Haddoo 10:10 - Kafa Linguistics Project

¹⁰ Wotta ittoshi emiree aabooba, ittoshi baari baarooba, agenee keyi baarooba, micciibeeti deejjoonaa ikkittinee deejjoonon ittoshi giddiihooba tiroon hugote. Eboshiyoo Doono Yeeri ta aafoochaa ittoshi shalligeyemmoyich tuniyemminaꞌone; ta, ittoshi Nuggishoo Doono Yeeri taane” iye.

Haddoo 10:10 ပူးပေါင်းရင်းမြစ်များ

2 Taateenaꞌo 4:23

Biyoo, “Hanaach agenee keyi baaroo woyee shambetoo toone; bi waan ne hammemmo amoyichiye?” iye. Ureyoo “Diggoyichiye” iyan.

1 Kiinoo 15:24

Qeesheenaꞌo tuneti Shebaniyi, Yoshafeexi, Netaaneli, Amasayi, Zakaariyaasi, Beenayinaa Elezeerina Yeerichi taabootee aafoochaa tiroon huggii beeheete. Obeed Edoominaa Yehiyahinoo wotta taabootee kechi kelloon quyechinaꞌone.

1 Kiinoo 15:28

Ebiyoommi gommona Israꞌeeleenaꞌo bulli emirii ililiibee, tiroonaa shametoonon huggiibee, qaaxilloon, giishi ximboonaa ooge ximboonon yexxii kaachiibee, Doono Yeerichi taabootoon Yerusaalem deebiyeete.

1 Kiinoo 16:42

Hemaaninaa Yedutuunina shumbureenaꞌochi, qaaxilleenaꞌonaa galletee shoddee beegaata kaacheebeeti shoddee qiiceenaꞌonochi toommooch ukkireheete. Yedutuuni bushiisheenaꞌoo kellechinaꞌo tuneheete.

2 Kiinoo 29:26

Leweenaꞌoo Daawitichi shoddee qiiceenaꞌon, qeesheenaꞌo boonoshi tiri tiroon yechiꞌi, qannii neexeheete.

2 Kiinoo 29:28

Iitoo bulliyoo goyinnehe. Deejjoo miccii ciiremmi wottoon shoddechinaꞌoo shoddeheete; tiroon huggechinaꞌoo huggiyeete.

2 Kiinoo 7:6

Qeesheenaꞌo boonoshi xaaꞌooch neexeheete. Leweenaꞌoo wotta, wonna Daawiti shoddoona Doono Yeerin galletoyich bi shuuneti shoddee qiicoon yexxii kaachiibee, “Bulli yemeenoon shoodechone; Doono Yeerin galletebote” iibee shoddoona Doono Yeerin galletee beeheete. Qeesheenaꞌo boonoshi ciinoochaa tiroon huggii beetaa, asheenaꞌo bulla neexee beeheete.

Iziri 3:10

Gimbeyneenaꞌo Doono Yeerichi yaafee kechi dechi xaqqoon batt boonoshi heccaahaa, qeesheenaꞌo yaafee kechi maddee tahoon tahee, tiroon (waaringoon) yechiꞌi, wotta Asaafi shiijjeroo tuneti Leweenaꞌo qaaxilloon yechiꞌi, Israꞌeelee taatoo Daawitichi getoommon, Doono Yeerin galletoyich neexeheete.

Nehimi 12:35

tiroon yechiti qeesheenaꞌo, wotta Asaafi bushoo, Zakuuri bushoo, Mikiyaasi bushoo, Mataniyi bushoo, Shemayaahi bushoo, Yonaataani bushoo, Zakaariyaasi,

Shoddo 150:3

Shametee qaaroona biin galletebote; ooge ximboonaa masinqoona biin galletebote.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Shoddo 81:4

Ebi Israꞌeeleenaꞌoyich icheti qociyoo, Yaaqobichi Nuggishoo getoone.

Shoddo 89:15

Doono Yeero, ililoon ariibeeti, ne aafeexi bekkoona hammiibeeti, asho diireetone.

