Haagi 2:17 - Kafa Linguistics Project

¹⁷ Wooqoon, cindoonaa baderoonon deejjaꞌa aajjii ittoshi gochiti maayoon aalliihoye. Tunebaani ta waan wotteyaano ittoshine.

Haagi 2:17 ပူးပေါင်းရင်းမြစ်များ

Halloo 42:23

Yooseefi boonoshin bi yibbaatiibeeto wokkeellechona bi tunetoyich, boonoshi yibbaatee beeton waayeebeeto boonoshich shaahaanoone.

Halloo 42:27

Boonoshi qeyiti xaaꞌoochaa boonoshi daggoochee ikkoo bi mollexxeexi maayoochee bi kuroyich imma biichiꞌi, mollexxee noonoochee bi gijjoon danehe.

Halloo 42:6

Ebiyooba Yooseefi Gibitsee iraashoone. Bare showoo bulliichee waabeeti asheenaꞌoyich maayoon kemmiibeeto, biine. Yooseefichi maneenaꞌo shaggiꞌi, showooch guufee biich goyinneheete.

1 Taateenaꞌo 8:37

“Showee toommooch shaacoo woyee qeqqichiibeeti biiyo giyaa, woyee wooqoo, woyee cindoo, woyee gechoo, woyee hipperoo maayoon aalliitaa, woyee boonoshi katemoo aabiichaanona etto boonoshin giichii yeshaa, woyee naxo woyee biiyo amolla boonoshi toommooch waataa,

2 Kiinoo 28:22

Taatoo Akaazi bi xuuxehooba, aafichoyee beshoon Doono Yeerich gibeneyoon qajjiye.

2 Kiinoo 6:28

“Showee toommooch shaacoo woyee qeqqichiibeeti biiyo giyaa, woyee wooqoo, woyee cindoo, woyee gechoo, woyee hipperoo maayoon aalliitaa, woyee boonoshi katemoo aabiichaanona etto boonoshin giichii yeshaa, woyee naxo woyee biiyo amolla boonoshi toommooch waataa,

Iyoobi 36:13

“Boonoshi mulloon Yeer waanee wokkiiti asheenaꞌo, ippoonane boonoshi beeyemmo; boonoshin bi sheeriyoobolla, ‘Noon gaachebe’ iꞌi bi waan cookaacheete.

Shoddo 128:2

Ne aayon maayemmo neene; emiremmo neene; neechoo kaamemmone.

Shoddo 78:46

Boonoshi maayeenaꞌon hipperoyich, boonoshi goyeenaꞌonoo gechoyich, immiye.

Isiyaasi 28:2

Doono Yeeri, baderee yattoommi, aalliibeeti yuboommi, ceenniti giidechi aacoommi, hakkechonaa kupphoona tuneti ashoon qanniitone; ebi asho boonoshin showooch curulliyemmone.

Isiyaasi 37:27

Are showee asheenaꞌochi mochoo nirehe; gibenoon kuxxii yeelleheete; aabo keyigaata bekkech shoolliibeeti, gaddeexi mocoommon, mocee nolloommon, kechi toommooch colleti mocoommon, tuneheete.

Isiyaasi 42:25

Ebich bi kaaree shiixxoonaa giidechi koyoonon, no toommooch deejjiye; no guudoona qaaqqoon yeshiihe; tunebaani no ariyaano noone; noon michiye; tunebaani ebi nooch giyaanoone.

Isiyaasi 62:8

Doono Yeeri bi qanne kishoona, giidechi bi mochoonoo ishichiꞌi wogehe: “Ne maayoon ne etteenaꞌo maayemmoyich ciroona wochinnoon tuniyaachemmo taane; ne aajjeti woyinee uyoonoo shiqqeenaꞌo ciroona wochinnoon uyaachemminaꞌone.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Erimiyaasi 3:24

Tunebaani wonnee tiijjiꞌi yeelliiti shahalloyich goyinno, no qaabbechinaꞌo aajjiti aayo bullin, bageenaꞌonaa miiminaꞌonon, anaami bushiisheenaꞌonaa maache bushiisheenaꞌonon hidii maatone.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Amootsi 4:6

“Katemoo bulliich manjeyemmi maayo aallemmoyich tuniyaꞌa, ittoshi gammo gawemmoyich tuniito, ta qelloona taane. Tunebaani ittoshi, ta waan wotteyaano ittoshine, iye Doono Yeeri.

Haagi 1:11

Tawoo ittoshi goyoonaa geppeenaꞌochi toommooch, maayoonaa woyinee uyoonochi toommooch, zayitoonaa showee colliibeeti mooyo bullinochi toommooch, ashoonaa gijjoonochi toommooch, asho aajjiibeeti mooyo bulli toommoochoo aaboon deebeto taane” iye.

Haagi 1:6

Ittoshiyoo woddiiꞌi gochiyote, tunebaani ittoshi qeccii giijjito giishechoone. Maahote, tunebaani maa miyaachote. Uchiyote, tunebaani uchii tooꞌaachote. Tahehote, tunebaani ittoshi achooch qeecaache. Shumaayoon deqqiibeeti asho keexe kiisooch geddii beetoommon tunetone.

Haagi 1:9

Meeti maayoon qeccii giijjoyich gibeneto ittoshine; tunebaani giishechoon tunehe. Qeccii kexooch ittoshi giijjiyooba, huggaa ta getaa aallehe. Ebi bi tuneto, amoyichiye? Ebi bi tuneto, ta yaafee kexo tiisheꞌi beetaa, ittoshi bulli ittoshi hajjee kexi kexon hagoyich ittoshi wocee beetoyichiye.

Haagi 2:16

Ikke asho “Gutte kuntaal bede maayoon danemmo taane” ii gabiibee, maayi gutooch hammiꞌi, ikke kuntaaloon baach danehe. “Balle neetiroon danemmo taane” ii gabiibee, woyino koteti sharooch hammiꞌi, aabboon baach danehe.

Milikiyaasi 3:11

Ittoshi maayoon kashingixeenaꞌo aalliyemmoyich tuniyaachemmo taane. Ittoshi goyeexi woyinee qomboo gaawichiree aafemmone.

Yibbaatoo 28:22

Doono Yeeri shattiiti biiyoon deejji ittoshin bi yexaa, ittoshich bi immiibeeti showoochaa ittoshi bulli qiti ciiremmo ittoshine; maajjiibeeti biiyoona, gaaboonaa baribare qeddee gaamee biiyoonoo xuuxemmo ittoshine. Doono Yeeri ittoshiyee damba beeti shimaayoochee amiyon aalliitaa, ittoshiyee desh beeti showoo xuuroo wogoommon wogemmone; gaamiibeeti yongoonaa cindoonon deejji ittoshi maayoon aalliyemmone.

Yaaꞌoo 2:21

Ebi ure bi shunee mamon qayiree Yeer waan bi wottemmoyich haaꞌiito taane; tunebaani aree ebin qaawaaneene.