Haddoo 1:1 - Kafa Linguistics Project

¹ Israꞌeeleenaꞌo Gibitsee boonoshi kechitoyee gubb, guttinnee natooba, guttinnee agenee ikkinnee qemooba, Doono Yeeri Muusich Siini barahoochaa, danee duukkaanee daggoochaa ishichiꞌi gettiye:

Haddoo 1:1 ပူးပေါင်းရင်းမြစ်များ

1 Taateenaꞌo 6:1

Israꞌeeleenaꞌo Gibitsee boonoshi kechiti awudde ballaa shinne natooba, ebiyoo Israꞌeeleenaꞌo toommooch bi taateti awuddinnee natooba, Ziibi getteebeeti guttinnee agenooch, Solomooni Doono Yeerichi yaafee kexon wonniye.

Keyo 19:1

Israꞌeeleenaꞌo Refidiimee tiyiyeete. Gibitsee showoon gawukkii boonoshi kechitoyee gubb, keejjinnee agenee ikkinnee qemooba, Siini barahooch waaheete. Arooch shaggiꞌi, guudi ciinooch kaamboon geddii koteheete.

Keyo 25:22

Taabootee toommooch beeti gutte kiruubeenaꞌochi gutte daggooch, axaaxoon maariyee guufee tookk tuneechi, neenna danemmo taane. Israꞌeeleenaꞌoyich tunemmi ta geto bullin neech gettemmo taane.

Keyo 40:17

Guttinnee natooba, ikkinnee agenee ikkinnee qemooba, yaafee duukkaanoo xogeehe.

Keyo 40:2

“Yaafee duukkaanoon, ebiyoo danee duukkaanoon, ikkinnee agenee ikkinnee qemooba xogibe.

Leweenaꞌo 1:1

Doono Yeeri danee duukkaanee daggoochaa Muusin ceeggiꞌi ishichiye:

Leweenaꞌo 27:34

Doono Yeeri Siini guudi toommoochaa Muusina Israꞌeeleenaꞌoyich bi gettiti geto ebine.

Haddoo 1:18

Guttinnee agenee ikkinnee qemooba, asho bullin ikkooch kiciyeete. Hiye natinaꞌonaa ebiyee dambeenaꞌona boonoshi gumbi gumboon, boonoshi qaabbechinaꞌo yari yaroonaa boonoshi shigi shigoonon ikkikkeꞌi, gettii kooreeheete.

Haddoo 12:4

Bekkech Doono Yeeri Muusin, Harooninaa Miiriyaminon “Ittoshi keemolla kaate keyiree, danee duukkaanooch wobote” iye. Boonoshiyoo kechii waaheete.

Haddoo 9:1

Gibitsee boonoshi kechiti guttinnee natooba, ikkinnee agenooch Doono Yeeri Muusich Siini barahoochaa ishichiye:

Yibbaatoo 1:3

Gibitsee boonoshi kechiti aabbinnee natooba, aaraa ikkinnee agenee ikkinnee qemooba, Muusi Doono Yeeri bi gettemmoyich biich gettiti mooyo bullin Israꞌeeleenaꞌoyich gettiye.

Yibbaatoo 2:14

“Qadeesh Barinee tiyaꞌa, Zereedi aacon no kimmemmi wottoon, shaashaa shimitte nato tunehe. Ebiyooba Doono Yeeri tuniiya bi wogetoommon, ginee koyechinaꞌo tuneti, aroobee shiijjereenaꞌo bulli qitii ciiretinaꞌone.

Yibbaatoo 2:7

“Doono Yeeri am shaahoon ittoshi kishoona ittoshi shuuneti mooyo bullina ittoshin bi diirito gaata shalligibote. Ebi shaahe gamini barahoona ittoshi shaꞌee beehooba, ittoshich qaawiibeeti mooyon imona ittoshin gaachetone. Ebi aabbe naton ittoshina tookkii bi tunetoyich, amoonolla mucceyaano ittoshine.