Haagi 2:22 - Kafa Linguistics Project

²² showee toommooch beeti, taatittinee qeenon guuppa ii beeto taane; aagetee showee taatittinee giidoon aalliiya ii beeto taane; boonoshi gaarinaa gaarin yebbee beetinaꞌonon guuppa ii beeto taane. Boonoshi haresheenaꞌo qitemminaꞌone; yebbee beetinaꞌoo boonoshinaa boonoshina goraadoona qecceeree qitemminaꞌone.

Haagi 2:22 ပူးပေါင်းရင်းမြစ်များ

2 Kiinoo 15:6

Yeeri meeti iritoona boonoshin bi yexxitoyich, ikke aagetoo bare aagetoon, ikke katemoo bare katemoon kochii aallii beehe.

2 Kiinoo 20:22

Leweenaꞌo galletoonaa shoddoonon boonoshi wonnimmona, Doono Yeeri ebi boonoshin kocha waati ginee naayinaꞌon keqqichiye.

2 Kiinoo 20:23

Amoonee asheenaꞌonaa Moꞌabee asheenaꞌona Seyiri guudi toommeexi asheenaꞌo toommooch tiyiꞌi, wuxii aalliiheete. Seyiri guudi toommeexi asheenaꞌon wuxii ciichiichii, boonoshinaa boonoshina ciireheete.

Shoddo 46:9

Koyoon showee toommo bulliichee wokkiihe; maꞌoon tiichiye; ginoonoo tiichii aalliihe; gaachoonoo qaaqqoona michiye.

Shoddo 76:6

Yaaqobichi Nuggishoocho, ne kaaroochee tiyitona, hareshechinaꞌonaa haresheenaꞌona qitiyeete.

Keyo 14:17

Gibitseenaꞌo mulloon ta muumiitaa, Israꞌeeleenaꞌon dabbiree giyemminaꞌone. Farooninaa bi ginee naayo bullinochi toommooch, bi gaarinaꞌonaa hareshechinaꞌonochi toommoochoo ta oogo bekkemmone.

Keyo 14:28

Israꞌeeleenaꞌon dabbiꞌi, baharee daggooch giyiti gaarinaꞌon, hareshechinaꞌonaa Faroonichi ginechinaꞌo bullinon aaco wotteꞌi guuppiye. Ikkolla muriccito aalloone.

Keyo 15:19

Israꞌeeleenaꞌo baharee daggoona shuuꞌi showoona kimmiyeete; tunebaani Faroonichi haresheenaꞌo, bi gaarinaꞌonaa hareshechinaꞌona baharooch waa boonoshi giyimmona, Doono Yeeri baharee aacon boonoshi toommooch wochiye.

Keyo 15:4

Faroonichi gaarinaꞌonaa bi ginechinaꞌonon baharooch duppitone; Faroonichi aricheti ginee iraasheenaꞌon Ceelle baharo qooxxemmoyich tuniitone.

Isiyaasi 19:2

Doono Yeeri ishichiye: “Gibitsee asheenaꞌochi toommooch Gibitsee asheenaꞌo tiyemmoyich tuniyemmo taane; asho bulli, manoo bi manoo toommooch, giyoo bi giyoo toommooch, katemoo katemee toommooch, taatee showoo taatee showee toommooch tiyemmoyich tuniyemmo taane. Gibitseenaꞌo mullo baallemmone; boonoshi yamoonoo duubo tuniyemmo taane; boonoshiyoo boonoshi shahalleenaꞌon, kaayechinaꞌon, qite ashoona yibbaatee beetinaꞌonaa allaameenaꞌonon echemminaꞌone. Gibitseenaꞌon maacmanje doono kishooch beshiiree immemmo taane; hatiibeeti taatoo boonoshin hajjemmone” iye Beshe Mawe Doono Yeeri.

Isiyaasi 60:12

Neech maddeyaani aageteenaꞌonaa taatee showeenaꞌona aallemminaꞌone; ciroona hidaa aallemminaꞌone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Hiziqeeli 21:27

Aallo, aallo, katemoon aalliyemmo taane; tunebaani katemoon bi aalliyemmoyich ta kaacceto waammi wottoon ebi tuneyaachemmone; arooba biich beshii immemmo taane.

Hiziqeeli 26:16

Baharee gasheexi taateenaꞌo boonoshi taatee qeenoochee kindemminaꞌone; toommeexi boonoshi tahoonoo shoottemminaꞌone; shashechi boonoshi tahoon kichemminaꞌone; boonoshi qellich keqqoon taheree showooch kotemminaꞌone; kuxaanoon qewebee ne toommooch shaggitona geewemminaꞌone.

Hiziqeeli 38:21

Ta guudinaꞌo bulliichee Googi toommooch goraadoo kaacheyemmoyich tuniyemmo taane, iye Nuggishoo Doono Yeeri. Asho bullichi goraado bi nuuchoon maayemmone.