Keyo 28:29

“Harooni Yaafe Xaaꞌooch bi giyiyooba, Doono Yeeri ta daaggoo echeebeeti, geteexi kiisooch beeti, Israꞌeelee yoodeenaꞌochi shigoon bi mullee kaamooch tuniibe. Ebina Doono Yeeri ta, ta asheenaꞌon bulli aaboon shalligemmo taane.

Keyo 30:16

Axaaxoon maariibeeti gijjoon Israꞌeeleenaꞌo waanee deꞌiree danee duukkaanee maddee shuunooch heechiibe. Doono Yeeri ta aafooch Israꞌeeleenaꞌoyich boonoshi axaaxoon maariyoyich shalligichoo tunemmone” iye.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Leweenaꞌo 23:24

“Israꞌeeleenaꞌoyich ishichi gete: ‘Shabaattinnee agenee ikkinnee qemo yaafeeti kashee shambetoo, tiroo (waaringo) huggi shalligichoo, taach goyinnoyich ittoshi kiceyemmi yaafeeti aabo ittoshich tunebe.

Haddoo 10:9

Ittoshi hajjee showoochaa ittoshin xuqqiti etteenaꞌon koyooch ittoshi keyiyooba, bi qaaroon oogichiree tiroon hugote. Ittoshi Nuggishoo Doono Yeeri ta aafoochaa shalligeyemmo ittoshine; ittoshi etteenaꞌo kishoochee ittoshin wodiyemmo taane.

Haddoo 28:11

“ ‘Batti agenee keyooba gutte wuron, ikke ooge bagee baaddoon, bachaalli, ikke nati shabaatte gishiishi bagee baaddoon micciibeeti deejjoo tuniiree Doono Yeeri taach deejjibote.

Haddoo 29:1

“ ‘Shabaattinee agenee ikkinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Shuunoon shuuneyaahote. Ebi aabo tiroon ittoshi huggemmi aabo tunebe.

Maatiyoosi 11:28

“Hini maraatetinaꞌonaa shaago maggetinaꞌonote, ta waan wobote; tawoo ittoshin kashiyemmo taane.

Mishiraachechinaꞌo 10:4

Biyoo keqqoona manjiiꞌi ciinniibee, “Ta doonocho, amoone?” iye. Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone.

1 Tasaloonqi 4:16

Yeerichi getee qaaro, maraakeenaꞌochi ukkiroo qaaro, Yeerichi tiree qaaroo waayeyemmone; arooba Doono Yesuusi bi qelloona shimaayoochee kindemmone; Kiristoosina tuneechii qititinaꞌo shiichiree tiyemminaꞌone.

1 Tasaloonqi 4:18

Ebich ittoshinaa ittoshina ebi qaaroona ikkoo baroon goggii kupphiibe.

Yaasi 4:7

boonoshich Yoordaanoosi aaco Doono Yeerichi wogee taabootee aafooch bi neexoon, ebiyoo taabootoon shaaggitinaꞌo Yoordaanoosin kimiyooba, wocaanoon bi neexoon, boonoshich gettemmo ittoshine. Ebina ebi xaqqeenaꞌo Israꞌeeleenaꞌoyich bulli yemeenee shalligicheenaꞌo tunemminaꞌone” iye.

Yaasi 6:4

Shabaatte qeesheenaꞌo bagee baaddoochi qaroochee shuuneeti shabaatte tiroon (waaringoon) yeshiree, taabootee aafooch hambeete. Shabaattinnee qemooba, qeesheenaꞌo tiroon hugi beetaa, katemoon shabaatte wottoon guudote.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

1 Saameeli 20:5

Daawitiyoo biich ishichiye: “Ebiyoche, yaach agenee keyi baaroo bi tunetoyich, maayoon mamoyich taatoona tookki madooch koto taach qaawii beetone. Tunebaani sharitti wottoon ikke kubbooch aashe ta beeyemmoyich tuniibe.