Haddoo 1:51 - Kafa Linguistics Project

⁵¹ Danee duukkaanoo tiyii beegaata, Leweenaꞌo waaxeete; bi xogee beegaatoo, xogibeete. Bare asho arooch bi katinigaata, qitibe.

Haddoo 1:51 ပူးပေါင်းရင်းမြစ်များ

2 Saameeli 6:7

Uuzi taabootoon bi kishoona bi yechitoyich, Doono Yeeri oogichii kaareꞌi biin wuxiye; biyoo aroochaa Yeerichi taabootee aafooch qitiye.

Haddoo 10:11

Guttinnee natooba, guttinnee agenee hiyinnee qemooba, qubo miixee duukkaanee toommoochee tiyiye.

Haddoo 16:40

Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.

Haddoo 17:13

Doono Yeerichi yaafee duukkaanooch katinnimmo koniyoona qitii beetone. Ishigaata, no bulliyona qitemmo noone getone?” iyeete.

Haddoo 17:5

Ta kaacceti ashi gumbe atemmine. Ittoshi toommooch boonoshi guruuxiibeeti Israꞌeeleenaꞌochi guruuxoon ta waanee ebina kuxxemmo taane” iye.

Haddoo 18:22

Boonoshi axaaxoyich boonoshi echeyaachemmonaa boonoshi qitaachemmonoyich, ebiyee bekk Israꞌeeleenaꞌo danee duukkaanooch katinnaayeete.

Haddoo 18:3

Boonoshiyoo ittoshin gaachebee yaafee duukkaaneexi shuunoon shuunemminaꞌone. Tunebaani boonoshiyoo, ittoshiyoo qitaachemmoyich, Yaafe Xaaꞌeexi qiicoonaa deejjee gudoonooch katinnaayeete.

Haddoo 18:4

Danee duukkaaneexi maddoo bullin maddoyich ittoshina tookki beebeete. Tunebaani bare asho koniyoona ittoshi waan katinnaaye.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Haddoo 3:10

qeesheenaꞌo tuneree boonoshi maddemmoyich Harooninaa bi anaami bushiisheenaꞌonon ukkiriibe. Tunebaani bare asho koniyoona danee duukkaanooch bi katinigaata, qitibe” iye.

Haddoo 3:38

Muusi, Harooninaa bi bushiishoona yaafee duukkaanoo beetoochaa aabi-keyo waan danee duukkaanee ciinooch boonoshi kaamboon gedi kotemminaꞌone. Boonoshiyoo Israꞌeeleenaꞌochi qoodoyich yaafee duukkaanoochaa maddemminaꞌone. Bare asho arooch bi katinigaata, qitemmone.

1 Saameeli 6:19

Doono Yeerichi taabootee maac boonoshi ciinnitoyich, Beet Shemeeshi asheenaꞌoochee Yeeri shabeenaꞌon wuxiye. Doono Yeeri ebi shaahoon asheenaꞌon bi wuxitoyich, asheenaꞌo eeppii tuummiyeete.