Hiziqeeli 39:20

Ittoshi michimmi wottoon, ittoshich ta giddiiti madoochee hareshoonaa hareshechinaꞌonochi meenon, giidechinaꞌonaa ginee naayinaꞌo bullinochi meenon maayemmo ittoshine, iye Nuggishoo Doono Yeeri’ gete.

Daaneeli 8:25

Marecho bi tunetoyich, acona mooyo biich bi kaamemmoyich tuniyemmone; bi mulloonoo oogichi geecemmone; diqqoona boonoshi beetaa, meeti asheenaꞌon aalliyemmone. Taateenaꞌochi Taatoo toommoochona tiyemmone; tunebaani ashi kishoona tuneyaanoon, biyoo aallemmone.

Amootsi 2:15

Shangoona koyeebeeto gubb shokemmone; baata kettolla woci wodaachemmone; hareshechoo bi kashoon wodiyoon hakkaachemmone.

Mikiyaasi 5:10

Doono Yeeri ishichiye: “Ebi arooba, ittoshi haresheenaꞌon ittoshi kishoochee tiijjemmo taane; ittoshi gaarinaꞌonoo aalliyemmo taane.

Mikiyaasi 5:15

Taach deꞌa gettemmon qajjiti aageteenaꞌo bulli toommoochoo ta kaaree shiixxoon kindiyoona nichoon kichemmo taane” iye.

Mikiyaasi 5:8

Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Mikiyaasi 5:9

Israꞌeeleenaꞌote, ittoshi etteenaꞌo toommooch ittoshi mochoon tiijjemmo ittoshine; ittoshi etteenaꞌo bulliyoo aallemminaꞌone.

Mikiyaasi 7:16

Aagetee asheenaꞌo giidechinaꞌo boonoshi tunetaanoona ebin beegiree yeellemminaꞌone. Boonoshi noonoon uppemminaꞌone; boonoshi waamonoo oppemminaꞌone.

Sofoniyaasi 3:8

Ebich Doono Yeeri ishichiye: “Eke cikki beebote. Aagetee asheenaꞌo toommooch ta nallemmi aabo waatone. Ta kaaree shiixxoon boonoshi toommooch kindiyoyich, aagetee asheenaꞌonaa showee taateenaꞌonon kiciya maacceto taane. Ta kaaree aabooba, qaaqqoo aaxxoommon aaxxeebeeti ta qanaatee kaaroona showoo bulli mici aallemmone.

Zakaariyaasi 10:11

Iritee baharee daggoona beshemminaꞌone; aachi aayon yexxemmo taane. Abbaayi gejjo bulliyoo shuuqqemmone; Asooreenaꞌo geecoo shootemmone; Gibitsee showee taatittinee gumbo dihemmone.

Zakaariyaasi 10:5

Boonoshiyoo ikkotteree ginee naayochoommon, boonoshi etteenaꞌon gommeexi dengoochoommon kotemminaꞌone. Doono Yeeri ta, boonoshina tookkaa ta tunetoyich koyeree, hareshechinaꞌonolla koyi wochemminaꞌone.

Zakaariyaasi 12:9

Ebiyooba Yerusaalemi toommooch etto tuneꞌi waabeeti aageteenaꞌo bullin aalliyoyich tiyemmo taane.

Zakaariyaasi 14:3

Aroochee Doono Yeeri ginooba bi koyoommon ebi aageteenaꞌon keyi kochemmone.

Zakaariyaasi 4:6

Aroochee taach ishichiye: “Zerubabeelich getteeti Doono Yeerichi qaaro ebine: ‘Zerubabeelo, ebin ne tuniyemmo ta Ayaanoonalli hakkoona woyee giidoona toonoone’ iye Beshe Mawe Doono Yeeri.

Zakaariyaasi 9:10

Doono Yeeri ishichiye: “Gaarinaꞌon Efreemee showoochee, ginee haresheenaꞌon Yerusaalemee, aalliyemmo taane. Ginee koyee maꞌoonoo tiichemmo taane. Ittoshi taatoo diggoon aageteenaꞌoyich awaajjemmone. Bi taatittino, baharoochee baharooch bedo, Efiraaxisi aacoochee showee tuggooch bedo, tunemmone” iye.

Maatiyoosi 24:7

Arooba ikke aageteexi asho bare aageteexi ashoona, ikke showeexi taatoo bare showeexi taatoona koyemmone; baribare xaaꞌoochoo shaacoo giyemmone; showee qewo tunemmone.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Woraaferasheenaꞌo 7:22

Keejje balle tiroon boonoshi huggimmona, Doono Yeeri ebi etteenaꞌo boonoshinaa boonoshina wochiree goraadoona koye boonoshi ciiremmoyich tuniihe. Ebi ginee naayinaꞌo Tsereree showoo waan beeti, Beet Shixaaha beddaahaa, Xabaati katemee gaꞌooch beeti Abeel Meholi katemee gocooch beddaahaanoo wocciyeete.

1 Saameeli 14:16

Biiniyaamee showooch, Gibaaha, quyooch beeti Saaꞌoolichi ginee naayinaꞌo Filsixeemee ginechinaꞌo shaceꞌi boonoshich kaami kaamemmo waan wocon beeggiyeete.