeggiti gaminoonaa shattiitona tuneti barahoon beshaꞌa, Amooreenaꞌochi geppe showooch waahone. Aroochee Qadeesh Barina shaggehone.

Yibbaatoo 1:7

Tiyi qaxiribote. Geppechi Amooreenaꞌo showoonaa bi guudoona beeti showoo bullinooch hambote. Yoordaanoosi bambooch, geppe showoonaa worebe showoonooch, Negeebi barahoonaa Meditiraanee baharee gashoonooch hambote. Kanaaneenaꞌo showoo bulliich, Libanoosi guudinaꞌonaa Efiraaxisi ooge aaconooch beddaahaa qaxiribote.

Yibbaatoo 33:2

Biyoo ishichiye: “Doono Yeeri Siini guudoochee noon gaacheya waahe; aabe keyoommon kechiꞌi, Edoomee showoochaa bi asheenaꞌo toommooch koojjiye; bi bekko Faraani guudoochaa koojjii bekkehe. Aashire hume bi maraakeenaꞌo biinna tookkii beetinaꞌone; bi qanne kishoochee qaaqqoo aaxxehe.

1 Saameeli 25:1

Saameeli qitiye. Israꞌeeleenaꞌo bulli kiceeꞌi biich eeppiyeete. Bi kexo beeti Raama biin duukkiyeete. Aroochee Daawiti tiyiꞌi desh Faraani barahooch hammiye.