Haagi 2:5 - Kafa Linguistics Project

⁵ Gibitsee ittoshi keyiyooba, ittoshich ta gibenikkito ebiniye. Ta Ayaano ittoshina tookkii beetone; shattaahote’ iye.

Haagi 2:5 ပူးပေါင်းရင်းမြစ်များ

2 Kiinoo 20:17

Hini koyoon koyemmo ittoshi toonoone; ittoshi xaaꞌi xaaꞌoon yeshiree baach neexebote; manji neexebote. Doono Yeeri ta, wudoon ittoshich ta daniyoon beeggemmo ittoshine. Yihudee asheenaꞌonaa Yerusaalemi asheenaꞌonote, shati keqqiyaahote; yaach hamiree boonoshina koyebote. Doono Yeeri tawoo ittoshina tookki tunemmo taane’ itone” iye.

Nehimi 9:20

Boonoshin bi dojjemmoyich deꞌe ne Ayaanoon boonoshich immehine. Mannoonoo boonoshi noonoochee kuxaano neene; boonoshi shachewoyichoo aacon immehine.

Nehimi 9:30

Wodde yemeenoon boonoshin haaꞌiihine; ne keemechinaꞌona tunaꞌa ne Ayaanoona boonoshin kupphiyaꞌa meeqqeqqiihine; tunebaani ellee waayeyaaneenaꞌone. Ebich boonoshi guudoona beeti aageteenaꞌo kishooch beshiyaꞌa boonoshin immehine.

Keyo 19:4

‘Gibitseenaꞌo toommooch amo ta tuniito gaata, wotta booyo bi bushiishoon bi qoshoona bi shaagoommon, tawoo ittoshin ta waan aabichaꞌa ta deebeto gaata ittoshi, ittoshi qelloona beeggito ittoshine.

Keyo 19:6

Taatoo Yeeri taach maddeebeeti qeesheenaꞌon, yaafeeti aagetoon tunemmo ittoshine’ gete. Israꞌeeleenaꞌoyich ne gettemmi qaaro ebine” iye.

Keyo 24:3

Muusi asheenaꞌo waan hammiꞌi Doono Yeerichi qaaroonaa doyoo bullinon bi getaa, asheenaꞌo ikke qaaroona “Doono Yeeri gettito bullin tuniyemmo noone” iyeete.

Keyo 24:8

Aroochee Muusi damoon daammii asheenaꞌo toommooch wuciichii, “Ebi qaaro bullin bi imiyooba, Doono Yeeri ittoshina tookkii bi giyiti wogoon manjiyemmi damoone” iye.

Keyo 34:10

Aroochee Doono Yeeri Muusich ishichiye: “Israꞌeeleenaꞌona tookki wogoon giyemmo taane. Ebiyee aaf showee toommo bulliich, ameexi aagetoyichona aricheyaani, worganikkiti mooyon ne asheenaꞌo bulli aafooch tuniyemmo taane. Boonoshi daggooch ne beeti hini asheenaꞌo, Doono Yeeri ta neenna tuniyaabeeti shuunoo am shaahoon shattiibeeto gaata beeggemminaꞌone.

Keyo 34:8

Muusiyoo bekkech showooch baroona guufeꞌi goyinnehe;

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 41:13

Ne Nuggishoo Doono Yeeri ta, ‘Neen gaachemmo taane; shattaahine’ iyaꞌa, ne qanne kishoona yecheto taane.

Zakaariyaasi 4:6

Aroochee taach ishichiye: “Zerubabeelich getteeti Doono Yeerichi qaaro ebine: ‘Zerubabeelo, ebin ne tuniyemmo ta Ayaanoonalli hakkoona woyee giidoona toonoone’ iye Beshe Mawe Doono Yeeri.

Zakaariyaasi 8:13

Yihudee asheenaꞌonaa Israꞌeeleenaꞌonote, aageteenaꞌo daggooch uppetooch haddeeto ittoshine; tunebaani and ittoshin wodiyemmo taane. Ittoshiyoo diiroo tunemmo ittoshine. Shattaahote; ittoshi mochoo niraaye” iye.

Zakaariyaasi 8:15

Tunebaani and Yerusaaleminaa Yihudinoyich ebiyoommon gaawe mooyon tuniiya maacceto taane; illa shattaahote.

Maatiyoosi 28:5

Hini are maraakoo genneenaꞌoyich ishichiye: “Haanoshite, shattaahote. Yoodaa qititi Yesuusin ittoshi qaawoon ariibeeto taane.

Mishiraachechinaꞌo 27:24

‘Phawulooso, shattaahine; Qesaari aafooch neexo neech qaawiihe; wotta neenna tookkii hammii beetinaꞌo bullin Yeeri neecha getiree qitoochee wodiyemmone’ iꞌi taach bi gettitoyichiye.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Yaasi 8:1

Aroochee Doono Yeeri Yaasich ishichiye: “Shattaahine; keqqiyaahine; ginechinaꞌo bullin yeshiree keyi, Aayin koye. Aayi taatoon, bi asheenaꞌon, bi katemoonaa bi showoo bullinon ne kishooch beshiyaꞌa immeto taane.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.

1 Saameeli 12:20

Saameeliyoo asheenaꞌoyich ishichiye: “Shattaahote; ebi shaahe axaaxoon shuuneto ittoshi tunetaanoona, Doono Yeerich ceeni ittoshi mulloona goyinne maddebotani, biin dabboon qayiree badd wotteyaahote.