Haddoo 10:1 - Kafa Linguistics Project

¹ Doono Yeeri Muusich ishichiye:

Haddoo 10:1 ပူးပေါင်းရင်းမြစ်များ

Halloo 42:13

Boonoshiyoo wochiꞌi, “Ne guuno no, Kanaanee showooch beeti ikke uroochi bushiishoo, aaraa gutte manaamanoo noone; guuche ciiro no nihoo waaniye bi beeto; ikkoo aalletone” iyeete.

Halloo 46:15

Ebi anaami bushiisheenaꞌo Yaaqobi Mesopotaamee showooch bi beetaa, bi mechee Liy waanee shiijjetinaꞌone. Maache boonoshi bushee Diinin daakkiꞌi anaami bushiishoonaa maache bushiishoonochi haddoo bulli shaashaa keemone.

2 Saameeli 6:15

Ebiyoommi gommona Daawitinaa Israꞌeeleenaꞌona emirii ililiibee, tiroon huggiibeenoo, Doono Yeerichi taabootoon Yerusaalem deebiyeete.

2 Taateenaꞌo 11:14

Biyoo doyeetoommon taatoo giimbee gaꞌooch neexeꞌi beemon, bi gaꞌoochoo iraasheenaꞌonaa tiree huggechinaꞌona neexeꞌi beemon beeggahan; asheenaꞌo bulliyoo emirii, tiroonoo huggii beeheete. Ataaliyi bi tahoon keexxaꞌa, “Hukkoone, hukkoone!” iyaꞌa cookiyan.

2 Kiinoo 23:13

Biyoo taatoo kelleexi giimbee gaꞌooch neexeꞌi beemon, bi gaꞌoochoo iraasheenaꞌonaa tiree huggechinaꞌona neexeꞌi beemon beeggahan; asheenaꞌo bulliyoo emirii, tiroonoo huggii beeheete. Shoddechinaꞌoo shoddee qiicoon yechiꞌi, shoddoon yaggii beeheete. Ataaliyi bi tahoon keexxaꞌa, “Hukkoone, hukkoone!” iyaꞌa cookiyan.

2 Kiinoo 5:12

Shoddechi Leweenaꞌo bulli, eboshiyoo Asaafi, Hemaani, Yedutuuni, boonoshi anaami bushiisheenaꞌonaa boonoshi maneenaꞌona muttee tuppoochee cicii yokketaa shippeti tahoon tahee, qaaxilloon, ooge ximboonaa giishi ximboonon yexxii kaachiibee, deejjee gudee gaꞌooch, aabi-keyo waanaa neexee beeheete. Boonoshina tookkiinoo balli hiye qeesheenaꞌo tiroon (waaringoon) huggii beeheete.

2 Kiinoo 7:6

Qeesheenaꞌo boonoshi xaaꞌooch neexeheete. Leweenaꞌoo wotta, wonna Daawiti shoddoona Doono Yeerin galletoyich bi shuuneti shoddee qiicoon yexxii kaachiibee, “Bulli yemeenoon shoodechone; Doono Yeerin galletebote” iibee shoddoona Doono Yeerin galletee beeheete. Qeesheenaꞌo boonoshi ciinoochaa tiroon huggii beetaa, asheenaꞌo bulla neexee beeheete.

Iziri 3:10

Gimbeyneenaꞌo Doono Yeerichi yaafee kechi dechi xaqqoon batt boonoshi heccaahaa, qeesheenaꞌo yaafee kechi maddee tahoon tahee, tiroon (waaringoon) yechiꞌi, wotta Asaafi shiijjeroo tuneti Leweenaꞌo qaaxilloon yechiꞌi, Israꞌeelee taatoo Daawitichi getoommon, Doono Yeerin galletoyich neexeheete.

Shoddo 47:5

Yeeri ililoona, Doono Yeeri shametee qaaroona, damba kechiye.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Shoddo 98:6

Shametoonaa tiree qaaroona Taatoo Doono Yeeri aafooch ililibote.

Haddoo 1:52

Israꞌeeleenaꞌo boonoshi duukkaanoon boonoshi kuxi kuxona xogibeete. Asho bi ikkikkoona bi kaambi kaamboonaa bi baanderi baanderoona kotebe.

Haddoo 10:2

“Birewoon qiciree, gutte tiroon shuunebe. Ebi birewoochee shuuneti tireenaꞌon, iiteenaꞌon ceegonaa kaamboon happiree boonoshi tiyemmoyich tuniyoonoyich gaachebe.

Haddoo 29:1

“ ‘Shabaattinee agenee ikkinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Shuunoon shuuneyaahote. Ebi aabo tiroon ittoshi huggemmi aabo tunebe.

Haddoo 7:2

Aroochee Israꞌeelee yoodeenaꞌochi gumbee ukkireenaꞌo tuneti ebiyoo asheenaꞌo haddeehooba ukkireꞌi beetinaꞌo,

Haddoo 9:23

Doono Yeerichi getoona kaamboon geddii kotee beeheete; Doono Yeerichi getoonoo qaxirii beeheete; Doono Yeeri Muusina bi gettitoommon, Yeerichi getoon quyee beeheete.

Maatiyoosi 24:31

Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Yaasi 6:4

Shabaatte qeesheenaꞌo bagee baaddoochi qaroochee shuuneeti shabaatte tiroon (waaringoon) yeshiree, taabootee aafooch hambeete. Shabaattinnee qemooba, qeesheenaꞌo tiroon hugi beetaa, katemoon shabaatte wottoon guudote.

Yaaꞌoo 8:2

Aroochee Yeeri aafooch neexeebeeti shabaatte maraakeenaꞌon beeggeho; shabaatte tiroo boonoshich ichehe.

Woraaferasheenaꞌo 7:20

Ebi keejje kaattoona waati asheenaꞌo bulli tiroon huggiyeete; qulloonoo tiichiyeete. Boonoshi yooche kishoona ceechoon, boonoshi qanne kishoonoo tiroon yechiꞌi huggiibee, “Doono Yeerinaa Geediyooninoyich koyeebeeti koyo!” iꞌi cookiyeete.