Haddoo 1:16 - Kafa Linguistics Project

¹⁶ Eboshiyoo iitee daggoochee kaachetinaꞌo, boonoshi qaabbechi yoodi yoodoon yaabii qeejjii beetinaꞌonaa Israꞌeelee yareenaꞌochi ukkireenaꞌonane.

Haddoo 1:16 ပူးပေါင်းရင်းမြစ်များ

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 18:25

Israꞌeeleenaꞌo daggoochee ariyechi asheenaꞌon kaacciꞌi, asheenaꞌo toommooch ukkiriihe; boonoshinoo humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiꞌi ukkiriihe.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Haddoo 1:15

Nifitaali yoodoochee Enaani bushoo Ahiirinane” iye.

Haddoo 1:17

Muusinaa Haroonina ebi boonoshi shigoona ceekketi asheenaꞌon ceeggii daammiyeete.

Haddoo 1:4

Yoodi yoodoochee, bi qaabbechi yaroochi ukkiroo tuneti ikke asho ittoshina tookki beebe.

Haddoo 10:4

Tunebaani ikke tiroo baach hukkegaata, ogoogeenaꞌo, ebi geto Israꞌeelee gumbee ukkireenaꞌo ne waan kiceebeete.

Haddoo 11:17

Tawoo kindi aroochaa neenna tookki yibbaatemmo taane; ne waan beeti Ayaanoochee qoodiree boonoshi toommooch kotiyemmo taane. Asheenaꞌochi shaagoon shaagona neen gaachemminaꞌone; ebiyee bekk, ne ikkeeto baach shaagaachemmo neene.

Haddoo 16:2

Muusi toommooch tiyiyeete. Israꞌeeleenaꞌoochee gutte ballaa aache asheenaꞌon boonoshi waan wochiyeete. Eboshiyoo iiteenaꞌo kaacciti ukkireenaꞌone; wottoo aricheti asheenaꞌone.

Haddoo 26:9

Eliyaabi bushiisheenaꞌo Nemuꞌeeli, Daataaninaa Abiraaminane. Ebi Daataaninaa Abiraamina iiteenaꞌo kaacciti ukkireenaꞌone. Qoraahichi dabbeenaꞌo Doono Yeeri toommooch boonoshi tiyiyooba, boonoshina tookkii tuneꞌi, Muusinaa Haroonina tookkii kaaretinaꞌone. Doono Yeeri toommooch boonoshi tiyiyooba,

Haddoo 30:1

Muusi Israꞌeelee yoodeenaꞌochi ukkireenaꞌoyich ishichiye: “Doono Yeeri gettiti mooyo ebine:

Haddoo 7:2

Aroochee Israꞌeelee yoodeenaꞌochi gumbee ukkireenaꞌo tuneti ebiyoo asheenaꞌo haddeehooba ukkireꞌi beetinaꞌo,

Yibbaatoo 1:15

“Ebina tawoo yiiteenaꞌonaa arichetinaꞌona tuneti, ittoshi yoodi yoodee iraasheenaꞌon daammaa, humee iraasheenaꞌon, ballee iraasheenaꞌon, aachee iraasheenaꞌonaa aashire iraasheenaꞌonon tunii ukkiriihoye; wotta bare iraasheenaꞌon ittoshi yoodi yoodo bulliich ukkiriihoye.

Woraaferasheenaꞌo 6:15

Geediyooni wochiꞌi, “Ta Doonocho, Israꞌeeleenaꞌon wodiyoon ta hakkemmo aabichireeshiye? Ta yaroo Minaasi yoodee daggoochee hakka guute yaroone; tawoo wotta ta nihoochi kechi asheenaꞌo daggoochee giisho taane” iye.

1 Saameeli 22:7

Saaꞌooliyoo bi guudoona beeti bi naayinaꞌoyich ishichiye: “Biiniyaamee asheenaꞌote, eke ellebote; Iseyi bushoo goyee budonaa woyinee goyoonon ittoshi bullich immehe? Wotta ittoshi bullin humee iraashoonaa ballee iraashoonon tuniyehe?

1 Saameeli 23:23

Bi aasheebeeti xaaꞌeenaꞌo bullin xiishii ittoshi beeggitoyee gubb, xiisheeti mooyon yeshiree ta waan wobote; tawoo ittoshina tookki hammemmo taane. Are showooch baach beebani, Yihudee yareenaꞌon boonoshi ikkikkoona bosheree boonoshi daggoochee biin danemmo taane” iye.